السلام عليكم و رحمة الله و بركاته
واحد صاحبى عايز يعمل رخصة خاصة و عنده عربية والده اتوماتيك و كان بيستفسر هل ينفع انه يروح يختبر بها و لا لازم مانيوال
عرض للطباعة
السلام عليكم و رحمة الله و بركاته
واحد صاحبى عايز يعمل رخصة خاصة و عنده عربية والده اتوماتيك و كان بيستفسر هل ينفع انه يروح يختبر بها و لا لازم مانيوال
الاول كان عادي لو فيه واسطة دلوقتي معرفش !
انا بفضل ربنا اولا و اخيرا مدخلتش اختبار اساسا :)
من اسبوعين طلعت الرخصه و كان واحد بالنتراا اتوماتيك بيمتحن عادي
هما مش بيبصوا ع العربيه
بيقولوا اللي معاه عربيه يقف ف طابور العربيات عربيه ورا اتنيه بتمتحن
واللي بينجح ينزل يوري البطاقه للظابط و يركب عربيته ويجي تاني يوم يخلص الورق
عادى جدا وانا بطلع الرخصة واحد عمل اختبار بأوكتافيا أوتوماتيك وبعدين انت بتعمل الاختبار بالغيار الأول فقط والمارشدير فى العربية الشاهين بتاع الحكومة والمهم فى القيادة إنك تكون متحكم فى العربية وتعرف تعدى من الأقماع كانت سهلة جدا والمسافة واسعة لكن مش مهم انت سايق أوتو ولا نص أوتو ولا مانيوال كله بيمشى
عادي يا باشا ما فيش مشكلة
فعلا الموضوع عااااادي جدا ومافيش حد بيدقق.
يدقق على إيه يا باشا هما ملهومش عندك حاجة أكتر من إنك تعدى الاختبار مش شرط أوتو ولا مانيوال ؟
هههههههههههه تصدق عيب السؤال ده :) احنا فى مصر يا كبير والله فى ناس دخلت الاختبار قدامى بتاكسى xD ما علينا عموما هو ينفع و ينفع كمان اصلا متدخلش و ممكن كمان تاخدها و انت بره فى مكتب مكيف و بتتفرج على ماتش كوره كمان و بتشرب بيبسى :)))))) ,,,,,, عموما انا كان ممكن اعمل كده بس حسيت انى مش هثق فى نفسى الا لو دخلت من غير اى ريحة واسطه و الحمد لله طلعتها من غير اى واسطه و ده ادانى ثقه فى نفسى مع انه اصلا اختبار سهل قووووووووووى مش قصه
عادى ما فيش مشكلة
ما حدش هايسئل اساسا العربية مانيوال ولا اوتوماتيك
عادى جدا يا باشا
عادي جدا جدا
عندي سواق ف الشغل وهو بيستبدل درجة اولي امتحن علي تريلا اوتوماتيك!!!! في الشرقية ب 50 جنيه
ياباشا انت ممكن تاخد التراك جري على رجلك وتروح للضابط وتنجح كمان بس هيقولك خلي بالك وانت بتدوس دبرياج
ههههههههههههههههاقتباس:
المشاركة الأصلية كتبت بواسطة bor3ey
ليه كده يا زعيم بس
اهه بسبب السلطات و الكوسة اللى احنا فيها اديك شايف السواقة فى مصر ازاى و الحوادث حدث و لا حرج
الواحد بيتحسر على حالتنا هنا فى مصر ,ده علشان أعمل رخصة سعودية دخلت مدرسة كورس مكثف اسبوع و اختبرت اشارات و ميكانيكا و قيادة ومقولكش السقوط هناك بالزوفة بس الحمد لله كنت من نسبة ال 30% الناجحين
الف شكر لكل الزملاء على ردودكم المفيدة
لو كان ماينفعش ماكنتش هتلاقي ست في مصر معاها رخصه :)
اكيييييييد ممكن يا باشا وممكن متركبش عربية خالص هية الوصطة
يا باشه انا لمه روحت اعمل رخصه شوفت احلى موقف ممكن تتخيلو
واحد راكب فى العربيه و العربيه مموره وو احد تانى بيزق العربيه علشان تمشى و الى فى العربيه بيوجها بس شكلو ميعرفش البنزين من الدبرياج و الورق بتاعو اتختم و عده عادى جدا فمعتفدش انهم هيشوف العربيه اوتو وله حد بيزق اتكل على الله و اعمل الرخصه انت فى مصر