زيت المحرك قادر على العمل بكفاءة لمسافة تصل إلى أكثر من 20 ألف كيلومتر

زيت المحرك قادر على العمل بكفاءة لمسافة تصل إلى أكثر من 20 ألف كيلومتر.
فجرت هيئة القياسات والمواصفات العالمية مفاجأة كبرى بالتقرير الذي أصدرته وأكدت فيه أن الدعاية التي ترددها شركات صناعة وتجارة زيوت المحركات بشأن ضرورة تغيير الزيت كل 2000 أو 3000 كيلومتر مجرد أسطورة أو كذبة ليس لها أي أساس علمي ولا واقعي وأن زيت المحرك قادر على العمل بكفاءة لمسافة تصل إلى أكثر من 20 ألف كيلومتر.

ويقول الخبراء إن شركات صناعة وتجارة الزيوت نجحت خلال العقود الماضية في ترسيخ فكرة التغيير السريع والمتكرر لزيت المحرك لتحقق بذلك أرباحا خيالية خاصة وأن أغلب السائقين لا يتصورون فكرة الإبقاء على الزيت داخل المحرك لمسافة تتجاوز 3000 كيلومتر.

في الوقت نفسه يرى هؤلاء الخبراء أن الزيوت الحالية ومحركات السيارات ذات التقنية العالية تتحمل بقاء الزيت داخل المحرك إلى مسافة 20 ألف كيلومتر وفقاً لتقديرات هيئات المواصفات والمعايير العالمية.
الموضوع بالكامل
[url=http://www.arab-eng.org/vb/showthread.php/153136-%D8%AA%D8%BA%D9%8A%D9%8A%D8%B1-%D8%B2%D9%8A%D8%AA-%D8%A7%D9%84%D8%B3%D9%8A%D8%A7%D8%B1%D8%A9%D8%8C-%D9%85%D8%AA%D9%89%D8%9F]

يا شباب الموضوع ده صح ولا ايه يا ريت رأى السادة المهندسين
و أهل الخبرة و محدش يبخل علينا بالمعلومة
و جزاكم الله خير

الموضوع ده مش صح !!!
الزيت التخليقي بالكامل يمكنه ان يدوم بالمحرك حتي 60 الف كيلو بكفائة
بس لو ماشية علي طول يعني .. في الزحمة ممكن تبقي عشرين الف فعلا

اللى اعرفه فى الموضوع دة ان كل بلد بيكون ليها نصائح مختلفة يعنى مثلا لو اتكلمنا على اللوجان فى المانيا
فبيغيروا الزيت كل 30 الف كيلو وفى رومانيا كل 15 الف ودة نتيجة قلة الشوائب ونسبة التراب فى الجو
والله اعلم بصراحة فى الزيت اللى احنا بنحطه فى بلد العجائب

لا علاقة للشوائب فالجو بالموضوع....و القصة كلها هي مكاسب وهمية لبيع الزيوت

اقتباس:

---

المشاركة الأصلية كتبت بواسطة hegazio

لا علاقة للشوائب فالجو بالموضوع....و القصة كلها هي مكاسب وهمية لبيع الزيوت

---

طيب تفسير اختلاف صوت الماتور لما بيكون جديد عن اقتراب ميعاد تغيره دايما بيكون صوت الماتور اخشن من لما بيكون الزيت جديد
انا عارفك عامل دراسة فى الموضوع دة

الشوائب الكربونية من الاحتراق نفسه

اقتباس:

---

المشاركة الأصلية كتبت بواسطة hegazio

الشوائب الكربونية من الاحتراق نفسه

---

طيب هل الشوائب الكربونية دى ليها اضرار على الموتور ؟؟؟ ولا مالهاش تاثير
يعنى لو مغيرتش الزيت فى ميعاده الشوائب دى مالهاش تاثير غير انها بتلون الزيت باللون الاسود ؟؟
وتفسير حضرتك ايه يا باشمهندس فى اختلاف ميعاد تغيير الزيت من بلد لبلد

بس ياجماعة الزيت بينزل على ١٠٠٠٠ عامل زي الميه ولزوجته منتهيه, إزاي ممكن يكمل ١٠٠٠٠ كمان على الحال ده؟!! طيب فيه لينك ولا حاجة للمصدر عشان نتأكد بس؟ اللينك تقريبا مش شغال

اختلاف ميعاد تغيير الزيت من بلد لبلد باختلاف ظروف القيادة و الزحام في البلد و مدي وعورة او تمهيد طرقه
الزيت بيدخل عند العشر الاف خفيف مياه و يخرج برضه خفيف مياه..هو متعدد اللزوجة من ٥-٤٠ .. وانا هنا باتكلم عن التخليقي بالكامل و ليس المعدني

طيب و المعدني؟

و الله هو يقعد من ٨-١٠ الاف علي اقل تقدير

بس مش عارف الواحد يجيلو قلب يعمل كدة في عربيتو ازاي بصراحة =)
انا مش متخيل اني اقعد المسافة دي كلها بغيار زيت واحد

ماهو ده دليل ان كلام بتوع محطة البنزين اثر فيك عن كلام الخبراء و صناع الزيوت
تحية للشهداء

على فكرة يا جماعه اولا اشكر البشمهندس على تحليله للموضوع انا قريت البحث ده منذ ما يقرب من عام او اكثر وانا حطيت اللينك بس المنتدى مفعلهوش!!!!!!!!!!!
على العموم اللى عايز يستوفى فى الموضوع يكتب عنوان الموضوع على جوجل وهتلاقيه مفصل وافضل منتدى المهندسين العرب

الموضوع اتقتل كلام قبل كدة هنا
وانا شخصيا بنزل الزيوت لتخليقية اللي بختارها بنفسي وبستبعد منها موبيل وحاليا بستبعد شيل كمان بين 15 و 18 الف كم متر وكمان عندي فلتر سبور
وحالة الموتور اكثر من رائعة رغم اني عامل اكثر من 130 كم بس بحافظ على عربيتي جدا
وحاليا بستعمل فالفولين وليكوي مولللي وقبلهم كاسترول ايدج وقبلك شيل الترا ايام ما كان بيتعبي في ماليزيا غير المصري السيئ الموجود حاليا

اخر غيار زيت كان توتال و العربيه عامله بالزيت 10000 الاف كان صوت الموتور هادى جدا زى ما يكون الزيت جديد بس دى اول مره احس فيها بالموضوع ده

قبل كده كان صوت الموتور بيعلى قرب 8000 الاف

استخدمت زيت ليكوى مولى و السيراتك بصراحه اداء العربيه فعلا اختلف عن الأول و الغيار مداه بقى اكبر من الأول يعنى التانى ممكن يوصل معايا لل 50 بدون ما اشعر و بدون اى اجهاد على الموتور كأنى بنقل التانى على سرعه 35

هو فعلا الموضوع ده قتل بحثا، باللينك دى (الدراسة) وغيرها..؟!! :Copy of m-s5:
لكن لو هنتكلم الكلام ده صح ولا غلط.. مفيش Rule of Thumb تتبع فـ الجزئية دى؟؟!!!

يعنى
بعد الـQuality بتاع الزيت نفسه، ونسبة الـGroup IV/V والـAdditives التركيبة؛
برضه مش هينفع نعمم القاعدة على كل المواتير..؟!!

- مواتير Long-Stroke و Normal-Aspirated بتحقق العزم الأقصى والقدرة عند rpmــات عالية،
زى اليابانى والكورى.. أكيد الزيت هيقعد فيها أكثر من:

- مواتير Short-Stroke بتلف لـrpm أعلى أو Turbocharged مشحونة جبريا.. أو حتى مواتير N/A بس عصبية ومرنة بتحقق عزومها عند rpm قليلة (بدرى). :blabla:

الأخيرة بتضغط عـ الزيت جااااااااااااامد جدا، وبتفقده خواصه بسرعة..
يعنى ماتقولش ان الموبيل1 ده فـ موتور فولكس ولا فيات تربو، أو حتى موتور NA بس عصبى زى الـBM والأوبل والرينو..
هيقعد أكثر من 5000-7000 كم (بالكتير أوى)؟؟؟!! :brn:
- وإلا صوت الموتور اللى بيعلى ويخشن، واستهلاك البنزين اللى بيزيد.. والسحب اللى بيقل، وكمان الزيت اللى بيسود ويقل لزوجته..
دى كلها تهيؤات؟؟؟!!!!!! :wink:
Rgds،

وبالنسبه للمده يعني لوزيت العربيه الزيرو عملت بيها1500 كم وركنتها وسافرت يفضل سليم لاي مده انا راكنها من 16شهر تقريبا لمارجع اغير علي طول ولا لسه زيت سليم

الزيت بيتغير كل 10000 او سنه ايهما اقرب لازم حضرتك تغير الزيت

[QUOTE=formulator;3874412734]
- مواتير Long-Stroke و Normal-Aspirated بتحقق العزم الأقصى والقدرة عند rpmــات عالية،
زى اليابانى والكورى.. أكيد الزيت هيقعد فيها أكثر من:

Rgds،[/QUOTE]
امسسسسسسسسك نقطة تفوق للياباني اهو :-)
LOL LOL LOL LOL LOL LOL

اقتباس:

---

المشاركة الأصلية كتبت بواسطة Karim_Monir

امسسسسسسسسك نقطة تفوق للياباني اهو :-)
LOL LOL LOL LOL LOL LOL

---

ههههههههههههههههههه :grinder:
ماشى؛
بس أعمل أيه أنا بموتور بيحافظ عـ الزيت، لكن مفيهوش Spirit :)

- قالك موتور التويوتا الـ1.6 Dual VVT-i بيطلع عزمه عند 5200 rpm؟؟!!! :brn:
يعنى عشان أجريها فـ الـLow-to-Mid range (فـ الشارع)، أفضل حارق أنا عـ الغيار وأنقل بعد 5000 rpm (والمشكلة كمان ان صوتها وحش يكسفك وسط العربيات)..؟!! :crashcomputer4:

ياراجل دانا كلها 800 rpm كمان وأجيب الهورسباور كاملة..؟؟!!! Lol

btw: كمان الـSetup ده (بتاع اليابانى والكورى) بيخل فيه Toque-Dip عند 2500-3500 rpm.. ودى تلاحظها أوى فـ الكورولا والسيراتو
(السحب يقع منك فـ النص، وترجع تفوق تانى لما تلمس الـ4000 rpm)؟؟!!! :blabla:

مفيش أحسن من الموتور اللى جاهز يـkick عند أى rpm وعلى أى نقلة (مهما كان صغير)،
فيه عرف وتقليد مشهور فـ صناعة المواتير اليورو: لااااااااااااازم العزم الأقصى يطلع فـ رينج 2000-4000 rpm.. بعد كده لأ.

الأوروبى بتاع التسارع والطلعة م الثبات والـMid-Range.. اليابانى بتاع تقفيل الأمبير (كان) هههههههههههههه
عادى بق أغير زيت بدرى، بس أبقى راكب Macchina.. :hlopaet_prv:

ملعووووووبة

كده يا كريم.. بوظنا الموضوع بتاع الراجل؟؟ :(
:pirate03:

:breakpc2:

هو انت في موضوع دخلتة الا حولته لصراع بين الاسيوي والاوروبي :-)
حتي في الزيت يا راجل :-)
ده الراجل قرب يدلق جركن زيت عالي الزفلطة والزحلقة يدلقنا بيه برة الموضوع :-)
ويا فرحتي بموتور ليه ايسبريت ويقعدني كل يوم في اوماترا :-)
نيههههههههههههههههههههههه هه
ده كيتي القطة بتاعت كنزي ليها 7 ايسبريت هابقي اخدها معايا واحطها فوق الموتور
نيههههههههههههههههههههههه

اقتباس:

---

المشاركة الأصلية كتبت بواسطة formulator

كده يا كريم.. بوظنا الموضوع بتاع الراجل؟؟ :(
:pirate03:

:breakpc2:

---

بالعكس يا باشا دة الموضوع فيه معلومات محترمة جدا بالذات النقطة اللى حضرتك اشرت اليها
ان المواتير اللى بتوصل لاقصى عزم بسرعة استهلاكها بيكون اكتر للزيت عن المواتير الاخرى اللى بتوصل لاقصى عزم عند عدد لفات عالى
وبما ان اللوجان بتوصل لاقصى عزم عند 3000 rpm فبالتالى يفضل اننا منطولش فى ميعاد تغيير الزيت
لانها من العربيات اللى سواقتها بتحتاج حرق شوية علشان تاخد اداء مرضى وبالتالى من الافضل تغيير الزيت فى مواعيده
وواضح انها مش قاعدة ثابتة لكل العربيات واللى بيحددها حجات كتير