الموضوع: سعر الجير بوكس الأوتوماتيك للأوبترا

اسمحلي اسال سيادتك .. ليه ؟؟؟ :)
انت واحد عايز يشتري عربية جديدة .. اذا مكنتش واثق في الجير بتاعها ... متقربس ناحيتها .. الامر محسوم ..لان ده مش موضوع الواحد ممكن يتغاضي عنه في العربية و يتعايش معاه بعد كده .
------------
فيه زميل فاضل كاتب كلام كويس اوي عن جير الاوبترا الاوتوماتيك
------------
عموما اذا حصل اي مشكلة في الجير ( خلال الضمان ) فالتوكيل ملتزم به بالكامل ..
* للعلم ..سعر الجير الاوتوماتيك بيبقي غالي جدا .. و ممكن يوصل لربع تمن العربية تقريبا ..علي سبيل المثال .. الفتيس الاوتوماتيك بتاع السيريون سألنا لواحد زميلنا عليه في التوكيل من حوالي شهرين وجدناه بـــ 21000 جنيه بدون الضريبة و التركيب..

إيه يا رجالة الأوبترا فييييين الردود ؟؟؟؟؟؟؟؟

اممم ..يظهر الكلام معجبش ...
عموما .. خلينا ننتظر باقي الردود .......................

إيه دا إيه دا
أنا إتفهمت غلط ولا إيه ..... يا أستاذ حسن دا مش قصدي خااااالص أنا قصدي فيين باقي الردود
يا باشا يكفيني شرفا إنك فكرت و رديت عليا إهتميت بيا .. حاشا و باشا إني أكون قصدي إن ردك معجبنيش
بس عايز أقول إن أنا بسأل عادي مع العلم إن أنا لو بشتري bmw كنت هاسأل نفس السؤال للأطمأنان إنما أنا هتوكل على الله و أجيب أوبترا أوتو وهصلي صلاة إستخارة و ربنا يقدم اللي فيه الخير

و أعتذر لو كلامي مكانش واضح بس اللي وصلك مش قصدي خااااااااااااااااالص مااااااااالص

العفو يا اخ خطاب ..
واشكر لك ذوقك ..
و اعتذر ان كنت اسأت الفهم
و تحياتي

يعني صافي يا لبن ؟؟؟؟؟؟؟؟؟؟؟؟؟؟؟؟؟؟؟؟؟؟؟
مقولتش رأيك في الجير بوكس الأوتوماتيك و لو حد إشتكى منه ؟؟؟؟؟:):):):):):)

:):):)
مسمعناش عن حد اشتكي منه لحد دلوقت .. بل الزملاء هنا اللي عندهم الاوتوماتيك بيشكروا فيه ....
زميلنا وائل كان كاتب عن الجير انه ياباني من شركة ايسن .. و اعتقد ده شئ كويس ..
انا شخصيا .. لحد دلوقتي بابحث عن فرصة اجرب العربية دي ..لاني حاببها و بفكر فيها بجدية .. بس لم اوفق حتي الان .. و مش لاقيها في مكاتب الايجار.

مكتب إييييه بس يا باشا
أنا أول ما أجيبها إن شاء الله هبعتلك على الخاص و نتفق على معاد تجربها فيه
أنا أسمي محمد خطاب على فكرة