تجربة تغيير زيت المحرك - أبيزا 99 موتور 1.4

السلام عليكم ورحمة الله وبركاته

موضوع الزيوت واختيار افضل زيت اتناقشنا فيه كتير جداً علي صفحات المنتدي

وبعد شوية بحث وراء انواع الزيوت عرفت ان شركة فولكس بتنصح بأستخدام زيوت كاسترول
لحد لما قابلت عربية سيات 2010 ولقيت ملزوق علي زجاجها بدج بتاع كاسترول
ومن ساعتها ماكدبتش خبر
بالفعل قولت اجرب زيت كاسترول

من ضمن تجارب الأعضاء هنا في المنتدي لزيوت كاسترول
ناس كتير شكرت فيه
ولكن المهم ان في ناس قالت عليه ملحوظة غاية في الخطورة ورغم معرفتي بهذه المعلومة قولت لازم اجرب لأن لقيت ناس بتنفي المعلومة فتأكدت انها بتختلف من سيارة للأخري

وكانت الشكوي حول تبخر الزيت ونقصه بشكل ملفت للأنتباه

انا جربت زيت كاسترول GTX ودة أقل فئة في زيوت كاسترول ولكنه متوافق مع توصيات شركة فولكس لمحركاتها ولزوجته هي 20W/50
http://desmond.imageshack.us/Himg525...pg&res=landing

ودة شكل العبوة بتاعته

http://www.castrolarabia.com/Castrol...X_pack_big.jpg

طبعا لما أشتريته تأكدت من وجود العلامة المائية علي الغطاء الداخلي للعبوة والموجود تحت الغطاء البلاستيكي بتاعها

كمان كان علي العبوة اللوجو بتاع يورو 2012 مما يعني ان الزيت انتاج حديث

العبوة 4 لتر وطبعا الموتور عندنا بياخد 2.75 لتر بالفلتر ودة عن تجربة ولكن الكتالوج ليه رأي مختلف وبيقول 3.5 بالفلتر
http://desmond.imageshack.us/Himg580...pg&res=landing

انا لما حطيت الزيت كان المؤشر بتاعي هو المقياس
ودائما بخلي الزيت بين الماكس والميني لأن بردو عن تجربة الموتور بيحرق اي زيت زيادة ومستوي الزيت بيثبت لحد المنتصف بالظبط
وبالتالي اي شوية زيت زيادة بيعتبر هالك ومفيش منه داعي غير انه هيوسخ العمة ويملاها بخر زيت

http://desmond.imageshack.us/Himg84/...pg&res=landing

اما بقي عن تقييمي ليه

بالنسبة لصوت المحرك
مش قادر زي ماهو ولا اقدر اقول هدي عن الأول
ولكن نوعاً ما حاسس انه اوطي سنة بسيطة عن الأول ولاحظت حاجة رغم ان مالهاش دعوة لكن هقولها
لاحظت ان صوت مكنة الباور هدي عن الأول
طب ايه دخل الباور بزيت المحرك - مش عارف

بالنسبة للأستهلاك
عموما الأستهلاك ظبط كتير عن الأول وبردو ماقدرش اقول انه قل عن الأول ولكن بوجه عام الأستهلاك مرضي

بالنسبة للتسارع وتجميع العربية
لا فرق يذكر

بالنسبة للحرارة
لا فرق يذكر - خصوصا في هذه الأيام

انا لحد دلوقتي مشيت عليه 850 كم يعني حوالي ثلث عمره (3000 كم)
بالنسبة للون - لا يزال محتفظ باللون الذهبي ولكن داكن بعض الشئ وفي طريقه للسواد
بالنسبة للزوجة - ماشاء الله لا قوة الا بالله - لا يزال يحتفظ باللزوجة - ودة خدت بالي منه من شئ
لما بميل المقياس عشان اشوف المستوي الزيت بلاقيه مش بيسيل علي المقياس او بيسيل ببطئ وكأنه عسل نحل خام ومركز
بالنسبة للرائحة - رائحته طبيعية ولا يوجد ملاحظات تذكر

السعر 80 جنيه رغم اني سمعت ان في ناس جابته ب86 وفي ناس دفعت فيه 115
ولكني اعتقد اني اشتريت المنتج الأصلي لوجود العلامة المائية ولوجو يورو 2012

انا جربت الGTX علي اساس ان شاء الله هنتقل للماجناتيك ولكن في البداية حبيت اجرب كاسترول بأقل فئة وان ثبتت كفاءة سوف اجرب الأغلي (ماجناتيك)

ولكم مني جزيل الشكر علي حسن المتابعة

والله المستعان
،
،

مجهود رائع وفى انتظار تجربة المجناتيك.

بالنسبة للموتور ده, ايه نوع البوجيهات اللى تنصحنى بيه وياترى ينفع اغيرهم بنفسى؟ انا عارف ان الموتور ده البوجيهات مكانها فى دهر الموتور وفى مكان مزنوق وهل لازم افك المنافولد عشان اغيرهم؟

وشكرا

فعلا الكاسترول زيت جامد وانا حاطط نفس النوع ده بالظبط وماشى بيه 2500 كم ومش بينقص خالص
بس انت جبته منين هى محطه طاقه اللى فى الهرم فتحت ولا ايه ؟

اقتباس:

---

المشاركة الأصلية كتبت بواسطة Karim Ibiza

مجهود رائع وفى انتظار تجربة المجناتيك.

بالنسبة للموتور ده, ايه نوع البوجيهات اللى تنصحنى بيه وياترى ينفع اغيرهم بنفسى؟ انا عارف ان الموتور ده البوجيهات مكانها فى دهر الموتور وفى مكان مزنوق وهل لازم افك المنافولد عشان اغيرهم؟

وشكرا

---

البوجيهات الموصي بها
NGK كود BUR6ET
3 شمعة وفيها مقاومة بيسموها الكتروني
ثمنها 85 جنيه

http://www.nilemotors.net/Nile/26953...post3874084326

اقتباس:

---

المشاركة الأصلية كتبت بواسطة eemmoo

فعلا الكاسترول زيت جامد وانا حاطط نفس النوع ده بالظبط وماشى بيه 2500 كم ومش بينقص خالص
بس انت جبته منين هى محطه طاقه اللى فى الهرم فتحت ولا ايه ؟

---

والله جبته من ورشة تغيير زيوت جمب البيت
للأسف طاقة لسة مافتحتش - لسة بيوضبوا فيها

ع البركه يا بوحميد
انا جربت زيوت كتييييير
مارتاحتش الا مع شل الاصفر
صوت الموتور هادي وبيعد كتير مابقلقش منه

اقتباس:

---

المشاركة الأصلية كتبت بواسطة hellboy

ع البركه يا بوحميد
انا جربت زيوت كتييييير
مارتاحتش الا مع شل الاصفر
صوت الموتور هادي وبيعد كتير مابقلقش منه

---

انا كمان كنت علي طول بستعمل شل سواء الأصفر او الأحمر وعمري ما اشتاكيت منه او نقص معايا او اي حاجة

متشكر يا استاذ فادي علي مرورك ومشاركتك

معلش سؤالين:

انا المكنه عندي خفيفه شويتين وبتاكل زيت كتير:

السؤال الاول افضل زيت في رايكم للمكنه الخفيفه دي
السؤال التاني افضل بوجيهات في رايكم برضو للمكنه الخفيفه

اقتباس:

---

المشاركة الأصلية كتبت بواسطة ahmad_salama

معلش سؤالين:

انا المكنه عندي خفيفه شويتين وبتاكل زيت كتير:

السؤال الاول افضل زيت في رايكم للمكنه الخفيفه دي
السؤال التاني افضل بوجيهات في رايكم برضو للمكنه الخفيفه

---

طب انت كنت بتستخدم زيت ايه قبل كدة ؟
وبتاكل قد ايه في ال1000 كم؟

اقتباس:

---

المشاركة الأصلية كتبت بواسطة SYD

طب انت كنت بتستخدم زيت ايه قبل كدة ؟
وبتاكل قد ايه في ال1000 كم؟

---

بستعمل شل الاحمر و بحط بينقص لغايه minimum بعد ال 1000 كيلو تقريبا

شل الأحمر وبينقص ؟؟؟
طب بعد ما بيوصل للمنيمم بينقص تاني ؟؟؟

بصراحه مبستناش عليه لان المكنه زي ما قلتلك خفيفه وبخره زيت كتير من خرطوم الفايظ ف مبرضاش استني عليه كنت بزوده الاول وبعدين حسيت ان كده غلط بقيت انزله بعد ال 1000. كمان انا صوت الكستبانات عالي اوي عندي لدرجه اني بحس اني راكب جرار بعد ال 120 ف علشان كده مش بغامر اني استني اكتر من كده ع الزيت

في اكتر من حد قالي حط تعاون ده احسن حاجه للمكنه الي بتاكل زيت بس انا اصلا مش مقتنع بالتعاون لا ف بنزين ولا ف زيت

طب جرب شل الأحمر الي مكتوب عليه زيت ثقيل
دة بيوازي التعاون

وعلي فكرة التعاون من انظف الزيوت ولكن مش معموله دعاية وشكل المحطات مش حلو وحتي العبوة شكلها مش حلو
ولكن كزيت نظيف جداً

اقتباس:

---

المشاركة الأصلية كتبت بواسطة SYD

طب جرب شل الأحمر الي مكتوب عليه زيت ثقيل
دة بيوازي التعاون

وعلي فكرة التعاون من انظف الزيوت ولكن مش معموله دعاية وشكل المحطات مش حلو وحتي العبوة شكلها مش حلو
ولكن كزيت نظيف جداً

---

انا بحط الاحمر ابو 75 الي هو 20w-50
مش هو ده الي قصدك عليه يا ابو السيد ؟؟؟

الي بقولك عليه لونه احمر هو كمان
بس مكتوب عليه زيت تقيل

الي انت بتقول عليه دة مش مكتوب عليه ثقيل

احاول اشوفه في التغير الجاي ان شاء الله وربنا يسهل كده
طب اجرب استعمل فلاش اويل علشان صوت الكستبانات العالي ده ولا ممكن يضر اكتر ولا مش هيفيد ؟؟

يا باشا فلاش ايه الي عايز تستعمله
دة بيستهلك المواتير السليمة مابالك بموتورك

امشي جمب الحيط مؤقتاً لحد لما تغير الموتور

والله انا زهقت منها وعاوز ابيعها

مبروك يابشمهندس عالزيت الجديد كنت بحط منه وفي منه برضه بحاجة وخمسين جنيه لكن درجة كفاءة اقل ودي مكتوبة جنب درجة اللزوجة sl or sj وده الاقل وبعدين طلعت للمجناتيك وكان جميل جدااا معي ,,,,,,,,,,بص يااحمد سلامة بالنسبة لموتورك هات زيت liqui moly 15w 50 وده فيه زيت شمبر جواه وبيتباع عند موزعين كتير ادخل عالاعلان واختار اقرب واحد وكلمه وشوف الزيت متوافر عنده ولا لأ وهو يعمل 185 جنيه تقريبا وبيع العربية المفروض تستخير وتصلي ركعتين وتشوف هتعمل ايه بعد كده ومن رأيي تركنها وتجمع فلوس وتعمل كل حاجة فيها من الاكتر اولوية للاقل اولوية

اقتباس:

---

المشاركة الأصلية كتبت بواسطة windofchange

مبروك يابشمهندس عالزيت الجديد كنت بحط منه وفي منه برضه بحاجة وخمسين جنيه لكن درجة كفاءة اقل ودي مكتوبة جنب درجة اللزوجة sl or sj وده الاقل وبعدين طلعت للمجناتيك وكان جميل جدااا معي ,,,,,,,,,,بص يااحمد سلامة بالنسبة لموتورك هات زيت liqui moly 15w 50 وده فيه زيت شمبر جواه وبيتباع عند موزعين كتير ادخل عالاعلان واختار اقرب واحد وكلمه وشوف الزيت متوافر عنده ولا لأ وهو يعمل 185 جنيه تقريبا وبيع العربية المفروض تستخير وتصلي ركعتين وتشوف هتعمل ايه بعد كده ومن رأيي تركنها وتجمع فلوس وتعمل كل حاجة فيها من الاكتر اولوية للاقل اولوية

---

طب هو ممكن مع زيت شل احط اضافه stp للزيت [url=http://www.stp.com/products/oil-additives/oil-treatment/]Oil Treatment by STP

طيب الزيت شل اكيد مختلف تماما عن ليكوي موللي اللي انا ذكرته فوق وهو جاي وفي اضافة جواااه وليكوي موللي اساسا بتبيع برضه اضافات زيت مختلفة فلما تروح للموزع خدلك بصة كده عنده

اقتباس:

---

المشاركة الأصلية كتبت بواسطة SYD

طب جرب شل الأحمر الي مكتوب عليه زيت ثقيل
دة بيوازي التعاون

وعلي فكرة التعاون من انظف الزيوت ولكن مش معموله دعاية وشكل المحطات مش حلو وحتي العبوة شكلها مش حلو
ولكن كزيت نظيف جداً

---

الله ينور عليك يا عم سيد في الكلمتين دول و مازلت أؤكد أن اللي بيقول زيت شل أو توتال أو موبيل أو وطنيه أو أو أو أحسن من التعاون أو مصر
يروح خلاطات زيوت مصر و التعاون و يشوف أنهم هما اللي بيعملوا الزيوت للشركات سابقة الذكر و الفرق الوحيد هوه
1 - العبوه
2 - السعر
أما أن كل نوع عربيه تقول الزيت الموصى به فده بالنسبه لل Grade بتاعت الزيت فقط أما النوع فده بزنس مش أكتر
و السلام

اقتباس:

---

المشاركة الأصلية كتبت بواسطة hellboy

ع البركه يا بوحميد
انا جربت زيوت كتييييير
مارتاحتش الا مع شل الاصفر
صوت الموتور هادي وبيعد كتير مابقلقش منه

---

استاذ فادي ممكن استفسار صغير كدة انا معايا فيكترا بي ايكوتك1600cc ومش عارف احط زيت ايه
وايه انسب درجة لزوجة للموتور دة يعني 20w-40 ولا 20w-50 ولا كام عشان مش عارف

شكرا للمشاركه ............. موضوع ممتاز

السلام عليكم
ان شاء الله انا ناوى اجربة المرة اللى جاية
ودى تجربتى مع زيت فالفولين بعد عشرة الاف كم الزيت عادى لزوجتة قلت و نقص حوالى ربع كيلو ما العلم ان حاله الموتور عندى فوق المتوسطه لانة عامل 280 الف والاغرب من كدة ان العربية مكانتش بتدور على طول وبعد تجربة خليط من زيت موبيل وزيت شل الاصفر بواقى عندى قررت استخدمهم _العربية دلوقتى بتدور بفضل الله من اول مرة ودون صيانة اى جزء اخر فى العربية بمعنى انها نفس الظروف
منتظر تقريرك يا ابو السيد بعد تجربتة وبعد 3000 كم

ان شاء الله يا استاذ احمد

انا متابعه علي طول
وما شاء الله لا قوة الا بالله

لزوجة ولون وكأني لسه حاطه النهاردة
انا لحد دلوقتي مشيت عليه 1260 كم

يعني تقريبا نص المسافة

والله المستعان
،
،

تقييم زيت كاسترول gtx بعد 3000 كم

النهاردة روحت اغير زيت الموتور بعد ما مشيت عليه 3100 كم
الزيت نزل ناقص حاجات بسيطة
لونه - ما شاء الله عليه - غامق شوية عن الجديد
ريحته - ما شاء الله عليه

انا عندي احساس انه كان ممكن يمشي أزيد من كدة 1000 كمان ولا حاجة

أشتريت بردو كاسترول gtx

عايزين ياباشا تجربة المجناتيك

اقتباس:

---

المشاركة الأصلية كتبت بواسطة karim ibiza

عايزين ياباشا تجربة المجناتيك

---

الخطة الجاية ان شاء الله هيبقي المجاناتيك

اقتباس:

---

المشاركة الأصلية كتبت بواسطة syd

تقييم زيت كاسترول gtx بعد 3000 كم

النهاردة روحت اغير زيت الموتور بعد ما مشيت عليه 3100 كم
الزيت نزل ناقص حاجات بسيطة
لونه - ما شاء الله عليه - غامق شوية عن الجديد
ريحته - ما شاء الله عليه

انا عندي احساس انه كان ممكن يمشي أزيد من كدة 1000 كمان ولا حاجة

أشتريت بردو كاسترول gtx

---

استاذ سيد الزيت ده معدني صح اصلي كنت بفكر اغير من فالفولين ليه
علشان المحرك عندي بحس انه بيسخن جامد وشاكك فالزيت هو بيمشي 3000 كيلو مش 5000 ومعلش ايه راي حضرتك فيه اجربه ولا لا لاني بشوف ناس بتشكر فيه اوي وناس بتعمل مواضيع تحذير منه ايه راي حضرتك ؟؟
وياريت المكان الي حضرتك بتغير فيه او بتشتري منه الزيت
علشان اضمن بأذن الله انه اصلي ..

اقتباس:

---

المشاركة الأصلية كتبت بواسطة s o p h o s

استاذ سيد الزيت ده معدني صح اصلي كنت بفكر اغير من فالفولين ليه
علشان المحرك عندي بحس انه بيسخن جامد وشاكك فالزيت هو بيمشي 3000 كيلو مش 5000 ومعلش ايه راي حضرتك فيه اجربه ولا لا لاني بشوف ناس بتشكر فيه اوي وناس بتعمل مواضيع تحذير منه ايه راي حضرتك ؟؟
وياريت المكان الي حضرتك بتغير فيه او بتشتري منه الزيت
علشان اضمن بأذن الله انه اصلي ..

---

بص سعادتك زيت كاسترول gtx زيت معدني متعدد الدرجات بيمشي لحد 3000 كم وممكن اكثر علي حسب حالته
انا عندي نقص حوالي ربع كيلو وحالته العامة كانت كويسة ما شاء الله تمشيه 1000 ولا 1500 كمان بس انا ماحبتش عشان الصيف وكمان هلكته في وسط البلد كتير

انا ساكن في نهاية فيصل - المريوطية - لو يناسبك حد هناك ابعتلي ونتقابل واوديك عند الورشة الي بغير فيها
وكمان ان شاء الله هتفتح محطة طاقة - وكيل كاسترول - قريبا علي المريوطية - فندق سياج

اقتباس:

---

المشاركة الأصلية كتبت بواسطة syd

بص سعادتك زيت كاسترول gtx زيت معدني متعدد الدرجات بيمشي لحد 3000 كم وممكن اكثر علي حسب حالته
انا عندي نقص حوالي ربع كيلو وحالته العامة كانت كويسة ما شاء الله تمشيه 1000 ولا 1500 كمان بس انا ماحبتش عشان الصيف وكمان هلكته في وسط البلد كتير

انا ساكن في نهاية فيصل - المريوطية - لو يناسبك حد هناك ابعتلي ونتقابل واوديك عند الورشة الي بغير فيها
وكمان ان شاء الله هتفتح محطة طاقة - وكيل كاسترول - قريبا علي المريوطية - فندق سياج

---

ربنا يكرمك يا باشا علي اهتمامك
وهو فعلا هتبقي مسافة وانا اقدر ان شاء الله اروح مركز من المراكز الي مكتوبة علي الموقع الرسمي ليهم واتمني يكون منتج جيد ويكون يستحق التجربة
تحياتي ليك ..