يعنى ايه المفتاح ضاع من السايس يا فندم؟ الموضوع ده مريب جدا و ما يتسكتش عليه . لازم تروح التوكيل فى اسرع وقت علشان يشوفولك حل فى حكايه المفتاح دى حتى لو غيروا الكوالين. لو عربيتك سيراتو زى اللى فى البيانات بتاعه حضرتك يبقى انت عارف هى من الحاجات المفضله جداً عند الحراميه و لذلك الموضوع خطير و ما يتأجلش و حاول تركب كلابش الدركسيون مؤقتا و تغير المكان اللى بتركن فيه العربيه لحد ما تروح التوكيل و بالنسبه للباركنج سنسور المفروض ان عليه ضمان و حضرتك تروح به للمكان اللى اشتريته و ركبته منه و هما يصلحوه او يغيروه حسب درجه العطل و احتمال اصلا يكون فى سلك مهزوز و لا حاجه مش لازم يكون فيه حاجه بايظه يعنى
المفضلات