ما فيش حد قريب من جسر السويس ؟
عرض للطباعة
ما فيش حد قريب من جسر السويس ؟
انا كنت بغير زيت الفتس ومكنش كلة بينزل الى بينزل حوالى 2.5كيلو وبس بس فى حد قلى فى طبة تانية ولو اتفكت هينزل الزيت كلة وده حوالى 11 لتر وكده احسن وانضف بس خوفت اعمل كده وعوز اعرف الصح اية.
فى واحد متخصص بس فى الفتيسات الاتوماتيك فى شارع مصر والسودان من اخره من ناحية صلاح سالم عند الكنيسة ومشهور جدا وممتاز وهو فاتح ورشتين جنب بعض امام معرض اليزيد للشكمانات ..... وجربته اكتر من مرة :hlopaet_prv:
طيب فى حد يعرف ازاى انزل زيت الفتيس كلة انا عوز اعملوا دوره تنظيف وبعدين اغير الزيت كلة ومش عارف انزلوا كلة ازاى
اللي قدام معرض ابو اليزيد للسكمانات هو ده مجدي أوتوماتيك. بس على فكرة ناس كتير بتشكر فيه ممكن ا/ ميجاديث يقول لنا مش بينصح بيه ليه. او تحكيلنا تجربتك معاه عشان نستفيد
انا اول مره اتعامل مع مجدى كان من حوالى 3 سنيين و كنت بغير عندة الزيت و الفلتر بشكل دورى لان عارف مشاكل فيتس الدايو اللى بتيجى من قله الصيانة فى . و فى يوم و انا مروح من الشغل دورت العربية و لاقيتها مش بترجع مراشيدير (r) جريت على مجدى بص على العربية ( اللى فى الاصل كانت عنده من 3 شهور علشان الصيانة و تغير الزيت ) و قالى ده الفيتيس كده بالسلامة ازاى ده انا لسة عاملة صيانة .. قولت الحمد لله قدر الله و ماشاء فعل المهم قالى حصلح الفيتس و حيتكلف 1400 جم قولته احسن اجيب واحد استيراد قالى لا اوعى نصلح احسن
و بداء يصلح فى الفيتس و يوم استلام العريية لقيت ان الحساب 1900 جم قولت مش مشكلة
جت العربية و مشيت لاقيت صوت تسقيف مع الغيار روحت راجع تانى قالى امشى شوية و حتبقى تمام قولت ماشى ... ماشيت شوية و برده التسقيف مع الغيار موجود و و بقت العربية بترزع لما ادى غيار و انا واقف روحتله تانى قالى البادى فالف عايز يتغير المهم اتغير ...بكام ؟ ب 500 جم و هو اللى جايبة برده المشكلة فضلت موجوده و العربية سحبها بقى زفت ... روحتله تانى بعد تفكير عميق قالى نجيب فيتس استيراد احسن و ده اللى انا قولته ليه من الاول و طبعا لازم اجيب 11.5 كليو جديد
طبعا سبته و مشيت و هو ده اللى حصل بالظبط و على فكره دور فى المنتدى حتلاقى ناس كتير اشكت منه بردة و من سعتها بقيت بعمل صيانة الفيتس عند حماده اللى فى صلاح سالم بعد السيد عائشة بس للاسف المشوار بتاعه بعيد عليا فقولت اشوف حد قريب من جسر السويس
اشكرك يا باشا على الإفادة، و انت فعلا غلطت انك ماجبتش واحد استيراد من الأول. أنا اعرف المهندس اللي كان ماسك توكيل دايو الدقي و فتح دلوقتي مركز في جسر السويس ناحية سوق القنال. بكرة حجيبلك النمرة و المكان بالظبط من الكارت بتاعه. ده محترم جدا و أمين و فاهم دايو كويس جدا جدا جدا.