بالعربية .. من المنصورة إلـــى ....

**rafe3_dent** · 28-06-2012 11:04 AM

ياريت حد يوصفلي الطريق من المنصورة لشارع جامعة الدول العربية
انا عايز اروح مركز تعليمي هناك Score Training Center عنوانه شارع جامعة الدول اعلى مطعم اسماك قدورة

اوصله ازاي بالعربية ؟؟؟؟

**corsair** · 28-06-2012 01:08 PM

بص يا غالي هتاخد طريق المنصورة لحد اسكندرية القاهره الزراعي وهتمشي مسافة 50 كيلو تقريبا لحد ما تقابل طلعة الدائري وهتاخد اتجاه اسكندرية الصحراوي وهتمشي مسافة 15 كيلو لحد ما تقابل نزلة محور 25 هتفوت اول نزلة للمحور لان ده اتجاه اكتوبر وهتاخد تاني نزلة اللي هتنزلك علي اتجاه المهندسين

اول ما تنزل من علي الدائري هتاكمل مع الطريق لحد ما يقابلك كوبري هتطلعه طبعا لان مفيش غيره واول ما تطلعه تمسك اليمين علشان متنزلش من منتصف الكوبري وبعديه هيقابلك كوبري تاني متطلعوش تاخد من قابله يمين بقيت في شارع جامعة الدول

**rafe3_dent** · 28-06-2012 02:12 PM

الف شكر يا غالي :))

**MASERATI** · 28-06-2012 05:28 PM

السلام عليكم و رحمة الله و بركاته

الأخوة الأفاضل, و الله ماقصروا و وصفولك الطريق بالمللى.

بس نصيحة منى, لو تقدر تروح بالقطر المكيف لحد المؤسسة و تاخد المترو من المؤسسة لحاد المكان اللى أنت رايحه, يبقى أفضل من العربية بكتيييييييييييييييييير أوييييييييييييى, بدل ماتقفلك بتاع ساعتين فى قليوب فى عز النهار !!!!!!!!!

تروح و تيجى بالسلامة.