سؤال لفريق نيسان .. ارجوا المساعدة

**dr_hassan1eg** · 28-06-2012 03:17 AM

المشاركة الأصلية كتبت بواسطة mohsunny2009

الف مبروك على السياره و ربنا يكفيك شرها
اهم حاجه احرص انك تستلم السياره فى النهار وأحرص على ما يلى
1- فحص دهان السياره من الجروح عن طريق الدوران حول العربيه و فحصها جيدا
2- فحص كهرباء السياره بعمل التالى
* فحص الانوار الاماميه و الخلفيه
* فحص الاشارات بتشغيل الانتظار و الدوران حول السياره
* فحص نور الفرامل و نور الرجوع للخلف
* فحص ازرار الزجاج الاربعه و اللوك
* فحص التكيف
* فحص مساحات الزجاج و رشاش المياه
* فحص انوار التابلوه وجميع الاشارات به
* فحص انوار الصالون الداخلى
3 - فحص السياره من الداخل
* فحص الكراسى و سهوله حركتها
* فحص احزمه الامان و كفائه عملها
* فحص الاكلاكس
4- فحص شنطه السياره
* فحص الاستبن و العده و الكوريك
* فحص نور الشنطه
* فحص قفل السياره و كفائه فتحها من الداخل
5 - الف مبروك على السياره خد العربيه و روح

تسلم ايدك
انا هطبع النقاط دى واخدها معايا واقارنها بند بند وانا يستلم ان شاء الله
شكراااااااااااااااااااااا

**Dr/ P.K.Sh** · 28-06-2012 04:03 AM

تستلم على خير

**د.أبونضال** · 28-06-2012 04:33 AM

ألف مبروك وربنا يديك خيرها ويكفيك شرها

**Ahmed_selmy** · 30-06-2012 10:12 PM

مبروك عليك العربيه مقدما
وبالنسبه للبويه لو لازقين اللزق الابيض اللى على الكبوت والشنطه شيلوا علشان تتاكد ان مفيش خدوش فيهم لان فيه ناس كتير بتستخصر تشيله ويقولك حمايه للكبوت
وتنساش بردوا تقفل كل الابواب وتفتحها وتتاكد انها خفيفه ومبتزيقش
وربنا يباركلك