انا النهاردة نضفت الايدل والبوابة بتاعت الفيكترا بس بعد مخلصت لاحظت دخنة من الشكمان ساعت التزويد وبعد كدة راحت هل دة كدة عادي ولا في حاجة غلط
عرض للطباعة
انا النهاردة نضفت الايدل والبوابة بتاعت الفيكترا بس بعد مخلصت لاحظت دخنة من الشكمان ساعت التزويد وبعد كدة راحت هل دة كدة عادي ولا في حاجة غلط
مفيش مشكله الدخنه نتيجه بواقي المنظف لما بيتحرق بس مع التنظيفه دي غير بوجيهات علشان زمانها اسودت من الاوساخ اللي طلعت عليها اثناء الحرق
نضفت الايدل ازاي ؟
كل ما اقول لواحد عايز انضف الايدل يقولي بلاش .. مش عارف ليه !!
السلام عليكم
بيتهيقلى الى بيقولك بلاش تنضفة يبقى مش عارف ازاى بيتنضف
اقولك الطريقة بالظبط وان شاء الله تظبط معاك
1- افصل كابل البطارية السالب
2- افصل فيشة بلف الايدل
3- فك بلف الايدل وخلى بالك من الاويل سيل بتاعة اوعى يقع منك
3- هتجيب منظف البوابة للإنجكشن وترش داخل الفتحات بتاعتة وتنزل منة الاوساخ الى جواة مرة واتنين وتلاتة لغاية لما السائل ينزل نظيف من فتحات الايدل
4- هترش wd40 علىفيشة الايدل وتنضفها كويس
5- بالمرة هتنضف بوابة الهواء بمنظف البوابة تنضيفة كويسة
6- نرجع نركب كل حاجة بالترتيب العكسى اخر حاجة تبقى اول حاجة
نركب الايدل ونخلى بالنا من الاويل سيل بتاعة ونربطة كويس - وبعدين نركب الفيشة بتاعتة
- وبعدين نركب كابل البطارية السالب ونربطة كويس
............*
هام جدا :- نعمل بقى الايدل ليرن
ـــــــــــــــــــــــــ ـــــــــــــــــــــــــ ــــ
وهو عبارة عن ارجاع الذاكرة للكمبيوتر الخاص بالعربية
1- نفتح كونتاكت العربية بدون تدوير لمدة 5 ثوانى وبعدين نقفل 5 ثوانى ( نكرر العملية دى 3 مرات ورابعض )
2- ندور العربية لمدة 2 دقيقة بدون احمال خالص ( ولا نور ولا كاسيت ولا انوار طابلوة ولا اى حاجة ) وبعدين نشغل التكييف لمدة 10 ثوانى ونقفلة 10 ثوانى ونشغلة تانى وبعدين نشغل كل الاحمال فى العربية نور تابلوة والعالى والكاسيت واى اجهزة فى العربية لمدة 3 دقائق
وبعدين نطفى العربية وبكدة يبقى بفضل الله تم عمل ( الايدل ليرن ) وفايدتة انة بيوازن الاحمال مع عدد لفات الموتور عند التشغيل العادى ( السلانسية )
مش عارف ارفع صور منظف البوابة ولا الـ wd40 بس دى الروابط بتاعتهم
wd40 The many uses for WD-40 - Useful things to know - How To | Lets Laugh
منظف البوابة
[url=http://www.google.com.eg/imgres?imgurl=http://www.dolphintradings.com/images/prods/M4814HEE.jpg&imgrefurl=http://forum............com/showthread.php%3Fp%3D676359%26langid%3D1&usg=__bSK tCWqG0m09vGQB09XtTGBGeC8=&h=900&w=289&sz=159&hl=ar &start=4&sig2=cohPWOo6ixPKoympZ3521A&zoom=1&tbnid= nGFMIn9YgoEsmM:&tbnh=146&tbnw=47&ei=fRTsT-bqLs3bsgb7grX6DQ&um=1&itbs=1]
يتنظف عادي يا عمرو
شوف الموضوع اللي في توقيعي عن تنظيف الايديال
الصور معلش هتلاقيها في صفحه رقم 9
ياريت طناني يحاول ينقلها اول صفحه تاني تحياتي
@khaledrezk
الف شكر ليك يا باشا علي الشرح الجامد دا هحاول اعمله ان شاء الله :Bravo:
شوفت الموضوع دا قبل كدا بس اول مرة اشوف الصور
بس انا عندي الايدل شكله مش كدا خالص في ال 2000 سي سي
هحاول وربنا يسهل