تحذير من منصور أوبل جسر السويس

**Viper7** · 28-06-2012 10:39 AM

السادة الأفاضل/
أحب أقول لكم الموقف اللى حصل معايا علشان محدش يقع فى الفخ زيى

المهم من حوالى شهر لقيت تكييف عربيتى الأوبل فيكترا موديل 2007 واللى عاملة بس 6000 كم مش شغال كويس، رحت لتكنو ماستر قالولى انه فيه عيب فى الوحدة الخارجية ولازم الكومبريسور كله يتغير ووجهونى على منصور أوبل، وبالفعل رحت لمنصور أوبل جسر السويس وهناك كانت العصابة اللى استقبلتنى بأغرب سؤال "هل ممكن تبيع عربيتك على عيبها ده؟!!" قلتلهم أنا جاى أصلح مش أبيع ومعنديش أى نية للبيع، المهم كشفوا على العربية وقالوا ان فى عيب فى الوحدة الداخلية (مش الخارجية) وان الكومبريسور لازم يتغير بالكامل وانهم سيحاولوا انهم يجيبوا تخفيض من الشركة الام فى ألمانيا، فروحت البيت مستنى منهم الرد اللى جاه بعد اسبوع انه بالفعل قدروا يجيبوا التخفيض، المهم رحت وقال لى المهندس انه محتاج يغير سيور قلت له ماشى غير، وفوجئت بالخبر اللى نزل على كالصاعقة "يا باشا التكييف مطلعش فيه حاجة احنا شحناه فريون بس ولكن غيرنا كل السيور حتى سير الكاتينة والحساب 4600 جنيه"!!!!!!!!!!!!!!!!!

**أشرف فتحى** · 28-06-2012 10:47 AM

لا حول ولا قوه الا بالله...!!!

لا تعليق....!!!

**mohammedabdallh** · 28-06-2012 11:03 AM

نعم
4600 بس
كنت خلصت نفسك واديتهم 5000ج ومشيت
بهزر طبعا
وانت حضرتك مسالتش ليه قبل التركيب الحاجات دى هتتكلف كام ليه
وبعد التركيب
دفعت ولا قلتلهم شيلوا الى ركبتوه

**ahmed.zahra** · 28-06-2012 12:04 PM

ده نصب رسمي ياريت ماتسكتلهمش سيور ايه اللي ب 4600 جنيه روح هد الدنيا على دماغهم و اشتكيهم في جهاز حماية المستهلك أو خلليهم يعملولك فاتورة بأسعار قطع الغيار اللي اتغيرت و المصنعيات و روح منصور أوبل اللي في شارع الطيران و قارن الأسعار و شوف أصلا الحاجات دي اتغيرت و لا لأ

**mode_dode90** · 28-06-2012 12:11 PM

ياااااااااااااااااراجل حد يروح يعمل حاجة في منصور حرام عليك دا احنا بنغني بقالنا سنين بسبب الموضوع دا حرامييييييييييييييييييييي ييييييييييييييييييييييييي ييييييييييييييييييييييييي ييييييييييييييييييييييييي ييييييييييييييييييييييييي ييية
ممكن يشيل قطعه الغيار و يحطها تاني و يحسبك عليها و يقولك مفيش زيها في مصر
انا رحت اصلح الكمبروسر هههههههههههههههه
شاله و حطة و قالي دا جديد لولا اني معايا ميكانيكي دماغه جزمة قالي رقم الكمبروسر قبل ماروح ببص علي الرقم بعديها لقيتة هو رحت فضحت اللي خلفوهم و مسكت مدير الفرع نفختة و خدت فلوسي تاني بس انا كنت رايح مستبيع

**mode_dode90** · 28-06-2012 12:21 PM

بص انا نصحك بي ميكانيكي في صقر قريش اسمة محمد عبد الراضي
هما متخصصين اوبل و ناس محترمين جداااااااااااا و صنيعية جداااااااااااا
انا كنت بتعامل معاه بقالي 10 سنين تقريبا لحد مغيرت العربية و جيبت bmw
و لحد دلواتي بعدي اسهر معاه و اقعد معاه
و انا بقولك ولله لو اتعملت معاه مش هتسيبة بس كلمة احجز قبليها علشان زحمة موووت
انا كنت بروح اتخانق معاه و ادخل علي طول
دا رقمة 01003486261 محمد عبد الراضي ابل
او كلم اخوة هيثم :01226254039
قوله انا من طرف محمود الليثي اللي معاه الاوبل ال99 الكحلي

**amrelsaqqa** · 28-06-2012 12:23 PM

الرد على الموضوع ده كلمة واحدة بس
بس لو قلتها هتوقف

طيب كلام بجد ، مفيش حل لوقف المهزلة دى عموما مع منصور وغيره ..

**Viper7** · 28-06-2012 12:29 PM

المشاركة الأصلية كتبت بواسطة mode_dode90

بص انا نصحك بي ميكانيكي في صقر قريش اسمة محمد عبد الراضي
هما متخصصين اوبل و ناس محترمين جداااااااااااا و صنيعية جداااااااااااا
انا كنت بتعامل معاه بقالي 10 سنين تقريبا لحد مغيرت العربية و جيبت bmw
و لحد دلواتي بعدي اسهر معاه و اقعد معاه
و انا بقولك ولله لو اتعملت معاه مش هتسيبة بس كلمة احجز قبليها علشان زحمة موووت
انا كنت بروح اتخانق معاه و ادخل علي طول
دا رقمة 01003486261 محمد عبد الراضي ابل
او كلم اخوة هيثم :01226254039
قوله انا من طرف محمود الليثي اللي معاه الاوبل ال99 الكحلي

شكرا يا أستاذ محمود، أنا هكلموا انهردة ان شاء الله على الأقل أعرف اذا كانت السيور دى اتغيرت ولا متغيرتش