الموضوع: هام بخصوص النترا 2012 !!

المشاركة الأصلية كتبت بواسطة SE_coralsea

سيدي الفاضل ..

طبعا أنت بتقارن الالنترا بعربيتين في غاية الاحترام و ورائهما أسمين كبيرين تويوتا و سكودا
طبعا انا في غني اني اتكلم عن الالثنين دول مع العلم أني جربت الكورولا قبل كده و ده السبب أني أخترت الالنترا
أما الأوكتافيا مش عارف ليه أنت أستبعدتها من أختيارك

بالنسبة للألنترا أنا هأحاول أشرح لك أمكانياتها بشكل عملي من خلال أستخدامي لها علي مدار 9 شهور دلوقتي و ارجو أني اقدر أرد علي كافة أستفساراتك عنها :

أولا.. العربية اللي معايا أول فئة اوتوماتيك
يعني مافيهاش ابي اس و لا وسائد هوائية (هيا جت غلطة و تسرع مني بصراحة لأني من أوائل اللي حجزوها وكنت فاكر أن كلها فيها وسائل أمان)

- الكيلومترات المقطوعة حتي الان 23600 كم معظمهم سفر علي طرق سريعة
- اقصي سرعة حققتها بالعربية 200 كم / ساعة و ده كان للتجربة فقط
- الثبات جيد جدا حتي سرعة 160 كم/ساعة حتي مع الهواء الشديد و مطبات الهواء
- استهلاك البنزين مثالي بتحقق معايا حتي سرعة 140 كم/ساعة 7.5 لتر/ 100 كم و في السرعات المنخفضة مع القيادة الهادية 6.5 لتر / 100 كم ووصلت بها الي 5.8 لتر / 100 كم مع قيادة مثالية بسرعة منتظمة
- الاستجابة جيدة جدا بفضل محرك قوي 128 حصان و ناقل 6 سرعات يتيح لها سرعة استجابة و سلاسة و هيا تتفوق علي الكورولا في النقطة دي من خلال مناظرة قمت بها علي الطريق مع الكورولا الجديدة و الالنترا تفوقت بشكل واضح
- العفشة ناعمة جدا و تكاد تكون نفس أحساس الكورولا و الكلام ده من مقارنة واحد ساق العربيتين
- الأرتفاع عن الارض الألنترا عالية مش منخفضة زي ما البعض بيقول و مسألة الهبوط عند التحميل تم تلافيها بفضل المساعدين الجديدة المختلفة تماما عن الموديل السابق و من خلال سفري و مروري علي مطبات زي الجبال عمرها ماحكت معايا حتي و هي في اقصي حالات التحميل
- عزل الصوت ممتاز و تقريبا زي الكورولا
- الصالون مريح جدا جدا و الحمد لله انا باسافر بيها 6 ساعات متواصلة و مافيش أحساس بألام فيي الظهر او تعب ده غير التابلوه الانيق و ياسلام لو ركبت شاشة lcd بدل الكاسيت الاصلي مع الكاميرات
- التكييف ممتاز و الحمد لله لدرجة أني وسط الحر الشديد ده بأشغل المروحة علي درجة واحد و الجو بيكون داخل العربية جيد جدا مع أن الحرارة خارجها بتكون 37 درجة مئوية مع ملاحظة أني مش فاضي نهائيا الفترة الاخيرة غير للصيانات الدورية كل 10000 كم يعني فلتر التكييف مش بيتنظف الا كل 10000 كم

أهم عيوب العربية :
1- الشكل الانسيابي الشديد من الخلف بيجعل أرتفاع الصالون قليل خاصة لطوال القامة في الكنبة الخلفية
2- درجة ميل الزجاج الخلفي تجعل من الصعب الاعتماد علي مراية الصالون ألا بظبط خاص و هو مسألة وقت و تعود و هي بذلك تماثل الاوكتافيا في مشكلة الرؤية الخلفية لكن مرايات الجانبين كبيرة و بتغطي كل المساحة الخلفية
3- صغر حجم الصالون مقارنة بحجم العربية لأن ميل الزجاج الامامي واخد كتير من مساحة الصالون
4- حجم الفوانيس الامامية و الخلفية كبير مقارنة بمساحة الرفرف مما يجعلها عرضة للاصابات
5- رغم الشكل الانسيابي الانيق ألا أن كثرة الخطوط و الكسرات في الهيكل تجعل من الصعب أصلاحه و هو عيب منتشر في معظم السيارات الحديثة

ده أنطباعي عن الألنترا من خلال أستخدامي لها طوال الفترة الماضية و بصراحة في رأيي الشخصي هي تتفوق علي الكورولا بعيدا عن الاسم و الاعتمادية فهيونداي الان أصبحت ذات أسم و أعتمادية و ستكون أختيار موفق أن شاء الله

اي أستفسار عن العربية تقدر تسألني أو تكلمني لو حبيت و أنا تحت امرك في اي وقت

تقييم ممتاز تحياتى

المشاركة الأصلية كتبت بواسطة SE_coralsea

سيدي الفاضل ..

طبعا أنت بتقارن الالنترا بعربيتين في غاية الاحترام و ورائهما أسمين كبيرين تويوتا و سكودا
طبعا انا في غني اني اتكلم عن الالثنين دول مع العلم أني جربت الكورولا قبل كده و ده السبب أني أخترت الالنترا
أما الأوكتافيا مش عارف ليه أنت أستبعدتها من أختيارك

بالنسبة للألنترا أنا هأحاول أشرح لك أمكانياتها بشكل عملي من خلال أستخدامي لها علي مدار 9 شهور دلوقتي و ارجو أني اقدر أرد علي كافة أستفساراتك عنها :

أولا.. العربية اللي معايا أول فئة اوتوماتيك
يعني مافيهاش ابي اس و لا وسائد هوائية (هيا جت غلطة و تسرع مني بصراحة لأني من أوائل اللي حجزوها وكنت فاكر أن كلها فيها وسائل أمان)

- الكيلومترات المقطوعة حتي الان 23600 كم معظمهم سفر علي طرق سريعة
- اقصي سرعة حققتها بالعربية 200 كم / ساعة و ده كان للتجربة فقط
- الثبات جيد جدا حتي سرعة 160 كم/ساعة حتي مع الهواء الشديد و مطبات الهواء
- استهلاك البنزين مثالي بتحقق معايا حتي سرعة 140 كم/ساعة 7.5 لتر/ 100 كم و في السرعات المنخفضة مع القيادة الهادية 6.5 لتر / 100 كم ووصلت بها الي 5.8 لتر / 100 كم مع قيادة مثالية بسرعة منتظمة
- الاستجابة جيدة جدا بفضل محرك قوي 128 حصان و ناقل 6 سرعات يتيح لها سرعة استجابة و سلاسة و هيا تتفوق علي الكورولا في النقطة دي من خلال مناظرة قمت بها علي الطريق مع الكورولا الجديدة و الالنترا تفوقت بشكل واضح
- العفشة ناعمة جدا و تكاد تكون نفس أحساس الكورولا و الكلام ده من مقارنة واحد ساق العربيتين
- الأرتفاع عن الارض الألنترا عالية مش منخفضة زي ما البعض بيقول و مسألة الهبوط عند التحميل تم تلافيها بفضل المساعدين الجديدة المختلفة تماما عن الموديل السابق و من خلال سفري و مروري علي مطبات زي الجبال عمرها ماحكت معايا حتي و هي في اقصي حالات التحميل
- عزل الصوت ممتاز و تقريبا زي الكورولا
- الصالون مريح جدا جدا و الحمد لله انا باسافر بيها 6 ساعات متواصلة و مافيش أحساس بألام فيي الظهر او تعب ده غير التابلوه الانيق و ياسلام لو ركبت شاشة lcd بدل الكاسيت الاصلي مع الكاميرات
- التكييف ممتاز و الحمد لله لدرجة أني وسط الحر الشديد ده بأشغل المروحة علي درجة واحد و الجو بيكون داخل العربية جيد جدا مع أن الحرارة خارجها بتكون 37 درجة مئوية مع ملاحظة أني مش فاضي نهائيا الفترة الاخيرة غير للصيانات الدورية كل 10000 كم يعني فلتر التكييف مش بيتنظف الا كل 10000 كم

أهم عيوب العربية :
1- الشكل الانسيابي الشديد من الخلف بيجعل أرتفاع الصالون قليل خاصة لطوال القامة في الكنبة الخلفية
2- درجة ميل الزجاج الخلفي تجعل من الصعب الاعتماد علي مراية الصالون ألا بظبط خاص و هو مسألة وقت و تعود و هي بذلك تماثل الاوكتافيا في مشكلة الرؤية الخلفية لكن مرايات الجانبين كبيرة و بتغطي كل المساحة الخلفية
3- صغر حجم الصالون مقارنة بحجم العربية لأن ميل الزجاج الامامي واخد كتير من مساحة الصالون
4- حجم الفوانيس الامامية و الخلفية كبير مقارنة بمساحة الرفرف مما يجعلها عرضة للاصابات
5- رغم الشكل الانسيابي الانيق ألا أن كثرة الخطوط و الكسرات في الهيكل تجعل من الصعب أصلاحه و هو عيب منتشر في معظم السيارات الحديثة

ده أنطباعي عن الألنترا من خلال أستخدامي لها طوال الفترة الماضية و بصراحة في رأيي الشخصي هي تتفوق علي الكورولا بعيدا عن الاسم و الاعتمادية فهيونداي الان أصبحت ذات أسم و أعتمادية و ستكون أختيار موفق أن شاء الله

اي أستفسار عن العربية تقدر تسألني أو تكلمني لو حبيت و أنا تحت امرك في اي وقت

مش عارف اشكر حضرتك الذاي .. الله يطمن قلبك


على فكرة انا ان شاء الله في الالنترا بإذن الله نويت على الفئة اللي بــ 142 الف
اللي هي ـ GLS
--------------------------
2 Airbags
ABS
وجنوط 16
وحساسات خلفية ومطر
ونيكل داخلي
وتكييف تتش
ودركسيون وفتيس جلد
--------------------------


بخصوص السكودا .. فانا شلتها من دماغي لأنها

1: مانيوال
2: لا تحتوي على حساسات خلفية
3: لا تحتوي على جنوط
4: قطع غيارها ممكن تكون غالية نسبيا
5: شكل قديم برده لانه سنة وهيتغير (( موجودة من سنة 2009 )

وكمان سعرها 152 الف جنيه

ولا رأي حضرتك ايه ؟؟؟

المشاركة الأصلية كتبت بواسطة kareem.elaraby

صباح الفل
الشكل القديم الجنط الواحد ب2200 بالضريبه يعني ال4 فرد ب8800 !

بخصوص الحساسات فالتوكيل هيطلعك بره الضمان !

رأي الشخصي هات الفئه اللي فيها كل حاجه من احتياجاتك بس تبقي genuine يعني نازله ستوك كده و ريح دماغك

و مبروك مقدما

صباااااااااح الخير

يااااااه .. لا كده داخلة على 8000 جنوط بس

بخلاف الحساسات الاصلية لو هركبها في التوكيل

وطبعا باقية المواصفات اللي مش هقدر اركبها

ذي الجلد في الدركسيون والفتيس والتكيف التتش والبلوتوث

يعني لو جبتها جاهزة احسن (( وكله يكون اصلي مرة واحدة ))

الف شكر على رد حضرتك .. وربنا يبارك لنا ان شاء الله

المشاركة الأصلية كتبت بواسطة kareem.elaraby

فكر في الفلوينس و الفورد فوكس الجديده

الفلوينس : مش عملية وبنزين 95
وقطع غيار غالية بزيااااادة ومشكلة نتشة الفتيس وخلافة (( بلاش منها احسن ))

الفورد الفوكس الجديدة : غالية يعني عدت حدي في المبلغ $
وكمان لو الفئة اللي بـ 154 هتكون 2 قزاز كهرباء بسـ وكمان طاسات ومن غير حساسات ولا بلوتوث


وضيقة من ورا قوي يعني زيادة عن اللزوم

وسعر اعادة بيع .. مش ولا بد ((( الباب اللي يجلك منه الريح .. سدوا واستريح ))


شاااااااااااكر جدا لرأي حضرتك ♥

[QUOTE=zsecsqxsw;3874400736]السلام عليكم ورحمة الله وبركاته ..

انا اخوكم خالد من المحلة الكبرى ..

ان شاء الله كنت نويت على الالنترا 2012 "" بعد مقارنتها بـ تويوتا كورولا 2012 اول فئة و سكودا فانتازيا مانيوال "" وعلى فكرة السكودا الاوكتافيا اخرها 150 الف

انا رحت معرض عربيات .. مع والدي وركبت العربيات كلهم .. علشان اقدر احكم تمام ... والحمد لله الالنترا

حل اوسط في كل حاجة .. وتتفوق كمان في حجات تانية منها الخامات افضل من الكورولا .. والباب ثقيل واحساس بالفخامة افضل من الكورولا الياباني الجديدة

وخلافه و طبعا فرق السعر والمقابل اللي هحصل عليه .. المهم

انا استقريت على النترا 2012 GL

ABS - 2 AirBags

والفئة دي عاملة بعد التخفيض 132 الف جنيه

((( لأنه اهم حاجة عندي هي عوامل الامان دي ))))

وفي فئة تانية بــ 145 الف تقريبا بعد التخفيض ودي الـ GLS

جنوط 16" وحساسات وبلوتوث وتقريبا : حساسات مطر " ملهاش اي لازمة معايا "


....* ملاحظة :: في عيب خامات بسيط في الاسطوانة البلاستيك اللي حوالين عدادت السرعة اللي بارزة لبرة .. يعني لما جيت احاول احركها كده .. تقريبا بتتحرك نسبيا معايا
فانا مش عارف .. دي نظامها ايه !!

ولا هي كده ولا ايه ؟


فأنا كنت حابب اسأل عن ::
1: سعر الجنوط الـ 16" في التوكيل كام مع الكفرات لو حبيت اركبها مع نفسي بعدين ؟

2: سعر الحساسات الخلفية *فقط* في التوكيل كام .. لو حبيت اركبها برده لوحدها ؟

3: ايه رأيكم في سعرها بــ 132 الف جنيه .. ((( ولو فيه أي أراء اخرى تتعلق بالعربية ياريت تشاركوني )))



ياريت .. تردو عليا ضروري .. علشان محتار جداااااااااااا .. وشكرا [/QUO


السلام عليكم

ياترى حضرتك منين من المحله ؟ انا ايضا من المحلة من الشون امام قسم تانى مباشرة على الشارع

انا كنت فى نفس موقفك واشتريت الألنترا الفولى لودد من يومين كسر زيرو بنفس ثمن الفئه اللى كنت انت هتشتريها

لو محتاج نصائح منى كلمنى على 01000778541

[QUOTE=Sindibad;3874429573]

المشاركة الأصلية كتبت بواسطة zsecsqxsw

السلام عليكم ورحمة الله وبركاته ..

انا اخوكم خالد من المحلة الكبرى ..

ان شاء الله كنت نويت على الالنترا 2012 "" بعد مقارنتها بـ تويوتا كورولا 2012 اول فئة و سكودا فانتازيا مانيوال "" وعلى فكرة السكودا الاوكتافيا اخرها 150 الف

انا رحت معرض عربيات .. مع والدي وركبت العربيات كلهم .. علشان اقدر احكم تمام ... والحمد لله الالنترا

حل اوسط في كل حاجة .. وتتفوق كمان في حجات تانية منها الخامات افضل من الكورولا .. والباب ثقيل واحساس بالفخامة افضل من الكورولا الياباني الجديدة

وخلافه و طبعا فرق السعر والمقابل اللي هحصل عليه .. المهم

انا استقريت على النترا 2012 GL

ABS - 2 AirBags

والفئة دي عاملة بعد التخفيض 132 الف جنيه

((( لأنه اهم حاجة عندي هي عوامل الامان دي ))))

وفي فئة تانية بــ 145 الف تقريبا بعد التخفيض ودي الـ GLS

جنوط 16" وحساسات وبلوتوث وتقريبا : حساسات مطر " ملهاش اي لازمة معايا "


....* ملاحظة :: في عيب خامات بسيط في الاسطوانة البلاستيك اللي حوالين عدادت السرعة اللي بارزة لبرة .. يعني لما جيت احاول احركها كده .. تقريبا بتتحرك نسبيا معايا
فانا مش عارف .. دي نظامها ايه !!

ولا هي كده ولا ايه ؟


فأنا كنت حابب اسأل عن ::
1: سعر الجنوط الـ 16" في التوكيل كام مع الكفرات لو حبيت اركبها مع نفسي بعدين ؟

2: سعر الحساسات الخلفية *فقط* في التوكيل كام .. لو حبيت اركبها برده لوحدها ؟

3: ايه رأيكم في سعرها بــ 132 الف جنيه .. ((( ولو فيه أي أراء اخرى تتعلق بالعربية ياريت تشاركوني )))



ياريت .. تردو عليا ضروري .. علشان محتار جداااااااااااا .. وشكرا [/QUO


السلام عليكم

ياترى حضرتك منين من المحله ؟ انا ايضا من المحلة من الشون امام قسم تانى مباشرة على الشارع

انا كنت فى نفس موقفك واشتريت الألنترا الفولى لودد من يومين كسر زيرو بنفس ثمن الفئه اللى كنت انت هتشتريها

لو محتاج نصائح منى كلمنى على 01000778541

وعليكم السلام ورحمة الله وبركاته ...

انا من شارع محب بجوار مستشفى رب الحرمين

ترشفت بمعرفة حضرتك ♥

وايه اخبار الالنترا معاك .. وحضرتك جبت الفولي لودد بكام ومنين كسر زيرو ؟؟
( يريت تحكيلي تجربة حضرتك ) وان شاء الله هيكون في بنا اتصال ان شاء الله

واتشرف بمعرفة حضرتك

وربنا يبارك لحضرتك فيها ويديك خيرها ويكفيك شرها .

(( بس هي المشكلة اني مسافر في خلال ايام .. للسعودية ان شاء الله ))

هقعد هنالك شهر تقريبا بإذن الله .. ولما اجي هتوكل على الله في امر الشراء