الموضوع: بعد مرور 5 أشهر على اللوجان الأتوماتيك

المشاركة الأصلية كتبت بواسطة bebo2000

طبعا ال16 صباب بتستهلك بنزين اعلى شوية من ال8 صباب وده مقابل قوة السحب والعزم الزيادة فى ال16 صباب بس مش ده السبب الرئيسى لفرق الاستهلاك
السبب الرئيسى الاوتوماتيك لان اى عربية اوتوماتيك بيبقى استهلاكها اعلى للبنزين
هات اى بروشور لموديل عربية بنفس الماتور بس واحدة مانيوال والتانية اوتوماتيك هتلاحظ ثلاث اشياء
1- استهلاك الاوتو اعلى
2- من صفر الى 100 الاوتو بتاخد وقت ازيد
3- التوب سبيد اقل فى الاوتو عن المانيوال

يعني الحد الأقصي لسرعة الأتوماتيك أقل من المانيوال .
طيب اللي ساق الاتنين كانت اقصي سرعته كام ؟؟؟؟
السؤال لأستاذ/ جبريل .

تسلم وربنا يبارك ليك فيها
لكن علي هذه السرعات السيارة تقدر تناور بيها
يعني يمين وشمال وتحس انها ثابتة علي الطريق ؟؟؟؟؟؟؟؟؟؟؟؟

اعلى من 140-150 مفيش ثبات ... انا جبت بيها اكتر من 190 مانيوال على طريق مصر اسكندرية

دكتور/ مصطفي :

سرعة الـ 190 كانت مانيوال ولا اتوماتيك ؟؟؟؟؟؟؟؟؟؟

المشاركة الأصلية كتبت بواسطة gebreel

و الله يا باشا انا مبدوسش كثير على العربية بس اقصى حاجة جبتها بالمانيوال كانت 160 و الاوتو كانت 165 و ده مش علشان انا جايب اخرها لكن علشان انا خواف شوية =)

طب يا أستاذ جبريل بما أن حضرتك سوقت المانيوال والأتوماتيك فياريت تعمل لنا مقارنة صغيرة كده بين الأتنين عشان اللى محتار زى حالأتى بين المانيوال والأتوماتيك يتخذ قرار.. يعنى مقارنة من حيث
- السحب والشد وكمان طلعة العربية فى الأتنين من الثبات للحركة
-صوت الموتور هل بيفرق بين المانيوال والأتوماتيك
- هل الفتيس الأتوماتيك له صوت مع النقلأت
- وأخيراً طبعاً معدل أستهلأك البنزين بين الأتنين

هل متوافر في الأتوماتيك كل الألوان ؟؟؟؟؟؟؟؟
ولا هي نزلة في الوان محددة فقط ؟؟؟؟؟؟؟؟

أنا لاحظت إن في منها اللون (الفضي/ الفيراني)

فهل نزل منها اللون (النبيتي/ والبترولي) ؟؟؟؟؟؟؟؟؟؟؟