الموضوع: تيريوس /زوتى اكسبلوشن/ لوجان افيدونى ؟؟؟؟

السلام عليكم ورحمة الله
احبابى فى الله اعضاء المنتدى الكرام
أرجوا الله ان تونوا فى احسن حال
عندى أسئله كتير ....معلش هطول عليكم علشان انا جديد فى العربيات ومبعرفش كتير من المعلومات
كل اللى عاوزه :انى اشترى عربيه تصلح للسفريات الكتيره لان طبيعة عملى انى اسافر بين المحافظاتوالصراحه الحمد لله ان ربنا صبرنى الكام سنه اللى فاتوا ,, وانا الصراحه مبعرفش لسه اسوق عربيه بس اللى بفكر فيه فى حدود 45000 جنبه
وتكون جامده وتستحمل وعاليه عن الارض وعائليه ,,ففكرت فى الفيرنا ثم الانوس وكمان اللوجان واخيرا اكتشفت انى ممكن الاقى تيريوس 2000 /2001بسعر قريب من اللى معايا وبعدين فوجءت ان كل الاعلانات مكتوب فيها انها 1300 سى سى وبعدين ناس خوفتنى وقالوا هاتبقى ضعيفه وهياثر على التكييف اللى هو بالنسبه لى ضرورى
وانا بدور قابلتنى عربيه اخت التيريوس بس صينى اسمها زوتى اكسبلوجن وهى موتورها موتسوبيشى يابانى وكمان العفشه وفيه منها 1600 سى سى وكاماليات وفيه اوتوماتيك وممكن اجيب بالفلوس اللى معايا موديل يعتبر حديث بالنسبه للتيريوس يعنى ممكن 2009/2010
انا دلوقتى محتار جدا هل أخلينى فى التيريوس اللى كلها يابانى وموديل قديم و1300 سى سى ام
اخلينى فى الزوتى اصينى وموتورها كويس يابانى واحدث و1600 سى سى؟؟
وللا ارجع افكر فى اللوجان اللى عاجبانى بس سمعت ان قطع غيارها غاليه قوى..
افيدونى وجزاكم الله خيرا