تكيف نوبيرا 2008

**ebn_mesr** · 28-06-2012 04:23 AM

الاخوة الاعزاء اعضاء المنتدى الكرام
تحية طيبة
رجاء المساعدة
انا معايا عربية نوبيرا 2008 التكيف بتعاها فى النهار تأثيره ضعيف جدا يكاد يكون منعدم وبالليل تلاجة بمعنى الكلمة ومش عارف المشكلة فين روحت لواحد بتاع تكيف من غير مايكشف على التكيف ولا حاجة قالى ده عايز بلف كومبريسور ب 250 جنيه وشحن ب 250 جنيه يعنى اجمالى التكلفة 500 جنيه انا بصراحة استغليته وروحت لواحد تانى بس ده قاس شحن التكيف وبردو قالى عاوز بلف كومبريسور ب 160 جنيه بس لازم يكون من عنده هو علشان هو بيجيبه اصلى واللى فى السوق كله صينى بيبوظ بسرعة وكمان عاوز شحن ب 175 جنيه يعنى اجمالى التكلفة 335 وانا بصراحة محتار ومش عارف اعمل ايه اسيبهم يسرقونى ولا ايييييييييييه؟؟؟
ملحوظة:
الصنايعى الاول كان فى قنا فى المدينة الصناعية
الصنايعى التانى كان فى سفاجا فى المدينة الصناعية

اخوكم م. احمد

**som3a2** · 28-06-2012 04:46 AM

بص يا م.احمد
انا معايا نوبيرا 2005 ومن تاريخ ماجبت العربيه زيرو لغاية اللحظه دي مشحنتش التكييف نهائي
وكنت بعاني ان التكييف في النهار زفت حتي لو ع التالت وبالليل طبعاً تلج
المهم كنت عند الكهربائي اللي بتعامل معاه وقولتله ع الموضوع ده من غير ما يقيس الشحن قالي هشوفلك البوابات
البوابات دي موجوده تحت التابلوه بيفك التابلوه من ع اليمين كده و بيقفل البوابات بيخليها ع الساقع بس عشان متسربش
ومن ساعتها والتكييف ع الاول في الحر بيبقا تلج
ده طبعاً غير الفرق في درجات الحراره من مكان للتاني وعلي حد علمي الصعيد بيبقا ولعه يعني عشان تحس بالتكييف بعد ظبط البوابات كمان ممكن ع التاني او التالت يبقا تلاجه

**ahmad--ezzat** · 28-06-2012 05:04 AM

بص الصبح العربيه بتكون مولعه من الحر والسربنتينه والكومبروسر سخنين جدا وبتاخد وقت طويل عشان تسقع كويس

اركن العربيه في الضل وجرب هتلاقي زي بليل بالظبط

**mrghost** · 28-06-2012 08:22 AM

لو انت راكن العربية ف الشمس وشغلت التكييف بتاخد وقت كتير اوي علشان تحس بالتكييف ده طبيعي

**ebn_mesr** · 28-06-2012 12:18 PM

اشكرك يا اخى الفاضل على هذه النصيحة بس هل ممكن انا اعمل الحاجة دى مع نفسى ولو ماينفعش اروح للكهربائى اقوله اقفلى الهوايات ولا ايه بالظبط؟؟

**ebn_mesr** · 28-06-2012 12:26 PM

المشاركة الأصلية كتبت بواسطة ahmed_nubira

بص الصبح العربيه بتكون مولعه من الحر والسربنتينه والكومبروسر سخنين جدا وبتاخد وقت طويل عشان تسقع كويس

اركن العربيه في الضل وجرب هتلاقي زي بليل بالظبط

المشاركة الأصلية كتبت بواسطة som3a2

بص يا م.احمد
انا معايا نوبيرا 2005 ومن تاريخ ماجبت العربيه زيرو لغاية اللحظه دي مشحنتش التكييف نهائي
وكنت بعاني ان التكييف في النهار زفت حتي لو ع التالت وبالليل طبعاً تلج
المهم كنت عند الكهربائي اللي بتعامل معاه وقولتله ع الموضوع ده من غير ما يقيس الشحن قالي هشوفلك البوابات
البوابات دي موجوده تحت التابلوه بيفك التابلوه من ع اليمين كده و بيقفل البوابات بيخليها ع الساقع بس عشان متسربش
ومن ساعتها والتكييف ع الاول في الحر بيبقا تلج
ده طبعاً غير الفرق في درجات الحراره من مكان للتاني وعلي حد علمي الصعيد بيبقا ولعه يعني عشان تحس بالتكييف بعد ظبط البوابات كمان ممكن ع التاني او التالت يبقا تلاجه

اشكرك جدا يا اخى الكريم على الرد ولكن انا مش عارف يعنى اروك للكهربائى اقوله اقفلى الهوايات ولا ايه بالظبط؟ واى كهربائى ممكن يعمل الحكاية دى؟ وهل من الممكن انا اعملها بنفسى؟؟؟