تسعير سكودا فلشيا

**stars** · 27-06-2012 06:16 PM

الى خيراء الفلشيا عايز تسعير فلشيا موديل 96 هى حالة الفرش جيده والخارج كمان جيده فيها زجاج امامى كهرباء وصاحبها بيقول ان هو رش الخارج نظافه بس .. وعايز اعرف ايه اخبار العربيه وهل هى فعلا بتسخن
فى انتظار رأى الخبراء والف شكر مقدما

**sakr_skoda** · 27-06-2012 08:55 PM

اولا حضرتك ذكرت فى عنوان موضوعك طلب تسعيرة فليشا؟؟؟؟؟؟؟

وفى صلب الموضوع جاء السؤال فقط عن حالة العربية وهل هى بتسخن ولا لاء؟؟

طبعا علشان نقدر نسعر العربية بالظبط لازم نعرف حاله العربية من ناحية الموتور والكيلوات المقطوعة وسلامة الصاج والعتب وخلافة ولاكن انا حاقولك كلمة واخبطها.... العربية دى سعرها يبداء من 26 الف جنيه وآخرها 31 الف جنيه....

اما بالنسبة لموضوع السخونية فى طرق كثيرة للتغلب على موضوع السخونية ولله الحمد قد نجح الفرعون المصرى فى القضاء على موضوع السخونية الى الأبد .... وستجد هنا فى المنتدى كيفية معالجة موضوع السخونه للفليشيا....

**benmatar** · 28-06-2012 04:50 PM

السلام عليكم
بصفة عامة سكودا فيليشيا عربية محترمة ومن أفضل قريناتها من نفس الفئة
طبعا لازم حضرتك أول حاجة ترفع العربية وتتأكد إن الشاسيه سليم 100% مش 95%
العربية عاملة كام كيلو؟ فيها تكييف ولا لأ؟
محتاجة شغل في العفشة؟ ( هيبان من الكشف والتجربة في طريق مفتوح وطريق مدغدغ وما أكثرهم في شوارعنا!)
الموتور سليم؟؟
طالما حضرتك مطمئن من الشاسيه ومش محتاجة مصاريف يبقى تستخير وتوكل على الله بس اعتقد إن السعر يقل شوية (يعني 26-27)
بصفة عامة قطع غيارها متوفرة بفضل الله ومعمرة
لو بقيت فارس من فرسان سكودا أنصحك بمداومة اجراء أي صيانات أو إصلاحات عند فني متخصص سكودا، وموجود منهم أساتذة
العربية لو موتورها سليم ومظبوطة مش هتسخن زي ما ناس كتير بتقول، يعني مش هتزيد عن 90 في أحر الأجواء وبكدة تكون تمام (على فكرة الأوروبي معظمه كده يعني معايا بورا وبيجو406 والعادي بتاعهم الحرارة توصل 90 وتنزل تاني)
ربنا يوفقك بس إكشف عليها كويس وممكن تروح عند حد متخصص سكودا يكشفلك عليها واساميهم موجودة في المنتدى، ومحدش من فرسان الفيليشيا الأشاوس هيتأخر عنك. بس العربية تشرف ومتكسفش راكبها طالما بيحافظ عليها
وبالتوفيق

**sakr_skoda** · 28-06-2012 06:44 PM

المشاركة الأصلية كتبت بواسطة stars

شكرا استاذ sakr1964 على ردك على سؤالى ... بالنسبه للعربيه هى جايبهالى صديق ليه وهو شكرلى فيها جداا .. بص ياباشا هى مافيهاش برومه والصاج جيد يعنى فيه خدوش بسيطه الفرش جيد جدا ومتحافظ عليه بالنسبه للماتور فصديقى قالى انه كويس لان انا مش حفهم فيه اوى الا بعد تجربته فتره .. صاحبها طالب 29000 جنيه ..
فمافيش غير اخوانى هنا ينصحونى اذا كان السعر كده تمام بالنسبه للعربيه ولا ايه
والف شكر لكل اخوانى عشاق سكودا

تمام كدا يبقى شوف ميكانيكى يكون محترم وبيفهم يبصلك على الموتور لو تمام زى صديقك ما بيقول يبقى توكل على الله ومش خسارة فيها ال29 الف جنيه....*

**EngAhmedSayed** · 29-06-2012 07:06 PM

المشاركة الأصلية كتبت بواسطة stars

الى خيراء الفلشيا عايز تسعير فلشيا موديل 96 هى حالة الفرش جيده والخارج كمان جيده فيها زجاج امامى كهرباء وصاحبها بيقول ان هو رش الخارج نظافه بس .. وعايز اعرف ايه اخبار العربيه وهل هى فعلا بتسخن
فى انتظار رأى الخبراء والف شكر مقدما

ده موضوع هيفيد سياتك كتييير

تحديد سعر اي سيارة مستعملة هدية لاحلي منتدي(الجزء الثاني)

http://www.nilemotors.net/Nile/99835-a.html (تحديد سعر اي سيارة مستعملة هدية لاحلي منتدي(الجزء الثاني))

وربك المستعان