محتار بين wrangler ولا :N_no[1]:x1
محتار بين wrangler ولا :N_no[1]:x1
مفيض ولا رد واحد
حسب استخدامك
الرانجلر تجبها لو انت بتخل صحرا ومدقات وطرق رمليه او جبلية
وعربيه تستحمل البهدله والمرمطه
انما ال bmw تكنولوجى حديث وعربيه ناعمه ورياضيه وسريعه وفخمه وامان عالى
شوف يا صاحبي امكانيات الرانجلر أكبر لو المسألة معاك صحرا و طرق وعرة
انما x1 سيارة استخدام يومي و برغم ضعف امكانياتها و التغاضي عن رفاهية الــ bmw المعهودة
إلا انها مش بطالة يعني ,, ده غير انها مش suv يعني برضه مش هتلاقي فيها امكانيات الفئة دي و تغرق منك
في شبر رملة D: انما الموضوع كله معتمد عليك شخصيا .
انما لو انت عايز عربية ماتزهقش منها بسرعة و تفكر تغيرها في اقرب وقت و عايزها تعيش معاك يبقى أكيد رانجلر.
تحياتي
انا كمان بفكر فيهم مع بي ام 118 ومحتار اختار مين فى التلاته
الرانجلر سعرها 285 وميزتها الموتور 285 حصان وعزم 342 نيوتن وارتفاع عن الارض 22 سم يعني دبابه مش عربيه
وعيبها الازاز اللى ورا مساحته ضايعه بالعجله الاستبن ومساند الكراسي اللى ورا ده غير لمبه الاستوب - يعنى لما تبص فى المرايا الداخليه هتلاقى الدنيا زحمه ومساحه الرؤيه النص واقل
ده غير ان مساحه الرجل فى الكراسي اللى ورا ضيقه وكمان الشنطه ضيقه يعني من الاخر مش عائليه.
اما بي ام اكس وان سعرها 289 2000 سي سي - 150 حصان بس عزم عالي 320 نيوتن وعربيه شيك من بره ومن جوه وهييجي معاها قر الناس انك راكب بي ام
اما بي ام 118 سعرها 254 عادي وهاي لاين 274 1600 سي سي
170 حصان وعزم 250 نيوتن وعربيه تحفه بره وجوه وكماليات ممتازه ومساحه تخزين كبيره بس عيبها ان ارتفاعها من الارض من عالي وسعرها كتير على 1600 سي سي بصراحه بس بي ام برضه.
أنا ميال اكتر لل 118 بس لسه مجرتهاش عشان اخد قرار نهائي
ممكن اكون زودت حيرتك اكتر من الاول بس أنا بفكر معاك بصوت عالي.