معاك رقم تليفون ونش لو حصل لعربيتك حاجة لا قدر الله ؟
السلام عليكم ورحمه الله
قريت مواضيع كتير قوي في المنتدي عن مشاكل في العربيات بتحصل في عربياتهم
ده العادي العربية وارد قوي انها تقف لالاف الاسباب
سير ولا دينامو ولا مارش ولا دبرياج ولا كوبلن ولا كاوتش و خرطوم يتقطع وكهربا تقطع ولا بلا بلا بلا
فعلا الالالاف الاسباب ممكن تخلي العربية تقف منك
وممكن يكون معاك اسرتك
وممكن تكون عالمحور زي جيو ومحدش يرضي يقفلك الا بعد كام ساعة
ليه مفيش على تليفونك نمرة ونش؟؟
ولا هو بس حافظ نمرة بيتزا هت وكوك دور :-)
يمكن البعض يفتكر اني عامل الموضوع هنا عشان خاطر مصلحة اعلانية
لكن المولي اعلم بالنوايا فعلا واني ماحبش حد يقف وقفة زي دي على طريق سريع وعربيتة عطلانة
والواقع كمان بيقول لو اتصلت باوناش كتير منهم في الايام اللي فاتت مش يوافق يروحلك لو في حتة مقطوعة
بيخافو الاوناش تتسرق نفسها
انا اتعاملت مع اوناش كتير جدا سواء لعربيات اصحابي او لعربيات بجيبها الورشة عندي
معظمهم سفاحين ومستغلين الموقف واسعارهم خرافية على سبيل المثال من التجمع للحرفيين 300 جنيه
من الحرفيين للعبور 300 جنيه
من الهرم للحرفيين بين 600 و 700
ومهم جدا انك تتعامل مع ونش فاهم لا يجري بالحمولة يقلبها ومش هاتعرف تاخد منه حاجة
ولا يبهدل العربية وهو بيطلعها او ينزلها
وغيره وغيره من المصايب اللي شوفتها
من اللي اتعاملت معاهم وانسان محترم جدا
محمد خاطر اللي الاعلان بتاعه عندنا فوق
راجل ذوق ومحترم وبيقدر العميل والحمولة ولو مش معاك فوس يراضيك ومايسيبكش ابدا ويشيلك العربية برضه
سواء هو او غيره لازم يكون في نمرة ونش على موبايلك للطوارئ
تحياتي ويا رب ما تشوفو مكروه في عربياتكم
كريم منير
