فيرنا مانيوال 2012

**mohali** · 26-06-2012 01:05 AM

إخوانى ملاك الفيرنا .حجزت فيرنا كاملة والإستلام بعد يومين إن شاء الله أرجو منكم إفادتى فى الأتى
1-اللون الفيرانى أو النبيتى أفضل
2-كيف أغير الشكمان بدون الخروج من الضمان لأن الشكمان بتاعها منخفض وبيحك وأرى بعض السيارات الشكمان مرتفع جدا مشعارف هو بتاعها ولا مغيرينو
3-هل تغيير الجنوط والكاوتش يخرج من الضمان وما هو أنسب مقاس للجنوط الجديدة والكاوتش علما أنى أريد تركيب كاوتش عريض قدر المستطاع ويعلى العربية مش مهم التكاليف علشان الثبات حيث إنى أسير على سرعات لا تقل عن 150 بل تزيد
4- متى أذهب للتوكيل ومتى أغير زيت
5-الموزع عرض علية أختار إما خصم 500 جنيه أو يعطينى كارت خصم 20% من مصنعيات التوكيل سارية فترة الضمان +طقم دواسات+ميدالية+تركيب سنسور بارك أيهما أختار؟
أرجو إفادتى فى النقاط السابقة

**Ashraf_Ibrahim** · 26-06-2012 02:38 AM

اولا ألف مبروك على العربية يا عزيزي
نرد على تساؤلاتك بقا :D

1-الألوان أذواق يا عزيزي
انا عربيتي فيراني وبيعجبني اللون الفيراني جدا
اللون النبيتي رائع برده بس طول ما هو نضيف والعربية مش متخبطة او محكوكة -ومميز على فكرة مش منتشر اوي -

2-الشكمان متغيرهوش طبعا لأن شكمان العربيات الفيرنا بداية من 2010 مرفوع ومش بيحك وعن تجربة وثقة ولا تقلق مطلقا انها تحك معاك في الشكمان خالص

3- لا ميخرجش من الضمان طبعا
بما انك بتمشي بسرعات عالية مبتقلش عن 150 طول الوقت يبقا خليك في الكاوتش ال 15 بالمقاس دا
195/50 R15 دا تقريبا نفس الاستوك ولا هيعلي العربية ولا هيوطيها وهيديلك الثبات اللي انت عاوزه
ولو عاوز تزود الثبات يبقا تديها طقم strut bars محترم وهتدعيلي

4- بتروح صيانة الألف كم ودي صيانة مجانية معليهاش مصاريف بتغير فيها زيت -حط زيت 5000 كم وبعد كدة الصيانة كل 5000 كم لو هتعمل صيانة في التوكيل وبعد اول صيانة تحط زيوت معدنية -زيوت 10000 كم لو شيل او موبيل او توتال او زيوت 15000 كم لو كاسترول او فالفولين او ليكوي مولي - وتراعي ان لزوجة الزيت لا تزيد عن 40 بالكتير !
يعني حاول دايما الزيت اللي تحطه يكون 5w/40 or 0w/40

5-لواختار خصم المصنعيات والميدالية والبارك سينسور والدواسات وخليك مع الضمان لفترة لحد ما تطمئن على العربية وبعدين سيبهم مفيش مشكلة

لو فيه أي سؤال تاني انا تحت أمرك

**Ashraf_Ibrahim** · 26-06-2012 03:12 AM

ال strut bar دا طقم شدادات -أحزمة يعني - بتحزم العربية بيها سواء الموتور من فوق ومن تحت ومن الخلف برده من فوق ومن تحت ودا بيخلي جسم العربية متماسك جدا حتى في التصادمات كمان وبيخلي ثباتها عالي جدا
اعتقد موجود في TPS في الحرفيين

التوكيل بيحط الزيت اللي هو متعاقد معاه -هيونداي متعاقدة مع شيل -
حابب تغيره برة مفيش مشكلة دا ميخرجكش من الضمان بس تأكد من طبة الزيت تكون مقفولة باحكام عشان ميحصلش مشاكل منها ولو هتغير بره أرشحلك زيت كاسترول ايدج 5w/40 دا سعره 270 جنيه وبيتغير كل 15000 كم او سنة ايهما اقرب

الجنوط تكون جنط 15 ويكون 7 بوصة اما عن النوع فمش هقدر أفيدك اوي لأني مش متخصص في الجنوط اوي بس الشباب اكيد هيفيدوك فيها او اخطف رجلك لقسم الكاوتش والجنوط وهيرشحولك نوع كويس اكيد بس اللي أقدر أأكد عليه تبعد عن الصيني في الجنوط لن دي حياة !

مفيش اطالة ولا حاجة انا تحت أمرك يا صديقي

**Ashraf_Ibrahim** · 26-06-2012 10:46 AM

اعتقد عارفينه ايوة
ابتعد تماما عن العمولة عشان هيتكسر معاك ومش هيستحمل ومش هيقوم بوظيفته المطلوبة
مش هقدر أفيدك في اسكندرية الحقيقة أنا اعرف هو موجود فين في القاهرة

طيب ياريت تقرا المضووع دا عشان تفهم يعني ايه شدادات

http://www.nilemotors.net/Nile/193151-a.html

**BUNSH** · 26-06-2012 12:38 PM

الف مبروك وتستلم على خير بأذن الله .. واهلا بيك فى نادى النجوم الدولى

المشاركة الأصلية كتبت بواسطة Ashraf_Ibrahim

اولا ألف مبروك على العربية يا عزيزي
نرد على تساؤلاتك بقا :D

1-الألوان أذواق يا عزيزي
انا عربيتي فيراني وبيعجبني اللون الفيراني جدا
اللون النبيتي رائع برده بس طول ما هو نضيف والعربية مش متخبطة او محكوكة -ومميز على فكرة مش منتشر اوي -

2-الشكمان متغيرهوش طبعا لأن شكمان العربيات الفيرنا بداية من 2010 مرفوع ومش بيحك وعن تجربة وثقة ولا تقلق مطلقا انها تحك معاك في الشكمان خالص

3- لا ميخرجش من الضمان طبعا
بما انك بتمشي بسرعات عالية مبتقلش عن 150 طول الوقت يبقا خليك في الكاوتش ال 15 بالمقاس دا
195/50 R15 دا تقريبا نفس الاستوك ولا هيعلي العربية ولا هيوطيها وهيديلك الثبات اللي انت عاوزه
ولو عاوز تزود الثبات يبقا تديها طقم strut bars محترم وهتدعيلي

4- بتروح صيانة الألف كم ودي صيانة مجانية معليهاش مصاريف بتغير فيها زيت -حط زيت 5000 كم وبعد كدة الصيانة كل 5000 كم لو هتعمل صيانة في التوكيل وبعد اول صيانة تحط زيوت معدنية -زيوت 10000 كم لو شيل او موبيل او توتال او زيوت 15000 كم لو كاسترول او فالفولين او ليكوي مولي - وتراعي ان لزوجة الزيت لا تزيد عن 40 بالكتير !
يعني حاول دايما الزيت اللي تحطه يكون 5w/40 or 0w/40

5-لواختار خصم المصنعيات والميدالية والبارك سينسور والدواسات وخليك مع الضمان لفترة لحد ما تطمئن على العربية وبعدين سيبهم مفيش مشكلة

لو فيه أي سؤال تاني انا تحت أمرك

المشاركة الأصلية كتبت بواسطة Ashraf_Ibrahim

اعتقد عارفينه ايوة
ابتعد تماما عن العمولة عشان هيتكسر معاك ومش هيستحمل ومش هيقوم بوظيفته المطلوبة
مش هقدر أفيدك في اسكندرية الحقيقة أنا اعرف هو موجود فين في القاهرة

طيب ياريت تقرا المضووع دا عشان تفهم يعني ايه شدادات

http://www.nilemotors.net/Nile/193151-a.html