عربيه محترمه وتستال كل قرش فيها
عرض للطباعة
عربيه محترمه وتستال كل قرش فيها
بص يا باشا
انا باحبك لله فى لله
تعالى بس نركز فى الكلام بتاعك
انا ملاحظ حاجة ان كل الشكوى بتاعتك فى حجات مظهرية او شكلية فى العربية
مش فى حجات فى صميم العربية
تعالى نفكر بشكل مختلف
العربية دى بشكلها الفقير من الداخل و بعض العيوب الشكلية ثمنها 100.000
فى المقابل بتقدم ايه؟؟؟؟؟
موتور جيد ( مهواش ممتاز فى افضل)
و بيشم البنزين و التسارع بتاعه كويس و ناعم
بتقدم وسائل امان 2 اير باج
بتقدم فرامل abs ebd ba
و فراملها اقوى من القديمة اللى فيها abs
بشهادة اعضاء هنا فى المنتدى
و الفرامل اقوى من الاوبل الالماتى اللى عند والدى و اللى بردك فيها abs
و استجابة الدركسيون افضل و الدواسات من مجرد لمسة بسيطة بشهادة الوالد ( و دى اوبل فيكترا 2003 مش اى كلام يعنى)
و تكييف جيد و مراوح لتوزيع الهواء للكنبة الخلفية
و وسع و سيارة عائلية
و توكيل محترم لا غبار عليه من زمان عمره ما نزل عربية و طلعت زبالة
و ان كان الشكل تقليدى او الفنش مش اوى
لا اقول انها افضل سيارة فى مصر ابدا لكن باقول انها الافضل بهذا السعر
طيب تعالى يا صديقى نفكر فى البديل
ايه البديل؟
كورى شكله حلو وجميل
طيب و توكيله اخباره ايه؟؟
طب و الموتور و العفشة اخبارهم ايه؟
طيب الفرامل لو عربية بسعر الصنى هيبقى اخبار الفرامل ايه؟
و ماتنساش الفرامل دى ممكن تساوى .... حياتك لا قدر الله
يا باشا دا انا ركبت السيراتو جاتلى صدمة
العربيىة حلوة من برة و من جوة لكن اول ما بدات تتحرك فوجئت انى حاسس بكل حاجة حاسس بصوت الموتور و رعشتف فى جسم العربية و هى على السلانسيه و كانى راكب ال 504 بتاعتى و لما بدا ت العربية تجرى حسيت انها طايرة و خفيفة و كنت حاسس بكل شىء تحتى فى الطريق
خلاصة الكلام لو عايز عربية بنفس مميزات الصنى و مافيهاش عيوب الصنى يبقى هاتدفع 40.000 كمان او اكثر عشان تجيب هوندا سيفيك او تبداء تدخل فى الالمانى
اما لو بتتكلم فى حاجة فى نفس الرينج السعرى؟؟؟؟ فى حاجة بتقدم المميزات دى؟
اقول لك على حاجة كمان
حودت على منتدى شيفروليه ايص على السونيك
ا
و ديه المواصفات:
مواصفات المحرك 1600 سعة 115 حصان 155 نيوتن
فتيس أتوماتيك تيبترونيك 6 سرعات
اقل ارتفاع عن الأرض 12.5 سم
السرعة القصوى 186 كم ساعة وزمن التسارع الى 100كم هو 11.7 ثانية
متوسط أستهلاك البنزين 7.2 ل/ كم
جنوط 15 بوصة معدن مع طاسات بلاستيك
باور + تكييف +زجاج كهرباء +مرايات كهرباء + راديو وسى دى +سنتر لوك وجهاز أنذار بالريموت وايموبليزر مانع أدارة المحرك + حامل نظارة + زجاج مظلل +2 وسادة هوائية للسائق والراكب + فوانيس شبورة ومصباح ستوب علوى +عجلة قيادة رياضية ثلاثية الأذرع +مقابض الأبواب بلون السيارة + مسند ذراع + شاشة بيانات ( راديو + الوقت + الحرارة الخارجية ) +المقعد الخلفى قابل للطى + كمبيوتر رحلات فى تابلوه العدادات
و العربية ب 117.000 و بيقولوا لازم بنزين 95
حاجة كمان.... مش ملاحظ حاجة فى المواصفات؟؟؟
طيارة صغيرة زى دى.... و بالسعر ده و مافيش اى اهتمام بالفرامل؟؟؟؟
يعنى حطير و هتزحلق على اى حاجة و ابقى ميت ميت
لا حول ولا قوة الى بالله
و بعدين بصيت على الافيو لقيت كلام مايتقالش بصراحة من ملاك العربية و ان اللوجان ترقبتها
لا حول ولا قوة الا بالله
Nissan sunny = choice of mind
طيب لحد دلوتى ما فى حد اتكلم عن استهلاكها للبنزين قد ايه وهو ما فيش حد عارف ولا ايه فى الموقع هنا ولا ايه ؟
دا كان احساسى اما اتفرجت عليها فعلاً وحسيت ان مفيش الفه بين وبين العربيه
الشكل القديم كان افضل بالنسبالى
وجهات نظر
وتحس ان العربيه القديمه فيها شويه فخامه
وطبعا انا اتفق مع حضرتك فى العيوب اللى ذكرتها لانى لاحظتها
بس فى الاخر هيه صنى ولها احترامها على الطريق
ومبروووووووووك السياره