الموضوع: عباقرة مصر ( دولة متقدمة ) جدا

كنت فاكر ان لوحدي اللي الحاجات دي بترفع ضغطي

كويس اني مش لوحدي

لا تعليق وعلى فكرة انا ممكن اجيبلكم صورة كتيرة من الركن الغلط وربنا يباركلنا في هايبر وكارفورررررررررررر

داة زائد ان المسؤلين او الحالة الاقتصادية بتعتبر توفير اماكن كافية للسيارات بيعتبروه شيئ فرعى وليس اساسى
انا لماجيت ابنى مبنى تجارى كنت بفكر جديا فى توفير اماكن للركن ولكن كل اللى حوليا قالو داه شيئ مش ضرورى وبعدين الناس بتركن فى الشارع داه زائد ان القانون لايلزم احد بشيئ كبر دماغك ووفر على نفسك

كله كووووم و الركنات كوووووم
يا تري الخطوط الظريفة اللي عالأرض دي مرسومة ليه !؟
واضح ان ده سؤال يتسائله معظم المصريين والا مكانتش الركنات تبقي بالمنظر ده

موضوع ممتاز يا أستاذ توت و يا رب توب علينا من الناس دي

تحيا ج.ع.ع يا رجالة هاي هيئ

المشاركة الأصلية كتبت بواسطة fuad

بينى وبينك المصرى مظلوم اذا لم يكون هناك ثواب وعقاب تكون الغوغائية - المشكله فى القانون والردع بالقانون لكن الناس زيهم زى الناس اللى بائ الكرة الارضية

المصري مظلوم أزاي يا أستاذ فؤاد ؟؟؟
هو أحنا لازم نلاقي أي حجة و خلاص للبلاوي اللي بنعملها في نفسنا و في بلدنا

الأغبياء ( و دول الأغلبية ) اللي بيمشوا لاصقين في بعض على سرعات عالية جدا و أول ما تحصل حادثة تلاقي سبع أو ثمان عربيات لبست في بعض

الأغبياء اللي بيمشوا عكسي ..... و الكل بيعمل كدا
غني و فقير ......... بي إم و نص نقل ........ جيب و ميكروباص
الكل عامل فيها فهلوي

الناس اللي بتعمل غرز و عاملة فيها مايكل شوماخر ....... يا عيني عايز يلحق الصفقة أم مليون جنية علشان ما تضعيش منه !!!

الناس اللي تعدي من جنب حادثة و لا يأثر فيها المنظر !!!

الشباب الشبيح ....... اللي فاكر نفسه سايق على حلبة سباق

الناس اللي مش طايقة تقف طابور ........... و تيجي جنبك و كمان تزوق و بكل بجاحة و متعرفش تتكلم مع حد

مواكب الأفراح و ما ادراك ما مواكب الأفراح ....... الطريق يتسد و زمامير على الأخر و زيطة و زنبليطة ........ شعب مزعج

الدكاترة و المهندسين اللي بيركنوا زي العميان و الأغبياء و يأخد مكان تلات أو أربع عربيات و محدش يعرف يركن جنبه

الناس اللي بتمشي على سرعة 40 كم / س على طريق سريع و ماسكة الحارة الشمال

و المعدومين من الدم و ماشي نص عربيته في حارة و النص التاني في الحارة اللي جنبها و مش عايز يوسع لحد

أحنا المصريين ............. على كلامك ........... و هو كلام حقيقي
شعب عايز المرزبة على طول و ينضرب بيها على دماغة علشان يمشي مظبوط
مفيش مرزبة ........... تشوف اللي بتشوفه في الشارع
و مش كل الشعوب زي بعضها
أطلع شوف اليابان ............ نظام متناهي و الناس من نفسها نظيفة و منظمة و تميل للنظام
شوف شعوب شمال أوروبا .......... نظام فظيع ........... و الناس من نفسها و الله .......... و اللي يخرج عن النظام هناك كأنه مجنون
عكس مصر
اللي يعمل الصح أو حتى يتكلم فيه ....... هو المجنون و يجب ادخاله لمستشفى الأمراض العصبية و النفسية

و يبقى جار زميلنا العزيز ............. الأستاذ أحمد إبراهيم

المصري يحب أن يُقاد .............. و لا يستطيع أن يقود
أحنا خلاص ......... وصلنا لمجد الحضارة من الاف السنين ............ و أنتهت ............. و علشان نرجع تاني ......... صعب و هاتاخد وقت

يا راجل

دي مصر حالها مؤسف
شركة النصر أقدم من هيونداي
هيونداي من أكبر 10 منتجين سيارات في العالم و النصر هاتتباع
و ما أنتجتش و لا عربية مصرية ( لا تصميم ..... و لا يحزنون )
و ناصحين يجمعوا في عربيات لمدة 60 سنة !!!!

و شركات كتيرة على هذا المنوال

المصري اللي معاه شنطة زبالة ........ و صندوق الزبالة على بعد 50 متر ........... و برضه يرميها في الشارع

المصري اللي يمشي عكسي ......... و اللفة على بعد 100 متر ..... بس ازاي .......... لازم يمشي عكسي و يعمل ناصح ... مش مصري !!

-----------------------

المهم أنا حاطط الصور دي لسببين
مش علشان أوريكم الغباء
لاءة علشان كلنا نبدأ من هنا .......... من على صفحات المنتدى كمجموعة مثقفة متعلمة تحب بلدها
نريد أن نبدأ بأنفسنا
نركن صح ............ منجريش و خلاص و نتجاوز سرعة الطريق و نعرض حياتنا و حياة غيرنا للخطر
ما نلصقش في العربيات و أحنا على سرعة عالية
منستعجلش ......... ( العجلة من الشيطان .......... و في العجلة الندامة ) و التآني السلامة .......
أن نتحلى بالصبر عند القيادة و نكون قدوة لغيرنا

يجب ان نفعل شئ إيجابي لتغيير حياتنا و لا ننتظر التحرك من غيرنا لتغيير حياتنا

أنا مش عارف أعمل أيه و لكني عندي أفكار و سأبلورها و إن شاء الله سأطرحها للمناقشة مع زملائي و أخواني أعضاء المنتدى المبجل

و إليكم خالص تحياتي الحارة

يلا نحب مصر بالأفعال مش بالكلام و الدفاع المستميت عن الغلط

المشاركة الأصلية كتبت بواسطة Migo123

يا عم توووووووت ..............زز ارحمنا وارجع من حيث اتيت

مش ناقصين اكتئاب

احنا اتعودنا

انت بقه يا تتعود يا هتتعود

أيه ده ............. أيه ده ............. أنت بتطردني
أنت مش عارف أنت بتكلم مين ؟؟؟
ده توت عنخ امون ملك مصر ................ طيب مش مديك شيكولاتة ؟؟؟
أنت حر ...................
كهنة أمون ........... عليكم بهذا المتمرد ................
لقد تطاول على الملك ..............

أيه ده الكهنة نايمين و محدش سامعني ..........

طيب أصبر لما يصحوا .......... و ذنبك على جنبك