محدش يستغرب أنا بسئل عن الأسفلت العادى
يعنى بمعنى أصح لو حد عنده فيلا و عايز يعمل أسفلت فى المدخل لحد السلم هيتعامل مع مين ؟
يعنى هيروح يقول لمين أنا عايز أعمل أسفلت ؟ و المكونات مين هيجيبها ؟
و سعر المتر المربع هيتكلف فى حدود كام من تكلفة و أجور عمال ؟
تروحي لمقاول طرق واسفلت
وممكن تجيبى عناونيهم من الحي او المحافظة
ممكن تعملها بلاطة خرسانية ....بس مش عارف مين أرخص.......الأسفلت ولا البلاطة الخرسانية
اعتقد بتروحي الحي وتعملي طلب وييجي مهندس يعمل مقايسه علشان يحدد الامكانيه والكلام ده
بس ده اكيد هيواجه البيروقراطيه الرهيبه اللي احنا عايشينها
فالأفضل انك تعمليها بخامات تانيه وأكيد في خامات كتير أحسن من الاسفلت من ناحية الشكل حتى على الأقل
ممكن تستعيني بمهندس او مكتب هندسي يقولك على البدائل الموجوده وتختاري اللي يناسبك طبعاً
بالتوفيق ان شاء الله
ممكن تستعملي الانترلوك الي هوا البلاطه السداسيه الي بتكون في النوادي والمتر بيعمل حوالي 20 - 25 جنيه لو السمك بتاعها 6 سم ولو 8 سم يعمل حوالي 28 - 30 جنيه وميزته انه مش بيحتاج اسمنت ولا كلام من ده
في مقاولين للاسفلت ولو ممكن المكان والمساحه قد ايه واحاول اساعدك في الموضوع ده
وليه اصلا الاسفلت؟؟
فيه بدائل تانيه افضل وجماليه اكتر
بغض النظر عن التكلفة نصيحة إبعد عن الفئة دي من المقاولين بالذات
عشان هيسرقك هيسرقك لو مش معاك مهندس متخصص يستلم منه شغله
المتر بيقف عليك في حدود45-47ج سمك 6سم أسفلت وبيتومين، بس الأسعار دي من حوالي 6 شهور فمش عارف سعرهم كام دلوقتي
في حلول أفضل وأجمل غير الأسفلت خصوصا لو داخل ملكية خاصة زي ما اتفضل الأخ M.Osama بس عيبه بيسود من كاوتشات العربية مع الوقت
الأفضل من وجهة نظري خرسانة مطبوعة ودي أكتر استخدام ليها الأماكن العامة للمشاه
بس زي ما قولتلك دي ملكية خاصة وهتبقى شيك في رأيي وفي الأول والآخر المساحة أد إيه ومتقسمة ازاي
http://www4.0zz0.com/2012/06/28/22/913443260.jpg
http://www4.0zz0.com/2012/06/28/22/875277000.jpg
http://www4.0zz0.com/2012/06/28/22/884367907.jpg
بالظبط زي ما كل الاعضاء اتكلمو بالاضافة الي الصيانة وعلي المدي البعيد مش اوي
اكيد الاسفلت هيحتاج صيانة
خصوصا لو هو هيجي عليه ماء كتير نظرا لوجود حديقة للفيلا او لاي سبب هيتشقق ومش هيبقي حلو
اعتقد الخرسانة المطبوعة والانتر لوك يتفوقو في حاجات كتير من ناحية الشياكة خصوصا انها مدخل فيلا حتي لو جراج
ناحية العمر الافتراضي والصيانة
ناحية التكلفة اعتقد مش هتفرق كتير
بالعكس اعتقد ان الاسفلت اغلي
والله اعلم
ميرسى يا جماعة على الردود و فعلا الأشكال إلى حضراتكم وريتهوهالى أجمل بكتير من الأسفلت
و جارى التفكير فى الخطة إلى جاية إن شاء الله
احنا بردو بنفكر نعمل الشارع عندنا كده خصوصا انو مش مستوى وكمان احنا شارع جانبى والشارع الرئيسى اللى متفرعين منو متسفلت