اجيب نوت ولا s3 محتااااار

ازيكم يا جماعة

بصوا انا محتاج موبيل يكون عبارة عن تاب صغير

اهم حاجة عندي النت و ملفات بي دي اف و جي بي اس كويس

دلوقتي النوت عامل 4200 من راية بالضمان وال s3 عامل 4500 من راية

ايه رايكم سبب الحيرة ان الاتنين قريبين جدا من السعر

وانا كده كده هجيبوا قسط :)) فمش هتفرق كتير

غير انا s3 احدث بمراحل من النوت خصوصا البروسيسور والايس كريم ودعمه تقريبا للاندرويد اللي بعد الايس كريم

بس في نفس الوقت النوت حاسس انه افضل في موضوع القرايه علشان شاشته وميزة القلم برضوا حلوة

على فكرة انا سمعت عن النوت 2 بس ده لسه هينزل في اكتوبر يعني على 2013 لما يشرف

ايه رايكم ؟؟؟؟؟؟؟؟؟ مع العلم اني مش بغير موبيل الا كل 3 او 4 سنين مثلا

رايي هات النوت متجرب و اظرف و اقيم صراحة

انا مضايقني كام حاجة في النوت

1- ان فيه سنة ديلاي بتلاحظها في الريفيوز لما بيجوا يتنقلوا بين الهوم سكرينز

2- ان فيه مشاكل كتير جدا مع الايس كريم ساندوتش من كلام ناس كتير

3- سعره قريب جداااا من ال s3 الاحدث منه

لو مكانك هختار إس ثرى شاشته كويسة وكبيرة برضه النوت دا تاب وشوف على النت فيه أسعار أقل من كدا شوف على مازاديو ومواقع البيع عن طريق الانترنت الأخرى لسعر أفضل

بص ى باشا لو عاوز تجيب دالوقتى هات جالاكسى اس 3
لو ينفع تستنى شويه هات نوت 2 هينزل فى شهر 9 القادم بشاشة 5.5 بوصة

اقتباس:

---

المشاركة الأصلية كتبت بواسطة mohaismail

بص ى باشا لو عاوز تجيب دالوقتى هات جالاكسى اس 3
لو ينفع تستنى شويه هات نوت 2 هينزل فى شهر 9 القادم بشاشة 5.5 بوصة

---

+111111

ال s3 اكيييد
كفاية الكواد كور !

بما انى مالك للجهازين( النوت والاس2 سابقا ) والاس3 حاليا ححاول افيدك على قد ما اقدر
بالنسبة للنوت
لو كل شغلك نت وقراية وشاشة كبيرة مميزة بس مش حتستخدم الموبيل فى عربية وانت سايق او مش حتضطر تستخدمة بايد واحدة يبقى النوت
لو مش همك سرعة النوت الاقل شوية عن الاس2 واقل كتير عن الاس3 فى التنقل والاستخدام العام للموبيل
يبقى النوت
لو موضوع حجم الجهاز ووزنة التقيـــــــــــل مقارنة بالاس2 وطبعا بالاس3 مش مهم بالنسبالك يبقى النوت

غير كدة جميع المميزات الى ممكن تتخيلها فى الاس3
علشان مطولش عليك
انا اول واحد كنت محتقر تصميم الاس3 (لما كان معايا النوت ) وزعلت جدا من التصميم وقلت اية القرف اللى هما عاملينة دة
لحد ما مسكت الموبيل فى ايدى ..................! الموضوع اختلف تماماااااااااااااا
الموبيل تصميمة مش حقدر اقول غير انة السهل الممتنع يعنى من الصور مش حلو فى الطبيعة وخصوصا الابيض بلون الزراير اللؤلؤى (الباك والسيتنيج) خرافى
الموبيل خفيــــــــــــــــــــــ ف وشيك جدا واللى يقولك بلاستيك يبقى ممسكوش
ضهر الجهاز من البلاستيك بس دة نفس ضهر الايفون 3G & 3gs من خامة وملمس وكل حاجة باعتبار انة عندى ايفون3g عاملة ايبود
ازاز الشاشة gorilla 2 تحسة انعم وبصراحة مش حابب احطلة سكرين بروتكتور لان احساس نعومة الزجاج فى اللمس حيتلاشى بالنسبالى :)
خلصنا من التصميم
نيجى للمميزات
كاميرا افضل من اللى فى النوت بكتيـــــــــــــر ودة راجع لحساس الكاميرا المستخدم فى الاس3 وللعلم هوة هوة نفس الحساس اللى موجود فى 4s والاكسبيريا s من صنع سونى وخاصية الزيرو شتر تحفة لانك مبتضيعش لقطة
الجهاز طيـــــــــــــــــــــــ ـــــــــــــــارة فى السرعة فى كل شىء حتى العيوب اللى موجودة اساسا فى سوفتوير الايس اللى حيتلافوها فى الجيلى بين الجديد وكانت مكتفة اداء اجهزة كتير
مش موجودة فى الاس3 ودة راجع للهاردوير العملاق من بروسيسور كواد موجود فية فما بالك لما ينزلة الجيلى بين كمان حيبقى عامل ازاى
النت فية ممتع جدا لانة لو فى شبكة كويسة او تغطية كويسة ويسلام لو مسطب جوجل كروم الصفحة على اتخن منتدى بتتحمل قبل ما ترمش :)
الجهاز يعتبر صفقةهايلة لواحد مش حيغير لمدة 3 او اربع سنين لانك مش حتحتاج اكتر من كدة
دة غير انة مدعوم جدا من سامسونج والتحديثات بتاعتة نازلة زى الرز
البطارية بتعد يوم واحد بالظبط او يمكن اقل كمان لو فاتح ال 3g وبتستخدمة طول الوقت نت ومكالمات
لو قافل ال 3g البطارية تعد يومين مستريــــــــــــح
فى كمان كام حركة كدة ف السوفتوير وتعديل للتاتش ويز او واجهة السامسونج خلوها اجمل والتنقل اسلس كتير من النوت او الاس2
انا شايف انك تجيب الاس3 وانت مغمض لان شاشتة مش صغيرة خالص 4.8 وحجمة كمان مش كبير زى النوت واى سؤال انا معاك

اه فعلا انا مش عاجبني خالص تصميم ال s3

واحبطت جدا لما شوفت ريفيو ل s voice ومستواه

Which is the best? Siri vs. S Voice vs. Speaktoit Assistant for Android - YouTube

غير ان ميزة القلم والنوتس اللي ممكن يتكتب بيها برضوا حاسسها ميزة جامدة

وكمان لو شفت ريفيو بيقارن بين النوت والاس ثري هتلقيك بتقول نوووووت " من حيث الحجم والتصميم والقلم "

مش عارف رايك ايه ؟؟

انا اللي خانقني من النوت موضوع مشاكل الايس كريم .... كان الكلام ان الايس كريم هيحسن الاداء جدا ومش هيبقى فيه مشاكل التاخير وكده بس للاسف النتيجة طلعت عكسية تماما :(

منا قلتلك لو بتهتم بالسرعة فى استخدام الجهاز وبتتخنق من الاج والديلاي اللي ممكن يحصلوا يبقى الاس3 طبعااااا

القلم ممتاز بس انا مستخدمتوش الا علشان اكتب طلبات البيت وانا نازل :)

تصميم الاس3 مش سىء خالص انا كنت ناوى على الوان اكس بسبب التصميم
مش عارف لية لما مسكت الاتنين وخصوصا الاس3 بايدى ارحت معاة اكتر وشكلة اتغير فى عينى فعلا فى الحقيقة ودة قبل ما اشترية مش بعد هى عموما ازواق بس التصميم مريـــــــــح

ال S VOICE متحكمش عليها دى لسة beta ثم ان جوجل حتقوم بالواجب وزيادة فى الموضوع دة فمش حتحتاج لا s voice ولا دياولوا

طيب ربنا يسهل انا محتاج فعلا اشوفه على الطبيعة واحكم عليه صح

ياريت لو سمعت انهم بيعملولوا ماركتنج في اي حته تقولي علشان اروح اجرب :)

صحيح ميدو باشا هو ال s3 نازله برامج خاصة بالقلم .... لان انا شفت ان ليه قلم c pen

http://lghttp.12364.nexcesscdn.net/8...-s3_01_1_2.jpg

وياريت لو تعرف سعر القلم هنا :))

ولو عندك فكرة هل هيبقى بنفس دقة النوت ولا موضوع فاشل

القلم حتلاقية فى التوكيل لما ينزلة اكسسوارات لان على حد علمى ملوش اى اكسيسورى لية نزل دلوقتى بس هى مسالة وقت مش اكتر وحيبقى بنفس دقة قلم النوت لان تقريبا التكنيك واحد حتى برنامج ال spen موجود فى الاس3 وموضوع ال show room دة معرفوش اصل الجهازمش مستاهل بصراحة دول مش ملاحقين على الحجوزات
هوة انا شفتة فى مول العرب فى محل هناك كان فاتح واحد وشغال علية

Siri vs. Google Search (Jelly Bean) - YouTube

دة ردى بخصوص انك مش حتحتاج ال svoice لان جوجل مش ساكتة :)

أنا داخل فـال نص كده عندي سؤال أنا معايا النوت فـمش حقدر اقارن أو بس كان ليَّ استفسار كده أنا أصلا مش عارف أعمل Update lel software علشان يبقى Icecreamsandwich فـ لعيب كده فـإيه وكمان عندي البطارية حاسسها فيها عييب وأنا جايب الموبيل من الامارات فـ لو حد عنده إجابة ابقى شاكر لكم وهو معايا باله داخل على شهر أهو فـأي نصايح يبقى زي الفل

خللى بالك ال s3 تمنه 4300 فى التميمى وفكل مكان دلوقتى
والنوت 3350 برضوا فكل مكان يعنى الفرق 950 جنيه فده فرق مهول
مش الاسعار اللى انت كاتبها خالص وابعد عن رايه وموبايل شوب لانهم قمة النصب
انا كان معايا النوت وكان بصراحة هاااااايل
بس اتخنقت من حجمه وبعته بعدها بأسبوع

النوت عندي بعد ما نزل التحديث الرسمي للآيسكريم سندويتش غيرات رأيي اني ابدله بالاس3

الاس 3 فيه الشريحة مايكرو ما تقدرش تحطها وتشيلها وتبدلها من موبيل لآخر .

الإس 3 فيه ليد التنبيهات الرائع اللي مخليني منجذب بشدة له .

النوت شاشة اكبر يطارية اقوى سرعة رهيبة في التقاط الجي بي اس قوة إشارة الشبكة عجيبة في اماكن يعجر الموبايلات العادية عن التقاط شبكه فيها ... الله اعلم الحال ايه بالنسبة للاس 3

اقتباس:

---

المشاركة الأصلية كتبت بواسطة mido_soliman

siri vs. Google search (jelly bean) - youtube

دة ردى بخصوص انك مش حتحتاج ال svoice لان جوجل مش ساكتة :)

---

لا كده بصراحة رائع .... بس ازاي نزل الجيلي بين ؟؟؟؟؟؟؟؟؟؟

لسة منزلش رسمي حينزل كمان اسبوعين للنيكسس اس وبعدها لباقي الاجهزة وان كنت حتلاقية مطبوخ قبل النسخ الرسميه

samsung = every 6 month new phone makes u feel old buy whatever suits u not what they announce , ..., note is great as an option