تغيير لمبات الفوانيس الخلفية ولمبة الاستوب داخل ا لسيارة
عندى الفانوس اليمين ورا النور العالى فيه مش بينور فجربت افكه فتحت شنطة العربية فيه غطاء بلاستيك بتلف قطعة فيه وبتفتحه هتلاقى الغطاء دا :
http://img411.imageshack.us/img411/2...c01162n.th.jpg
فيه 3 مسامير بلاستيك فكيتهم بإيدى التالت فوق مش باين
http://img208.imageshack.us/img208/2...c01161z.th.jpg
بعد كدا الفانوس بيطلع بسهولة بس فيه الفيشة بتاعته لونها أسود كدا فيها حتة من تحت بندوس عليها ونشدها لبرا هتطلع من مكانها وبكدا اتحرر الفانوس وبقى فى إيدينا لقيت كمية تراب تحتيه مش بطالة
http://img3.imageshack.us/img3/7355/dsc01156go.th.jpg
زى ما فى الصورة كدا المنطقة المتحددة فيها حتة بلاستيك بنضغط عليها لتحت عشان نطلع اللوحة اللى فيها اللمبات
http://img841.imageshack.us/img841/8...01157sg.th.jpg
دى اللوحة طلعت بسهولة تلف اللمبة اللى عايز تغيرها وتشدها لفوق هتطلع بسهولة المشكلة إنى اكتشفت ان اللمبة مش محروقة !! وان كل اللمبات سليمة بعد ما فكيت الفانوس الأيسر وبدلت اللمبات كمان عشان أتأكد
وبعد كدا فكيت اللمبة اللى ورا الزجاج الخلفى بتاع الستوب فيه زرارين ضغطت عليهم لتحت وشديت سنة بسيطة عليها وبعد كدا رفعت طلعت بسهولة وبعد كدا لقيت اللمبة طلعتها برضه وبرضه سليمة !!
http://img403.imageshack.us/img403/3...c01174q.th.jpg
ودى صورة المكان اللى بندوس عليه عشان نخلعها ودى صورة اللمبة
http://img543.imageshack.us/img543/62/dsc01155n.th.jpg
سليمة وكله تمام رحت بعد كدا على علبة الفيوزات اللى اكتشفتها بالصدفة قبل كدا وأنا بلعب فى العربية تحت الدريكسيون نفتح الباب ونلاقى مكان فى التابلوه ع الجمب حطيت فيه صباعى وسحبتها برفق عليا طلعبت بسهولة الغطاء بتاعها فيه شوية فيوزات بديلة وفيه حتة بلاستيك عشان نمسك بيها الفيوز من علبة الفيوزات اللى هى فوق الغطاء تبص من تحت هتلاقيها فوق الغطاء ومكتوب طبعا على الغطاء كل فيوز والأمبير بتاعه وخاص بإيه حتى أنا لاحظت إن فيه فيوز خاص بالكراسى وتسخينها وطبعا الأوبشن دا مش موجود فى عربيتى
http://img715.imageshack.us/img715/4...01165da.th.jpg
http://img687.imageshack.us/img687/4...01167bf.th.jpg
http://img687.imageshack.us/img687/3238/lakj.th.jpg
بس بصراحة معرفتش أحدد العطل لأن عارف إن فيه فيوزات تانى فى البطارية وجمبها فيه علبة معرفتش أفكها ليها مفك خالص نجمة ولاحظت حاجة الفانوس الخلفى اليمين رايح ليه 5 سلوك فقط اما الفانوس الخلفى شمال رايح ليه 6 سلوك وللعلم الفيشة بتاع الفانوس اليمين الخلفى فيها مكان للسلك السادس والملاحظة التانية اكتشفت إن الفانوسين الشمال اللى انا فاكره شغال مية مية ان فيه لمبة برضه مش شغالة كل فانوس فيه 4 لمبات لمبة الإشارة ولمبة الفرامل العادية ولمبة النور العالى واللمبة الرابعة مش بتنور خالص ! فى كل الفانوسين أما الفانوس اليمين بينور فيه لمبة الإشارة ولمبة الفرامل بس أما النور العالى لا وبرضه الفانوس الشمال الأمامى اللمبة الصغيرة قوى مش بتنور هل الفيوزات اللى عند التابلوه هى الوحيدة الخاصة بالإضاءة لو كان كدا هشوف أنهى فيهم وأغيره ولا فيه فيوزات تانى ممكن تأثر ؟؟