صباح الخير يا جماعه
باختصار شديد انا لسه مخلص تجاره عربى
وعايز اشتغل فى مجال البنوك
فايه الكورسات اللى اهل الخبره يرشحوها انى اخدها ممكن تفيدنى فالمجال دا وتعتبى الحد الادنى انى اتقدم بيه لمكان محترم
شكـــــــــــــــــــــــ ــــرا
عرض للطباعة
صباح الخير يا جماعه
باختصار شديد انا لسه مخلص تجاره عربى
وعايز اشتغل فى مجال البنوك
فايه الكورسات اللى اهل الخبره يرشحوها انى اخدها ممكن تفيدنى فالمجال دا وتعتبى الحد الادنى انى اتقدم بيه لمكان محترم
شكـــــــــــــــــــــــ ــــرا
اعتقد المكان الوحيد اللى بيدى كورسات بنوك ( المعهد المصرفى ) مدينة نصر خلف طيبة مول ممكن تسأل هناك
EBI Auxiliries
البداية لازم تكون لغة واحتراف اوفيس
وبعد كدة تدور على كورسات متخصصة فى المجال الى عايز تشتغل فية
خد لغة انجليزي و كومبيوتر و اعتقد انك اكيد اخدت اي سي دي ال اجباري في الكلية :)
و بعدين شد ع المعهد المصرفي فيه هناك كذا كورس زي اساسيات العمل المصرفي و غيره بس هتبقي غالية شوية الطالب بيكون مدعمة يعني زي اساسيات العمل المصرفي كانت في حدود 450 للطالب و بتنزل تدريب في بنك و 850 للخريج و بيتوفرلك فرصة للشغل
اولا شكرا جدا على سرعه الاستجابه
ثانيا انا معايا لغه انجليزيه و icdl وكنت نزلت مكتب تدريب فى مكتب ضرايب .. دا كله عملته قبل التخرج
ثالثا هل المعهد المصرفى دا كويس وبيفهم ..لانى مش عايز مجرد شهاده انا عايز افهم .. وهل معتمد برا مصر
رابعا واخيرا ايه بالظبط اللى ممكن اخده فالبنوك ..لان فى مسميات كتير فالكورسات فانا مش عارف ايه الانسب لمبتدىء زيى
شكرااا
المعهد المصرفى تابع للبنك المركزى و موظفين البنوك كمان بيخدوا الكورسات هناك
طب وفتره الدراسه بتكون قد ايه بقى وبعد ما بيشغلونى المرتبات ايه ظروفها
اصلى هتجنن واشتغل يا جدعان بجد
المعهد المصرفى ممتاز وتم إنشاؤه أساسا لتدريب موظفين البنوك وحاليا بيدرب أى حد عايز يتدرب بس ليه شروط معينة مش فاكرها أبحث على جوجل وادخل على موقعه وهتعرف حاجات كتير عنه والدورة بتاعته مكثفة وخبرا بيدربوك كلهم شغالين فى البنوك الحكومية وليه اختبار وممكن تصقط في الاختبار لو ما ذاكرتش كويس أنا ناوى أدخل إن شاء الله بعد ما أتخرج فرع المهندسين وفيه فرع تانى الأساسى فى مدينة نصر أنا رايح 4 تجارة إنجليزى إن شاء الله ومتهيقلى لازم تكون حاصل على تقدير جيد أٌقل حاجة وبتختار الدراسة بتاعتك عربى إو إنجليزى وهو معتمد بالنسبة للشغل فى البنوك المصرية لكن معتقدش إنك ممكن تروح تشتغل فى بنك فى أمريكا مثلا ههههههههههههه إلا بقى بعد ما تبقى حاجة كبيرة فى بنوك مصر ويبقى ليك إبداعات وإنجازاات
متستعجلش عالشغل عشان متلبسش مرتب تعبان , ظبط نفسك الاول بالكورسات وبعدين دور على شغل وانت مرتاح
ينفع لطلبة و لا خريجين بس ؟!
كلمة بنوك دي عامة أوي لأن مجال البنوك ده واسع..
شوف أنت حابب تدخل في أي جزء و على أساسه تختار الكورس..
الانجلش والاوفس دول اهم حااااااااااااااااااااجة
وبعد كده ادخل على cma وعيش
وخد ايميلات البنوك اللى فمصر وابعتلهم لانهم بيعينوا علطول سيلز اوت دور تجاره طول السنه
يا جماعه ايه موضوع اقل حاجه جيد دا عشان انا ناوى اروح بكره
تم الذهاب الى المعهد المصرفى بمدينه نصر (وياريتنى ما روحت)
اولا المكان اتغير بدلا من 16 ش عماد الدين كمال الى 22 أ شال الشيخ حاجه كده مش فاكره
المهم
طلعت لاقيته مكان شيك جدا جدا جدا سئلت واحد على الكورسا بتاع مبادىء التعاملات المصرفيه قالى روح لاستاذه (ع) فاخر مكتب
روحنالها لاقيتها فتحالى اليوم السابع وعماله تقلب فبقولها لو سمحتى ممكن اعرف ايه كورسات تجاره اللى هنا
بتقولى مفيش حاجه اسمها كورسات تجاره
انا فسرى (( يا حلااااوه )
يعنى مفيش كورسات بنوك؟؟
بتقولى في كورس واحد يمشى مع الكل اللى هو مبادىء .......
فبقولها طب ودا ايه ظروفه
بتقولى دا عباره عند خدمه عملاء + حاجه كده كمان ولا ليها علاقه بالبنوك بس مش فاكرها
طب ودا ايه ظروفه ؟؟
لو خريج وجيد هتعمل امتحان لغه ولو نجحت تيجى تدفع 250 ومدته اسبوعين على 100 ساعه وتجيب صوره بطاقه وصوره كارنيه كليه وصوره كارنيه نشاطات (اول مره فحياتى اشوف حد بيطلب كارنيه نوادى وكده) + صوره شهاده
لو مش جيد ارزع 1700 جند توتو على كبوتو ومفيش اختبارات ولا حاجه وهيبقى شهر 10 ساعه كمان
روحنا قايلين شكرا من هنا ولفت كملت عاليوم السابع من هنا
بس المكان بصراحه يا جماعه فيه شويه ........ ( زرع ) مووووووز يفتحو نفس الواحد على الدراسه :shyy:
المهم يا جماعه بقى انا بصراحه ما اقتنعتش ببرنامج الكورس دا خالص فسئلت واحد اعرف قالى فى مركز اسمه ipa او iba لسه معرفش قالى كورساته كلها جامده و فيه كل حاجه وفروعه منتشره بس عيبه انه غالى شويه .. فهل حد جربه قبل كده؟؟
سيبك من كورس البنوك ده لأن الصراحة ولا ليه أي لازمة..
خليك في أي حاجة متخصصة أنت عايزها, Finance, HR, Marketing, Audit...etc
متهيقلى كمان المعهد المصرفى بيدى دورات للطلبة
البلد دية بلد شهادات....بمعنى ستجد الاعلان للوظيفة في بنك أجنبي بيشترط خريج تجارة انجليزي ...و غالبا بيشترط جيد جدا او جيد.....اما البنوك الحكومية قد لا تشترط خريج تجارة انجليزي لكن ربما تشترط الاعلى تقديرا
لا اريد أن اسبب لك احباط ..........لأن في الاخر كل شيئ نصيب...........و ممكن تتعين في مكان افضل
لذلك أنصحك بأن تتميز و تختلف عن غيرك.......فهناك خريج تجارة انجليزي ...و خريج تجارة فرنسي
لماذا لا تتقن أنت الايطالية.........فربما تجد وظيفة تتطلب اتقانها فتكون أنت احد المنافسين
يقال ان البنوك التركية تسعى للعمل في مصر............لماذا لا تتعلم التركية
ارجو الا تأخذ نصيحتي بسخرية ......فكر فيها بتأني
و تمنياتي لك بالتوفيق
قبل الكورسات لازم واسطه يا صديقي
عموما خد اي سي دي ال و توفيل و سي ام ايه
من غير واسطة لا للفساد
يعنى انتو شايفين يا جماعه ان ال cma مناسب لواحد خريج ومش هيكون بدرى عليا ولا حاجه .. لانى سمعت ان دا بيحتاج كورسات قبله عشان اوصله... وهل فى حد خده ؟؟
يا جماعه حد جرب مركز iba ده ؟؟؟
دا اللينك الخاص بيه
http://www.ipaorg.com/
لو سمحتو يا جماعه اللى عنده فكره كويسه جدا عن مجال البنوك والكورسات المطلوبه فيه للمبتدئين يا ريت يرد لان الوقت بيمر ولا مجال لردود المجامله او الغير مجديه
مش ضروري خالص تاخد كورس عشان تتعلم أي حاجة في البنوك لأنك كده كده لو ليك نصيب و أشتغلت في بنك فالبنك هيدربك على كل حاجة تخص شغلانتك..
يبقى خليك في كورسات تنمي مهاراتك الشخصية بحث تتميز عن غيرك فيكون ليك فرصة أفضل, كمثال كورسات أنجليزي, كمبيوتر, soft skills و هكذا..
أو لو حابب بقى يبقى كورسات في مجالات متخصصة. و كمثال Finance, HR.. الخ..
يا باشا ماهو اكيد مش هروح اقدم لوظايف وانا معايا يا دوب انجليزى و icdl وكمان كورس hr
دا غييير انى متأكد ان النتيجه هتكون مقبول وصافى على احسن احتمال
انا حابب اكون متميز شويه وانا بقدم ال cv عشان يتبصله اثناء التقديمات وانا كمان بصراحه مبحبش الوساطه
بص, عشان أكون صريح معاك..
الطبيعي يعني لو مفيش واسطة فهي البنوك مبتقبلش تقدير جامعة لحديثي التخرج أقل من جيد, و في بعض الوظايف بتبقى جيد جداً كمان.
و عادي جداً على فكرة يكون معاك أنجليزي و icdl بس. بس بشرط يكون تقدير جيد عشان الـC.V يتبص عليه..
أنا مش عايز أحبطك.. فخلاص طالما أنت حابب تاخد كورس بنوك و شايف أنه هيزود فرصتك فتوكل على الله..
لكن رأيي الشخصي أنك تكمل دراستك في مجال متخصص زي اللي قلتلك عليهم, بحيث يكون فرصتك أكبر, إن ماكنش في بنك فيبقى في شركة كويسة..
والله يا باشا انا فعلا بندم انى مذاكرتش كويس فالكليه لانى حسيت بالتمن دلوقتى
عموما هنستنى يمكن حد يفيدنى ويقولى وان شاء الله منحتجش وسايط
لأ مفيش أي داعي لندم خلاص.. اللي حصل حصل..
و أنت لسة في بداية المشوار, و لازم تكون البداية صعبة شوية..
فمش لازم تحصر نفسك في مجال البنوك فتحبط لو مجالكش أو تزعل لما تجيلك فرصة في مجال تاني..
أقبل أي فرصة تجيلك في الفترة دي و حاول تستفيد على قدر الأمكان من أي مكان تتحط فيه..
كل ده هيأهلك توصل للشغلانة اللي أنت عايزها..
و أن شاء الله تجيب تقدير كويس و تلاقي الشغلانة اللي أنت عايزها..
بس على فكرة في أشغال في شركات بتبقى أحسن مليون مرة من أجدعها بنك, البنوك مش أملة أوي كده lol..