علشان هو مش سواق ومش عارف عربيته ومش عارف امتى يعمل كيكاية وامتى يدى اوفر دريف مثلا
يعنى ايه المصطلحات ديه ياريت نخلى الموضوع ده شرح للمصطلحات ديه وغيرها عشان نعرف
عرض للطباعة
علشان هو مش سواق ومش عارف عربيته ومش عارف امتى يعمل كيكاية وامتى يدى اوفر دريف مثلا
يعنى ايه المصطلحات ديه ياريت نخلى الموضوع ده شرح للمصطلحات ديه وغيرها عشان نعرف
كيكاية قصدك Kick down : و دى معناها تسقيط النقلة و دة ممكن يساعدك لو عايز تسحب او تشد بالعربية يعنى مثلا لو جايب التالت تقوم مسقط و جايب التانى عشان ترفع سرعة الموتور و تعلى عزم العربية , و بالنسبة للعربيات الاوتوماتيك بتعملها عن طريق انك تشيل رجلك من على البنزين و تدوس تانى جامد فالعربية تفهم انك عايز سحب فتقلل النقلة و بعض العربيات الاوتو فيها زرار للـ kick down زى الاوبل فيكترا القديم و العربيات الستيبترونيك طبعاً بتتحكم زى ما انت عايز.
اوفر درايف over drive : المعروف ان الفتيس و ظيفته انه بيخفض سرعة الموتور عن طريق التروس عشان تعلى العزم لكن سرعة العمود الخارج driven shaft بتكون اقل من سرعة العمود الداخل للفتيس driving shaft لحد نقلة معينة بتكون سرعة العمودين زي بعض (الرابع بانسبة للمانيوال او التالت بالنسبة للاوتوماتيك الـ 4 سرعات).
النقلة اللى بعد كدة بتكون سرعة العمود الخارج اعلى من سرعة العمود الداخل للفتيس عشان كدة اسمه over drive و دة بيفيد فى السرعات العالية على الطرق السريعة لكن بيكون عزمة اقل من كل النقلات اللى قبله.
و الاوفر درايف دة بيكون اعلى نقلة فى العربيات سواء مانيوال او اوتو (الخامس مثلاً)
و دى معناها تسقيط النقلة و دة ممكن يساعدك لو عايز تسحب او تشد بالعربية يعنى مثلا لو جايب التالت تقوم مسقط و جايب التانى عشان ترفع سرعة الموتور و تعلى عزم العربية
الجزئية دى محتاجة توضيح :
السحب والشد يحتاجوا سرعة والسرعة ميكانيكيا عكس العزم بمعنى إنك لو عايز تزود سرعة فبتدى نقلة زيادة فالترس المنقاد جوه الفتيس بيبقى أصغر فالسرعة تزيد والعزم يقل ........ ماشى
العزم بحتاجة فى الطلعة الأولى وكذلك فى المطالع وفى الحالة دى بتبقى النقلات بالعكس من 4 ل 3 ل 2 ل 1 فباخد عزم ومبخودش سرعة لأن الترس المنقاد جوه الفتيس بيبقى أكبر فالسرعة تقل والعزم يزيد ........ ماشى
الكيك دون بتستخدم لفرملة العربية بالموتور وبيستخدم لو بتتخطى حد فى طريق رايح جاى وهاتلبس فيه بتدى نقلة عكسية تقوم مقللة عدد اللفات يقوم الموتور بتهدئة سرعة السيارة بدلا من الفرامل ....... فرملة ميكانيكة مش قباقيب الفرامل هي اللى بتفرمل تجنبا للإنقلاب والإنحراف
الحاجة الأخيرة ......... إن الفتيس هو منظم وناقل للسرعة وليس له أى دور فى تخليق الحركة سوى إدارتها بزيادتها أو تقليلها
تحيــــــاتى ليك وكلامى لمجرد الإستفسار وإستكمال المعلومات وليس غرضه دحض كلامك على الإطلاق
مبدئياً فى فرق بين السرعة و التسارع, و انا بحتاج العزم فى التسارع , يعنى كل ما العزم يزيد معدل التسارع هيزيد:
لو انا ماشى على 40 كم/ساعة و عايز اوصل لسرعة 60 كم/ساعة
ممكن اعمل التسارع دة على النقلة التانية او التالتة مفيش مشاكل..
لكن انهى نقلة فيهم حتاخد وقت اقل عشان تطلع من 40 الى 60 كم/ساعة ؟؟؟
و بالنسبة لناقل الحركة هو وظيفته فعلاََ تنظيم سرعة المحرك و كذلك تنظيم عزمه, محدش قال حاجة غير كدة.
و تسقيط النقلة أو كل ما النقلة قلت العزم هيكون اكبر سواء استخدمت العزم دة فى التسارع او فى فرملة و تهدئة العربية ... مثال لو انا ماشى على الرابع و قدامى مطلع, هضطر اجيب التالت عشان احافظ على تسارع العربية او ثبات سرعتها..
طب لو نازل على منزل؟؟ هضطر برضه انى اقلل النقلة عشان استخدم فرملة المحرك زى ما حضرتك بتقول.