تقرير عن ونش الفرسان

**amrelsaqqa** · 28-06-2012 04:51 PM

المشاركة الأصلية كتبت بواسطة eng.geo

انت كلامك صح طبعا
بس المشكلة انه مايعرفش الطرق أساسا !

لو ما يعرفش الطرق يبقى استهبال طبعا و استهتار لابعد مدى
اصل ده مش واحد بيسوق عربيته الملاكى ورايح مشوار لنفسه وهيتعلم ويسأل براحته !
ده المفروض انه رايح يساعد وينقذ ناس وبأقصى سرعة ، مش الناس اللى هتساعده
..

كل حاجة في البلد بقت ماشية بالعكس
يا اخى هقولك مثال لسة حاصل من ساعة

التلاجة عندنا في البيت باظت ، وكل شوية حد ييجى من التوكيل وغير التوكيل يقول افتكاسة شكل ، مرة يقول خرطوم مسدود ومرة التايمر ومرة يقول المروحة ومرة مش عارف ايه . .، المهم انا حطيت الموضوع في دماغى وفكيت انا التلاجة وفكيت التايمر وعرفت بيشتغل ازاى وفكيته حتت وركبته تانى وجربته برة لوحده واتأكدت انه سليم
وطلع المشكلة في سخان جنب المروحة مش شغال فبيخلي التلاجة تعمل تلج وتقفل الهوا والاكل ما يتجمدش

جه البشمهندس الكبير من توكيل جولدى وشكله اساسا اول مرة يفك تلاجة ، وبقيت عمال اقول له المروحة بتتفك ازاى والتلاجة بتتقفل ازاى !!

**Karim_Monir** · 28-06-2012 05:09 PM

التجربة هانقلها لمحمد خاطر طبعا صاحب الشركة
بس حوار انه لازم يمشي في طرق معينة ده صحيح
ولو اتقفش من المرور بيصادرو العربية وتقعدلها كام شهر محجوزة
الشاي ده بقي حاجة كدة اجباري وما تستغربش من 30 الى 50
شكلك مانقلتش بونش قبل كدة انا طلع عين اهلي في الحوارات دي
لو اديتها 30 ده كدة بتشتمه

حوار انه مايعرفش الطرق ده مايتسكتش عليه وهابلغ بيه محمد طبعا
ولو العربية احدث مش هايرضي ينزلك جنية وهايخد تمنها منك فانا بعتربها صفقة عادلة انا مش هاشتري عربيته دي نقلة واخلص المهم سعر كويس وتشوين كويس وده الاهم
لانه ممكن يكدرك في حاجة في عربيتك بالف ولا الفين ومش هاتعرف تاخد منه حاجة
حمد على سلامة العربية وهابلغة التفاصيل قريب
تحياتي

**khalid_adel** · 28-06-2012 05:22 PM

احمد ربنا انه مبوظش حاجه في العربيه
انا مره العربيه عطلت بيا في المقطم لقيت ونش معدي بالصدفه وقفته واتفقت على السعر وكله المهم لما طلع العربيه على الونش ربط العربية بجنزير من وصلات في العفشه اللي ورا (كان فاكرها دنجل) وهيا عفشة مالتي لينك المهم جيت احرك العربيه لقيت العجلة اتعوجت لجوا وحالتها بقت زي الزقت
حمد لله على سلامتك . انت صحيح ايه اللي حصل في الموتور وهل الزيت كان له علاقه بالموضوع (انا كنت لسه بسألك على موضوع الزيت من كام يوم )

**Eng.Geo** · 28-06-2012 05:28 PM

المشاركة الأصلية كتبت بواسطة khalid_adel

احمد ربنا انه مبوظش حاجه في العربيه
انا مره العربيه عطلت بيا في المقطم لقيت ونش معدي بالصدفه وقفته واتفقت على السعر وكله المهم لما طلع العربيه على الونش ربط العربية بجنزير من وصلات في العفشه اللي ورا (كان فاكرها دنجل) وهيا عفشة مالتي لينك المهم جيت احرك العربيه لقيت العجلة اتعوجت لجوا وحالتها بقت زي الزقت
حمد لله على سلامتك . انت صحيح ايه اللي حصل في الموتور وهل الزيت كان له علاقه بالموضوع (انا كنت لسه بسألك على موضوع الزيت من كام يوم )

ايه التخلف ده !
هما بيربطوا في أي حاجة كدة !!!
المشكلة عندي مش الزيت خالص
طلمبة المية قفشت ( عندي علي سير الكاتينة ) فجابت صبابات ... ده مبدئيا

**khalid_adel** · 28-06-2012 05:52 PM

ان شاء الله تتحل على خير

**Amr Axel** · 28-06-2012 06:11 PM

صباح الفل من اولها كده و شكرا للتقرير يا جو
و ع ايه انا أجيب عربية ربع نقل تبعي و مش هتاخد اكتر من 100-150 او اي واحد صاحبي و نقطرها و خلصت الليلة
المفروض الكلام يوصل لصاحب الشركة لأن سواق بالشكل ده هيعمل سمعة سيئة للشركة يعني مش عارف الطرق مينفعش ابدا ده المفروض يكون حافظ كل رصيف في الشارع
و ايه حكاية شاي و مرسيكوا عليها من أولها اومال انا بكلم شركة ليه مش عشان اريح دماغي و لا عشان أقعد اهاتي و خد و اشرب شاي و اشرب قهوة لغاية ما اخليه يشرب في سنانه زي مقولت كان احسنلي الجأ لحل من اللي قولتهم

**Amr Axel** · 28-06-2012 06:18 PM

المشاركة الأصلية كتبت بواسطة karim_monir

التجربة هانقلها لمحمد خاطر طبعا صاحب الشركة
بس حوار انه لازم يمشي في طرق معينة ده صحيح
ولو اتقفش من المرور بيصادرو العربية وتقعدلها كام شهر محجوزة
الشاي ده بقي حاجة كدة اجباري وما تستغربش من 30 الى 50
شكلك مانقلتش بونش قبل كدة انا طلع عين اهلي في الحوارات دي
لو اديتها 30 ده كدة بتشتمه

حوار انه مايعرفش الطرق ده مايتسكتش عليه وهابلغ بيه محمد طبعا
ولو العربية احدث مش هايرضي ينزلك جنية وهايخد تمنها منك فانا بعتربها صفقة عادلة انا مش هاشتري عربيته دي نقلة واخلص المهم سعر كويس وتشوين كويس وده الاهم
لانه ممكن يكدرك في حاجة في عربيتك بالف ولا الفين ومش هاتعرف تاخد منه حاجة
حمد على سلامة العربية وهابلغة التفاصيل قريب
تحياتي

معلش يا أ \ كريم اسمحلي اخالفك في النقطة
يعني ايه اجباري و يرسيني ع الحوار من أول ما أركب اومال انا بكلم شركة ليه ؟؟ عشان يجي واحد برده ينطلي يقولي شاي ده انا اديله شاي في اسنانه انا بتصل عشان اريح دماغي من القصة ديه ليك رسوم نقل اتفضل الرسوم و هات الوصل و سلام عليكم اه ممكن اراعيك و اطلع حاجة من نفسي مش انت اللي تقولي
ما كان أسهلي اشوف اي ربع نقل في الشارع او اكلم اي صديق و نقطرها و اريح دماغي من وجع الدماغ ده
للأسف الناس مش هتبطل شغل الفزلكة و يعملي فيها حدق

-

-

-

الموضوع: تقرير عن ونش الفرسان

LinkBack

أدوات الموضوع

عرض

-

-

-

-

-

-

المواضيع المتشابهه

التقرير التاني عن ونش الفرسان

كمبوند الفرسان فى المعادى

مقابلة الفرسان الي وحشنى اوى

يا كل الفرسان..عيد سعيد

الاخوة الفرسان

الكلمات الدلالية لهذا الموضوع

المفضلات

المفضلات

ضوابط المشاركة