السلام عليكم و رحمة الله و بركاتة
سيارة والدى تويوتا افانزا 1500 سى سى موديل 2007 فيها مشكلة غريبة بالنسبة ليا عشان انا مش بفهم فى الاتوماتيك الصراحة !!!!
المشكلة تتلخص فى عند السير بالعربية يحدث زى نطرة فى العربية و بعد كدة انخفاض فى التسارع بتاع العربية و مع زيادة الضغط على دواسة البنزين يزداد ال rpm و بوصل 3500 لفة و انا مجربتش ادوس اكتر من الصراحة و يرتفع صوت الموتور و التسارع بتاعها بطئ ...الكلام دة بيحصل لما العربية تكون فى سرعة 60 و لمبة ال check engin بتنور و معاه كمان لمبة ال O/D off ....هل معنى الكلام دة ان فيه حاجة فى الgear box ولا ايه ؟؟؟؟ انا وديتها لميكانيكى و حطها على الكومبيوتر مقاش حاجة بس قاللى ان فيه حساس كان عاوز يتنضف و روحت بالعربية وكانت ماشية كويس ...تانى يوم المشكلة رجعت تانى ...وانا مابقتش فاهم حاجة الصراحة ...رجاء اللى عرف سببها يقولى و ايه الحل من وجهة نظركم ..مع العلم انى لسة مغير زيت الموتور لان كان عندى شك فيه ..والزيت اللى نزل منها مكنش فيه مشاكل و كان طبيعى
و شكرا مقدما لمساعدتكم :)