كنت بفكر فى الكيا سيراتو الشكل القديم 2008 بس كن عايز اعرف الفرق بين موديل LX و EX؟ انا دورت كتير على النت ومقدرتش اوصل لحاجة و هل العربية دى ثابتة على الطريق ولا لاء وموتورها كم حصان؟
اســـــــــــــــــــــــ ــــــــــــف طولت عليكم:ma(36):
عرض للطباعة
كنت بفكر فى الكيا سيراتو الشكل القديم 2008 بس كن عايز اعرف الفرق بين موديل LX و EX؟ انا دورت كتير على النت ومقدرتش اوصل لحاجة و هل العربية دى ثابتة على الطريق ولا لاء وموتورها كم حصان؟
اســـــــــــــــــــــــ ــــــــــــف طولت عليكم:ma(36):
ال lx دى اول فئة مانيوال و الex دى اول فئه اوتوماتيك , الموديل ده كويس و مفهوش مشاكل كتير لكن ثباتها بعد ال140 مش قد كده
الفرق في الكماليات يعني ال Lx مثلا كرسي السائق مفيهوش طلوع ونزول مفيش برده لكنبة الصالون مخادع خلفية التكييف مش تتش ( بكر يعني ) مفيش انوار شبوررة بس ممكن انت تركبها برده مفيش فتحة سقف وكمان التابلوه مش مدهون كروم زي ال Ex لكن مايميز العربية دي عموما
وسع الصالون حتى مع ترجيع الكراسي لاخر مستوى
مرتفعة عن الارض
متانة الصاج وخصوصا الابواب
التسارع ممتاز جدا
نعومة العفشة
العربية بمحرك دوبل كامة 1600 سي سي بقدرة 121 حصان
الثبات كويس نسبيا وزي ماقال الزميل بعد 140 او 150 يعني
لكن عن نفسي مرة اتهورت على محور برج العرب وشديت بيها لغاية 205 كم كسرعة
اجمالا العربية ممتازة ومفيهاش عيوب شائعة خالص وتكيفها كمان ممتاز
وانا تحت امر حضرتك ولو في اس استفسارات دقيقة قوي تحت امرك والمهندس احمد بيه اسماعيل عمل كونسولتو عليها وحللها بالكامل وهو احد ملاكها ومش هيبخل عليك في اي استفسار
متشكر جدا يا جماعة على المعلومات الغالية بس انا كده خفت من موضوع الثبات ده طيب لو قارنتها بمتسوبيشى لانسر 2007 او 2008 الشكل القديم هاف اسبورت تفتكروا هتكون احسن ولا لاء ؟
ملحوظة انا اهم حاجة عندى فى العربية الثبات والسحب ارجو الافادة وجزاكم الله خيرا
يا باشا السحب والتسارع ممتازيين جدا ورهيب والثبات مش مقلق جدا يعني بعد 150 مش بتكون ورقة شجرة مثلا لا ... بيكون احساسك ان الثبات قل نسبيا لكن مبقاش معدوم