يارجالة البلية صوتها عالى عندى وعايز أغيرها حد يعرف سعرها كام ومنين تتجاب وهل فى منها انواع وهل فى منها إستيراد وجديد وايهما أفضل (بليه شداد متحركة لل e36)؟
عرض للطباعة
يارجالة البلية صوتها عالى عندى وعايز أغيرها حد يعرف سعرها كام ومنين تتجاب وهل فى منها انواع وهل فى منها إستيراد وجديد وايهما أفضل (بليه شداد متحركة لل e36)؟
محدش غيرها قبل كده يارجالة ....
هوة اية بلية الشداد المتحركة دية ؟؟؟؟؟؟؟؟
بلية الشداد اللى راكب عليها السير بتاع الدينامو تقريبا ......بس هى بتتحرك علشان لما تيجى تركب السير ....
تم شراءها جديدة ب 140 ج وتركيبها ب 20 ج شكراااااااا
مساء الخير ياميدو , ياريت توضح بعد أذنك أيه هى نوع المشكلة وهل الأن اتحلت أم لأ .. أنا كان عندي صوت عالى لما بأجى افتح بالعربية على الرابع أو الخامس ولما الميكانيكى طلع معايا يجرب على طريق المطار كان بيطلب منى وأنا على ال 120 أنى أموور , وقال لى أن الصوت ده جاى من الكارونة لأنها عاوزة تتغير , لأن لو كان من البلية الخلفية فكانت هاتعمل صوت مع التموير, ولكنى وحتى الأن لم أقم بتغير الكارونة ومازال الصوت مستمر . ياريت تشاركنا مشكلتك وحلها عشان نستفاد كلنا
الكورونة هتسمع صوتها بتون لو فيها حاجة !!!
زى التاكسيات و العربيات القديمة كدة لما يدوس بنزين تسمع ونة !!!
و لو بتون يبقى لازم تتغر
طب هي سعر الكارونة يعمل كام بالضبط لأنى أخر سعر وصلت ليه كان 450 جنيه وتركيبها كمصنعية بيتكلف كام؟ , وهل ينفع أنى أرركب كارونة 98 .. ومعلش سؤال أخير .. هى مواتير البى أم بتبقى صوتها خشن شوية لأنى بصراحة كنت راكب تويوتا وهيونداى والصوت كان بيبقى أحسن بكتير من صوت البى أم
مش عارف الصراحة الأسعار بس اعتقد 450 دة كويس جدا
تركيبها و فكها مش موضوع معقد خالص هوة بس محتاج شوية صبر و مجهود
و ممكن تحط كورونة 98 عادى مادام هية بتاعت e36
و بالنسبة للصوت فا انا مش هخبى عليك انا صوت عربيتى عالى مش عارف لية !!!!
هية المفروض مش كدة بس انا مش فاضى دلوقتى افك اعرف المشكلة فين بس لو توصلت حبقى اقولك ان شاء الله
حاجة كمان !!!
لازم الشكمان عندك يكون فابريكة و مش ملعوب فية خاللللللللللللللللص ولا مشيول علبة بيئة ولا حاجة علشان صوت العربية يبقى مكتوم !!!
للأسف الشكمان عندى البيه اللى كنت جايب منه العربية الله يسمحه معور الشكمان ولأحمه تلأت لحمات فى أوله وشكله بصراحة وحش والشكمان نفسه مش نضيف , مصدي من أخره و البوية الفضى اللى عليه فى الأخر مقشرة وأنا عن نفسى عاوز أغيره بس سمعت أسعار مبدئية كده مش حلوة زى 1200 جنيه,, طب يعنى هل معنى كلأمك ده أنى لو حتى غيرت الكارونة فالصوت بردوا هايبقى موجود بسبب الشكمان ؟ ولأ أنت قصدك أيه ؟