زيت الفتيس نازل فى رايش

**ahmed_m_h** · 28-06-2012 07:23 PM

الحمدالله اشتريت عربية هوندا سيتى ٢٠٠٤ اوتوماتيك من حوالى ٤شهور للاسف اضحك عليا فيها (حسبى الله و نعم الوكيل) المهم روحت اعمل فيها صيانة عند ميكانيكى شغال فى التوكيل و قالى زيت الفتيس لازم يتغير لانة ريحتة زيت محروق المهم لما بدء يغير قالى الزيت نازل برايش و لازم افتح علشان اشوف و قعد يسئل بينتش معاك اللمبة بتنور و انا قولت لا المهم غير زيت بس بناء على رغبتى و مفيش اسبوع و العربية جابت فتيس (الحمدالله) عرفت بعدين ان لازم تغيير الزيت كل ٤٠٠٠٠ كم و لو حصل و اتاخرت فى التغيير و لقيت الفتيس نازل برايش لا قدر الله لازم يتفتح الفتيس و يتفحص كويس الحزام و السيور لان تغيير الزيت فقط هيبوظ الفتيس بالكامل و ربنا لا يقدر

**M_Nabil** · 28-06-2012 07:55 PM

قدر الله وما شاء فعل و ربنا يعوض عليك بس فعلاً لما زيت الفتيس يكون في رايش ويتم تغيرة الفتيس بيبوظ

كمان يفضل تغير زيت الفتيس كل 30 ألف كم

المهم أنت صلحت الفتيس اللى معاك ولا اشتريت واحد استيراد؟

**ahmed_m_h** · 28-06-2012 08:53 PM

اشتريت واحد استيراد و جربتة امبارح و الحمدالله اشتغل كويس

**me_medoo** · 28-06-2012 11:17 PM

شكراً على النصيحة يابوحميد وألف لا بأس على عربيتك ... ولا تحزن ومتزعلش نفسك ... وانشاء الله تكون أخر الاحزان ... وتتمنتع بأداء عربيتك ... وربنا يباركلك فيها يارب ويكفيك شر الطريق
@@@@@@

وتحياتي

**makmak_10** · 29-06-2012 12:45 AM

قدر الله و ما شاء فعل..[س للعلم..العربيه دي اصل نازله بعيب في الفتيس و ده معروف جدا في الموديل ده..
المهم خد بالك بقي من ازيت و بلاش حرق كتير عشان العربيه دي حساسه شويه عن باقيت الموديلات..
و ربنا يباركلك فيها ان شاء الله...

**ahmed_m_h** · 29-06-2012 02:07 AM

شكرا على مرروركم يا جماعة و الحمدالله

**حماده المصري** · 29-06-2012 06:39 AM

متهيالي الفتيس بتاعها مش بينقل الي هو سي في تي ليه زيت مخصوص

اي زيت فتيس بيقعد مدته بينزل فيه رايش بسيط جدا بيبقى ف الكارتيره وفيها مغناطيس بيسحب الارايش

متزعلش ياباشا نص عربيات مصر جايبه فتيس