الموضوع: افضل بنك للتقسيط ؟؟؟

عايز اعرف ايه افضل بنك ممكن يقسطلى عربيه من حيث سرعه الاستجابه والسهوله فالتعامل و سعر فايده قليل
علما بانى هدفع 45 % من تمن العربيه و هقسط على 5 سنين

المشاركة الأصلية كتبت بواسطة mstool

الوظيفة لما بتعلى القسط بيقل و المرتب لما بيعلى برضة القسط بيقل اللى يفيدك المعرض نفسة
السبب ( انهم بيبقبوا ضامنين انك هتسدد فمش مضرين ياخدوا منك فوايد عليا و كمان عشان تشترى قسط و هما يكسبوا منك كمان )
فمثلا انا كل ما ادخل على معرض عالطول يحسب على فايد 10% اقل معرض يحسب على 9.5% مثلا
لكن عندى الوظيفة و المرتب عالي فبقولة يقولى حضرتك هتبقى 8.5% و القسط لو 50% بتبقى بدون حظر فى بعض البنوك حسب برضة امكانياتك
و كمان فى بنك زى ناصر لو حضرتك موظف حكومة ليها كذا شرط كدا و بيدوا فايدة 6% بس طبعا لو عشت و كان ليك عمر عشان تاخد العربية ( ممكن توصل ل 40 يوم) اجراءات بتاخد وقت انما البنوك الخاصة مش بتزيد عن 10 ايام و احيانا كتير بيبقى اقل
و لو ليك شهادات فى اى بنك ممكن يقسط بيبقى العربية معلهاش اجراء حظر بيع خالص بتبقى ملك بالكامل و بيدخلوة الفايدة فى الفايدة اللى طالعة من الشهادات و بيحظروا على الشهادات و خلاص و كذلك الواديع بيقى فايدة لا تزيد عن 5% و اجراءات مش بتاخد خمس ايام حتى و دة اللى انا بعملة
طبعا دية معلومات عامة اللى يديك معلومات كاملة البنك بتاع حضرتك او المعرض وانصحك ( اوتو سمير ريان )
ارخص سعر انا واخد منهم تلات مرات قمة الاحترام و الانجاز

انا متشكر جدا لشرح حضرتك الوافى