الموضوع: مصنعية العفشجي عشان تسقيط العربية كويسة كده ؟

السلام عليكم يا رجالة

أنا ناوي بإذن الله إني اسقط عربيتي هي بيجو 405 و عيب العربية دي إن عفشتها ورا على عمدان عزم (Torsion Bar ) يعني مفيهاش سوست ورا ... واللي عرفته إن عواميد العزم دي ممكن الواحد يتحكم عن طريقها في ارتفاع العربية من ورا زي مهوا عايز بس الفكرة إني دورت عالنت عالطريقة إزاي و طلعت قصة كده ...

فأنا دورت على عفشجي يكون فاهم إزاي يسقط العربية دي من ورا عشان مش أي واحد بيبقى فاهم عفشتها اللي ورا دي ... و قدام هاجيب سوست سبور بإذن الله ...

العفشجي قال لي مصنعية الليلة دي بتاعت تغيير السوست قدام و تظبيط عمدان العزم دي حتتكلف 200 أو 250 جنيه عشان موضوع تظبيط العربية من ورا ده قصة و بتاخد وقت

فهل حد يعرف مثلا المصنعية دي كده كويسة ولا إيه ؟ و لو حد يعرف عفشجي ليه في الموضوع ده كويس يقولي

و ألف شكر مقدما