اتصرف ازاي في المواقف ازاي

**hpxp** · 28-06-2012 02:20 AM

اولا انا بعتذر عن عدم ردي للمواضيع نظرا للامتحنات والدروس فاعذروني
انا بسوق بقالي 5 سنين لكن يقالي سنه خابط فيها العربيه 3 مرات(حكات) وامبارح كانت الرابعه( لبست في عربيه) المهم وقفت واعتزرت لاني كنت غلطان فعلا الي حصل اني طلععت من البارك ومشيت علي طول بوطي اشغل التكيف لقيت لمبه التشيك منورة اتخضبيت ركزت معها لثايه بالظبط وسمعت احلي بوم ونطيت علي الفرامل والتيل مكنش مطبع فالراجل خد بوسه الله اكبر ياساتر يارب نزلت بصيت علي عربيه الراجل الاول ان فيها خربوش بسيط المهم قعد يهبهب وانا اعتذر لاني معايش رخصه فعايز الم الموضوع والمهم قالي كلمه فقعت مرارتي (قالي لولا انك كنت محترم انا كنت بهدلتك وبطلوا جري بقي قلتله والله مكنتش جاري قالي لاء دي جري ) قصرت الشر ودخلت العربيه وسايب حوالي 2 متر بيني وبين الي قدامي
هوا بقي المفروض اعمل ايه في المواقف دي لانها ابتدت تحصل وبقيت بخاف بقي وكفايه انك تستحمل كلام من الي يسوي و من الي ميسواش
وطبعا مروحتش علي طول روحت المغسله واشتريت كمبوند وظبطها علشان الحج ميخدش خبر وعدلت النمرة بس رقم 7 في العربيه اتمسح عملته واتمسح وانا في المغسله فعايزله حل
وشكرا ليكوا

**semi** · 28-06-2012 03:05 AM

التصرف الوحيد انك تستحمل نرفذة اللي ادامك
لانه ممكن يكون من النوع اللي بيخاف على عربيته من الهوا الطاير
وتيجي انت تخبطها خبطة ملهاش اي لازمة
فبيبقى نازل محروق دمه فلازم تستحمل اي حاجه يقولها لانه بصراحة عنده حق

انا حصل معايا موقف مشابه بس كنت راكب عربية فراملها ضايعة تقريبا
ودخلت في عربية تقريبا كده صاحبها لسه مستلمها من المعرض :)
والعربية كانت بتلمع وخبطها خبطة وقعت الكبوت
انا نزلت منطقتش كلمة وقعد يتكلم كتير الراجل وفي الاخر مشينا

**Screenplays** · 28-06-2012 04:18 AM

اولا متمشيش من غير رخصه

ثانيا انا حاسس انك ضعيف في السواقه

**exact** · 28-06-2012 04:45 AM

مع احترامي الفائق حضرتك اللي غلطان من الاول للآخر

**alaamousa** · 28-06-2012 05:06 AM

حضرتك اللي غلطان وكتر خيره الراجل انه عفا عنك

**aly_moh** · 28-06-2012 03:27 PM

بص ياباشا كل اللى بيسوق اتعرض

**shaddadfalcon1** · 28-06-2012 03:31 PM

بسيطه ياريس
متسوقش الا لما تبقي بتعرف تسوق كويس وبتعرف تركز كويس ومتشغلش نفسك باي حاجه تانيه غير الطريق ولو عايز تعمل حاجه اقف علي جنب واعملها لكن اوعي عينيك تبص علي مكان تاني غير الطريق والعربيه ماشيه

المره دي خبطت في عربيه ممكن لاقدر الله كان يبقي طفل ماشي جنب والدته وكنت تدوس عليه ساعتها مممكن انت تموت نفسك قبل مااهله يموتوك

**mado83** · 28-06-2012 03:31 PM

لو بقالك مليون سنه بتسوق معرض ان يحصل حاجه زى دى ولكن الاهم تحلى الصبر
ولو حد شتمك ياعم قوله ماشى ماشى علموك كده ف بلدك تشتم وخدها بتريقه لانك لو هتتخانق مع كل واحد يانهار ابيض دانا ساعات بحس ان الناس مبرشمه كلها مره واحده

**aly_moh** · 28-06-2012 03:34 PM

بص يا باشا كل اللى بيسوق اتعرض للمواقف زى دى و يمكن اكتر من كدا و فى مرات ممكن اللى قدامك لما يشوفك ساكت عشان غلكا ممكن يمد ايدية و حصلت كتر
و نصحيتى ليك

1- اول لما تدخل العربية تقول الدعاء .
2- تركز فى السواقة و قبل ما تمشى تربط الحزام .
3- لا قدر الله لو اتخبط تتطمن على اللى معاك فى العربية الاول و بعدبن تنزل تطمن على اللى فى العربية الثانية .
4- لو فى حد محتاج اسعاف او علاج لا تترد فى الاتصال بالاسعاف او اسطحابة للمستشفى
5- لو كل حاجة سليمة و جت فى الحديد اتكلم مع اللى قدامك بهدوء
6- لو انت غلطان اعتذر مرة واحد بس و بكل هدوء و ادب و اعرض علية انك تصلح العربية بتاعتة لو انت غلطان
7- لو اللى قدامك علا صوتة عليك اطلب منة بهدوء انة يتكلم كويس و ميعليش صوتة لانك ممكن تعلى صوتك انت كمان
8- لو حاول يمد ايدية او يتخانق اوعى تمد ايديك انت الاول و احذر منه ( فى ناس مجانين بتبقى شايلة صواعق و نفسهم يجربوها )

واخر حاجة متاحولش تتنزفز و تخلى اللى ادامك ياخد للسكة دى و خليك هادى و لو الموضوع تطور اتصل بالشرطة

-

الموضوع: اتصرف ازاي في المواقف ازاي

LinkBack

أدوات الموضوع

عرض

اتصرف ازاي في المواقف ازاي - انشر الموضوع فى :

-

-

-

المواضيع المتشابهه

مشكلة في شارعنا ومش عارفة اتصرف ازاي

عربيتي فيها عيب صناعه ومش عارف اتصرف ازاي .. بالصور

صدا في شنطة العربية اتصرف ازاي

هام وعاجل جدااا ... اتصرف ازاي مع التوكيل ؟؟؟

عايز رأيكم .... اتصرف ازاي مع التوكيل

الكلمات الدلالية لهذا الموضوع

المفضلات

المفضلات

ضوابط المشاركة