هام بخصوص النترا 2012 !!

**mody3on** · 28-06-2012 04:17 AM

الفروق هنا
Hyundai Egypt

**hossam_elwani** · 28-06-2012 04:29 PM

المشاركة الأصلية كتبت بواسطة zsecsqxsw

السلام عليكم ورحمة الله وبركاته ..

انا اخوكم خالد من المحلة الكبرى ..

ان شاء الله كنت نويت على الالنترا 2012 "" بعد مقارنتها بـ تويوتا كورولا 2012 اول فئة و سكودا فانتازيا مانيوال "" وعلى فكرة السكودا الاوكتافيا اخرها 150 الف

انا رحت معرض عربيات .. مع والدي وركبت العربيات كلهم .. علشان اقدر احكم تمام ... والحمد لله الالنترا

حل اوسط في كل حاجة .. وتتفوق كمان في حجات تانية منها الخامات افضل من الكورولا .. والباب ثقيل واحساس بالفخامة افضل من الكورولا الياباني الجديدة

وخلافه و طبعا فرق السعر والمقابل اللي هحصل عليه .. المهم

انا استقريت على النترا 2012 gl

abs - 2 airbags

والفئة دي عاملة بعد التخفيض 132 الف جنيه

((( لأنه اهم حاجة عندي هي عوامل الامان دي ))))

وفي فئة تانية بــ 145 الف تقريبا بعد التخفيض ودي الـ gls

جنوط 16" وحساسات وبلوتوث وتقريبا : حساسات مطر " ملهاش اي لازمة معايا "

....* ملاحظة :: في عيب خامات بسيط في الاسطوانة البلاستيك اللي حوالين عدادت السرعة اللي بارزة لبرة .. يعني لما جيت احاول احركها كده .. تقريبا بتتحرك نسبيا معايا
فانا مش عارف .. دي نظامها ايه !!

ولا هي كده ولا ايه ؟

فأنا كنت حابب اسأل عن ::
1: سعر الجنوط الـ 16" في التوكيل كام مع الكفرات لو حبيت اركبها مع نفسي بعدين ؟

2: سعر الحساسات الخلفية *فقط* في التوكيل كام .. لو حبيت اركبها برده لوحدها ؟

3: ايه رأيكم في سعرها بــ 132 الف جنيه

.. ((( ولو فيه أي أراء اخرى تتعلق بالعربية ياريت تشاركوني )))

ياريت .. تردو عليا ضروري .. علشان محتار جداااااااااااا .. وشكرا

بلنسبه للعيب الى حضرتك قولت عليه فى الاسطوانه البارزه الى فى التابلوه هو كده مش عيب وحتى فى الميجان كده

اما بخصوص الجنوط تجبها استعمال من الحرفيين احسن لانها ارخص بكل تأكيد

**hossam_elwani** · 28-06-2012 04:32 PM

المشاركة الأصلية كتبت بواسطة zsecsqxsw

انا قصدي تكون اوفر يعني من اني اجيب الفئة الكاملة اللي بـ 145 الف تقريبا .. يعني على اساس اني هركب بس الجنوط الـ 16 والحساسات الخلفية بس ومش لازم بقية الحاجات التانية

لو حضرتك تعرف الفروقات التانية تحديدا ما بين الـ الفئة ال gl ب 2 ايرباج و abs

وما بين الـ gls اللي بـ 145 تقريبا اللي فيها برده 2 ايرباج و abs

معلش انا طولت على حضرتك في الاسئلة .. استحملني

المواصفات بلتفصيل

4سلندر - 1600 cc ، حصان 130 - 16 صباب - عجله قياده متعدده المهام - مساند يد مع حامل اكواب خلفي - تكييف هواء اوتوماتيك - اغلاق الابواب مركزيا - مرايات كهرباء - اشارات جانبيه بالمرأه - مصابيح ضباب - اريال مدمج بالزجاج الخلفي - مفتاح ريموت - حافظه نظارات شمسيه - حواجز للحمايه من الاتربه - عجله قياده اليه المؤازره - زجاج كهرباء - راديو cd - شماسات مزوده باضاءه وامتداد - عجله القياده قابله للاماله - زجاج ملون - كمبيوتر رحلات - فتح الشنطه من الداخل - مقاس الاطارات 16/55/205 . - فتح الشنطه من الداخل .حليه داخليه بطلاء معدنى - مقود ناقل حركه جلد - جنوط سبور - عدد 2وساده هوائيه - حساس مطر + جهاز تحذير المسافه الخلفيه .+ فرامل abs

وكمان الابواب فيها جزء قماش والتطعيم الامع بلاسود فى الكنسول وفيه الغطاء الى بيبقى فوق عصا الفتيس

**zsecsqxsw** · 29-06-2012 01:00 PM

تقريبا سعر الجنوط الـ 16 بالكفرات .. من التوكيل كام ؟

سعر تركيب الحساسات الخلفية من التوكيل كام ؟

**ma7oo** · 29-06-2012 02:02 PM

الف مروك ياباشا س انصحك بالكورولا طبعا من غير كلام

**Ahmod** · 29-06-2012 04:22 PM

لو فرق الفلوس مابين الالنترا والكورولا مش عامل مؤثر بالنسبة لحضرتك يبقى انصحك بالكورولا طبعا

الكورولا اكثر اعتمادية بكتييييييييير عن الالنترا

الكورولا افضل في سعر اعادة البيع وافضل بكتير اوي في التوكيل والصيانة

الكورولا ماتورها اقوى وسيبك من موضوع الالنترا 130 حصان والكورولا 122 يبقى الالنترا اقوى !! على الواق هتلاقي الكلام ده مختلف

استهلاك البنزين لصالح الكورولا ودي حاجة معروفة في كل عربيات التويوتا انها الاكثر توفيرا في البنزين

الالنترا مع اول 2 يركبو في الكنبة الخلفية هتلاقي العربية بتحك في كل المطبات !! لو حضرتك شايفها دلوقتي حاجة عادية لما تشتري العربية ولا قدر الله تحك في اي مطب هتحس اكن الحكة جت في قلبك انت مش في العربية من كتر حزنك !! وشئ هيضايقك فعلا

واختم المقارنة بان الكورولا ياباني عليها شعار تويوتا والالنترا كوري عليها شعار هيونداي

-----------------------

بخصوص الجنط ال 16 فلو افترضنا ان حضرتك هتجيب جنط اسبور نبعد عن جنوط التوكيل

ممكن تجيب جنوط من برة وبرضوا انواعها كويسة وتشكيلاتها احلى بكتير من جنط التوكيل

ال 4 جنوط هيبقو في رنج ال 3000 جنيه ده بالنسبة للانواع النضيفة

وطبعا هتبقى مضطر تغير الكاوتش لان اعتقد الفئة gl في الالنترا بتنزل بطاسات مقاس 15

يبقى لازم تجيب كاوتش مقاس 16 ! وسعر الكاوتش مختلف على حسب انت عايز تدفع كام لكن لو هنتكلم على نوعية كويسة وسعرها في المعقول يبقى ممكن ال 4 فرد يكلفو في حدود 3000 جنيه برضوا

يبقى الاجمالي 6000 جنيه لجنط 16 + كاوتش محترم

الحساسات الخلفية ماعنديش خلفية بصراحة عن سعرها بس ماعتقدش انها مكلفة والله واعلم

**Ahmod** · 30-06-2012 05:49 AM

المشاركة الأصلية كتبت بواسطة zsecsqxsw

شاكر جدا لرد حضرتك ..

ممكن تكون الكورولا اكثر اعتمادية .. بس حضرتك بالنسبة للــ خامات من جوه الكورولا

ناشفة قوي .. يعني اقصد التابوله كان كله تقريبا 100% ناشف في ناشف

وكمان مسند اليد في الباب .. كله ناشف برده

انا مش فاهم بالظبط حضرتك تقصد ايه بكلمة ناشف !! ؟

لكن انا عموما ماركبتش الالنترا الفولي لودد وفي ناس كتير بتمدح في خاماتها وبتقول انها افضل من بقية الفئات

لكن اللى انا ركبتها ودي كانت في معرض اتوماتك اول مانزلت تقريبا

مش متذكر بصراحة كانت انهي فئة بس كانت كلها بلاستيك في بلاستيك !!

ده انا فتحت الكبوت شفت الارض !! ؟ الماتور مافيش من تحتيه مصفحة تحميه ؟؟

الى غير الاسلاك اللى ملفوفة بشيكاربون اكنها لسه متقفلة في الحرفيين !! ؟ الوضع كان صعب بصراحة وهيونداي الضفدعة قصدي الفلوستر كانت زيها كدة بالظبط

بالنسبة للتسارع وكده .. ففي فيديوهات كتير قوي بتبين تفوق الالنترا الـ 1.6 على الكورولا (( مش الـ gdi ))

بعيدا عن الفيديوهات نتكلم على ارض الواقع من فترة كنت على المحور وبجري وجريت معايا النترا الشكل الجديد

ماعدتنيش الا بعد ال 140 !! ؟ وانا ياريس 1300 86 حصان !! ؟ فمافتكرش بصراحة انها ممكن تعدي الكورولا

بالنسبة لسعر اعادة البيع .. هل الاثنين ذي بعض .. على اعتبار انه الالنترا منتشرة ؟؟؟

الكورولا عموما معروف ان سوقها في اعادة البيع ممتاز جدا جدا !! يوم ماتحب تبيع هتبيع وبالسعر اللى انت عايزه بشرط بس عربيتك تبقى حالتها كويسة !

الكورولا ال 2007 وصلت دلوقتي انها بتتباع مستعملة ب 115 الف !! ؟ وفيه تجار لو معاهم عربية نضيفة ممكن يرفع فيها ويطلب 120 الف ! تخيل ؟؟

يمكن الموديل الوحيد اللى في الكورولا اللى مالوش سوق هو ال 2008 ال mmt !! مشكلة الفتيس ضربت الموديل ده جامد

لكن الجديد كله دلوقتي اتوماتيك عادي وماسك نفسه في السوق

الالنترا برضوا سوقها كويس في اعادة البيع بس مش زي الكورولا

بالنسبة لاستهلاك البنزين .. فالالنترا احسن لأنها 6 سرعات وكمان تكنولوجيا جديدة

ماقدرش احكم بالضبط في النقطة دي لكن موضوع الفتيس ال 6 سرعات ده مش بيفرق في استهلاك البنزين الا على السرعات العالية وعلى طرق السفر انما داخل المدينة الفرق مش ملحوظ ومش مؤثر

وواخدة جائزة احسن استهلاك بنزين في فئتها (( كنت شفت الموضوع ده على الانترنت من فترة ))

وموضوع المطبات .. فأنا حاسس برده انها هتحك على اساس اني شايف انها واطية نسبيا .. وسهل تنزل على الارض شوية .. ولا انا غلطان ؟؟

لو بتتكلم على الالنترا فهي في الطبيعي مش بتحك لكن مع وجود اكتر من فردين في الكنبة الخلفية بتهبط جامد اوي !! ودي شفتها بعيني في كذا النترا وطبعا هتحك

عموما رأي حضرتك ايه (( مع ملاحظة فرق السعر ))

هو طبعا فرق السعر ممكن يرجح كفة الالنترا

لكن لو فرق السعر مش مؤثر بالنسبة لحضرتك فانا انصحك بالكورولا عن نفسي شايفها افضل

انا شخصيا كواحد راكب تويوتا عشان اقتنع ان الالنترا وصلت لنفس مستوى جودة واعتمادية الكورولا دي مستحيل اقتنع بيها بصراحة !!

صعب اوي ان بعد 5 / 7 سنين استهلاك شاق !! حالة الكورولا تبقى زي حالة الالنترا ماصدقش بصراحة

انما طبعا لو حدودي ماتسمحليش اني اجيب الكورولا - خصوصا انت بتتكلم في فرق حوالي 30 الف - يبقى سعتها ممكن اشوف الالنترا

ولو اني مش بحب هيونداي فممكن افكر في الكيا !! سواء سيراتو او ريو

اتفرجت على الريو الجديدة في المعارض وبصراحة تحفة

ممكن حضرتك تبص عليها خصوصا الخليجي بالجنط ال 17 والفوانيس الليدات حاجة خرافية بصراحة

كمان التقفيل بتاعها والخامات من الداخل هايلة بصراحة

وماتقلقش من موضوع الماتور ال 1400 فهو مناسب بالنسبة لوزن العربية بالعكس ده كمان هيبقى استهلاك البنزين افضل من العربيات ال 1600

ممكن كمان حضرتك لو مش مستعجل تستنى سيراتو 2013 الشكل الجديد خلاص على وشك انها تنزل وانا اتوقع انها هتكون روعة

**zsecsqxsw** · 30-06-2012 11:08 AM

المشاركة الأصلية كتبت بواسطة ahmod

هو طبعا فرق السعر ممكن يرجح كفة الالنترا

لكن لو فرق السعر مش مؤثر بالنسبة لحضرتك فانا انصحك بالكورولا عن نفسي شايفها افضل

انا شخصيا كواحد راكب تويوتا عشان اقتنع ان الالنترا وصلت لنفس مستوى جودة واعتمادية الكورولا دي مستحيل اقتنع بيها بصراحة !!

صعب اوي ان بعد 5 / 7 سنين استهلاك شاق !! حالة الكورولا تبقى زي حالة الالنترا ماصدقش بصراحة

انما طبعا لو حدودي ماتسمحليش اني اجيب الكورولا - خصوصا انت بتتكلم في فرق حوالي 30 الف - يبقى سعتها ممكن اشوف الالنترا

ولو اني مش بحب هيونداي فممكن افكر في الكيا !! سواء سيراتو او ريو

اتفرجت على الريو الجديدة في المعارض وبصراحة تحفة

ممكن حضرتك تبص عليها خصوصا الخليجي بالجنط ال 17 والفوانيس الليدات حاجة خرافية بصراحة

كمان التقفيل بتاعها والخامات من الداخل هايلة بصراحة

وماتقلقش من موضوع الماتور ال 1400 فهو مناسب بالنسبة لوزن العربية بالعكس ده كمان هيبقى استهلاك البنزين افضل من العربيات ال 1600

ممكن كمان حضرتك لو مش مستعجل تستنى سيراتو 2013 الشكل الجديد خلاص على وشك انها تنزل وانا اتوقع انها هتكون روعة

*انا اقصد بكلمة ناشف .. انه التويوتا كورولا التابلوه لما تلمسه .. معمول من مواد صلبة يعني مش طرية
وكمان الابواب تقريبا كلها مواد ناشفة وصلبة

وخصوصا كمان في منطقة الكاسيت واللي حواليه كلها بلاستيك وكلاسيكي جدااااا

بخلاف الالنترا التابلوه الجزء العلوي منه بالكامل .. طري يعني بياخد ويدي معاك كأنه مطاط
ومسند اليد اللي في الباب .. اللي بتسند عليه كوعك " طري " بخلاف الكورولا

*بالنسبة لموضوع الشد ده .. انا مقدرش احكم على كلام حضرتك وان كان هو اللي حصل
لانه لازم علشان نختبر الشد والقوة
تكون العربيتين .. جداد او على الاقل نفس الحالة الزيرو عموما .. وكمان يكون بنفس السرعة وقت الشد والتسابق .. ويكونوا الاثنين ضاغطين بنزين 100%

فعلشان كده .. تقدر شوف فيديو لكل عربية على حدى جديدة وتشوف تسارعها من 0-100 في قد ايه

ده الكورولا يوم لما بتتنطط بتجيب في 11 ثانية وكسووور .

* انا نفسي افهم بقى ليه بتح في المطبات لو اكثر من اثنين او حتى اثنين ركبوا فيها .. يعني حضرتك متأكد من الموضوع ده """ عن تجربة يعني ولا ايه .. ارجوك طمني برده """