عاوز اعمل تجليد للعربيه

**tejani** · 28-06-2012 03:20 PM

كنت عاوز اعمل تجليد كامل للعربيه سواء شفاف او بنفس لون العربيه لان العربيه مبقلهاش معايا 5 شهور وخدتلها كام خربوش محترمين بس عاوز حد محترف في التركيب ونوعيه نظيفه وسعر يكون حنين وشكرا
ارجو الافاده

**mado83** · 28-06-2012 03:27 PM

التجليد هيكلفك حوالى 900ج لو تجليد نمره واحد طب وعلى ايه خليها كده ولو لاقدر الله الحكات زادت ابقه اديها وش نظافه
وطبعا كل واحد ليه حريه الاختيار ولكن ده رايى لو عربيتى هعمل معاها كده

**tejani** · 28-06-2012 03:30 PM

طيب ده عند مين مفيش تفاصيل اكتر من كده

**mado83** · 28-06-2012 03:35 PM

المشاركة الأصلية كتبت بواسطة tejani

طيب ده عند مين مفيش تفاصيل اكتر من كده

عند بتوع الاكسسوار
فى واحد فى شبرا اسمه الزغل

**atala** · 28-06-2012 08:47 PM

انا عندي استفسار بخصوص التجليد بعد ما الزقه والواحد يمشي في الحر ده وبعدين افكر اشيله بعد الصيف مثلا لأي سبب هل بيبوظ بوية العربية والسبب في سؤالي ان دايما لما الشركة بتاعتنا كانت بتجيب عربيات جديدة كانو ا بيطلبوا منا اننا نشيل البلاستك الابيض الي بيبقي علي الكبوت والشنطة والسقف قبل الصيف علشان ميجرحش بوية العربيه لو قعد في الصيف وفكرنا نشيله بعدها

**m7med_dola** · 11-07-2012 03:18 AM

انا اعرف انو اساسا بيفك مع السخنية والغسيل و كده طبعا الاطراف و موضوع البويا ده مش متاكد منو الصراحة

**mtradwan** · 17-07-2012 12:34 PM

لا اعتقد انه بيسيب اثر فى العربية ,,, تقريبا الموضوع كله خاص بفرق اللون لوسيبته البلاستيك الابيض على العربية فترة طويلة هيبقى فى فرق لون بينه وبين اللى كان معلهوش البلاستيك ابيض ... والله اعلم