بسم الله الرحمن الرحيم
شباب تويوتا تحياتي وأشواقي ... أنتهت أيام الامتحانات ومرة على خيـر وسلامة ... وقرب مننا رمضان ... ولا لحقنا رحنا ولا جينا ولا عملنا حاجة ولا أتفسحنا ... وغمض عين وفتح عيـن هتلاقي الترم التاني بدء ودخلنا في معمعت الدراسة .

لذلك قام مننا شباب عاهدوا الله ... على الترفيه عن النفـس ... وعلى أسعاد الاخــــرين بتنظيم رحلة رائــــــعة الى مدينة بلطين السياحية ... وهيأجرو شالية هناك ... ويقوم واحد من الشباب بشراء أحتياجات الرحلة ... وأحنا لمن نروح هنحاسبو ... هتبقى تكلفة الرحلة من أول 50 جنيه لغايت 70 جنيه كحد أقصى وكلما زاد عدد الشباب ... كلما قلت التكاليف .. في كمان كام شاب من الي نفسهم حلو في الاكل هيقوم مشكور ومتبرعاً بالطبخ ... علشان نبعد عن المطاعم لأن أقل وجبه في المطعم ب 27 جنيه وشوف كام وجبه انتا عاوز تاكولها ... الرحلة بيات يوم واحد هناك وهتكون ظهر يوم الجمعة وتنتهي في ظهر يوم السبت ...

هتقولي اصلي معرفش حد هناك ... وهيقولولي بتشتغل ايه ومش عارف ايه وفي سنة كام ... هقولك متخفش مفيش حد عارف حد ولا حد هيسئلك اللهم انتا بتعرف الناس من كتابتهم هنا في المنتدى ... هتقولي اصل هيصوروني بالمايوة وينزلوها على النيت وعضلاتي هتبان وتبقى فضيحة ... هقولك برضوو متخفش ... مفيش تصوير عاوز تجيب كميرتك وتصور نفسك وعضلاتك هههههههههه ابقى صور عادي ... والله حليم ستار ههههههههههه ... هتقولي هدفع كام ومش عارف ايه الاخ احمد فارما كتر خيروا حسبها بالقلم والمسطرة وطلع تكاليف كحد أقصى 70 جنيه وهتقل أن قل العدد ...
لاتنسـى أهم حاجة المايوة


@@@@@@@

2 -الفــــــــــــوطـة بتاعتك فوطة وحدة بس
مش هنعمل حفلة


@@@@@@@@

قبل يوم الجمعة 6-7-2012 أنشاء الله الاسبوع الي جي مباشرةً هنتفق هنتقابل فين
بس الاهـم الي هيقول جي ... ياريت ياجماعه نكون واثقين
ده يوم لا هيقدم ولا هيأخر في حياتنا بالعكـس هننبسط
بس علشان الراجل ميعملش حسابو على الاكل وبعدين محدش يجي ... وتبقى كسفـه ... يوم بيات هناك ونزول البحر مرتين وشوية وطبخ ... وجلست ســـــــــــــمــــر
وعلى حسب كلاموا المدينة رايقه هناك على الاخـر

@@@@@@@@@@@

بعض المقتطفات من بلطيم وشاطئ بلطيم





الشالية قريب من البحـر












@@@@@@@@@@

وأدي صورة الفــــرخــــة بتاعتك لو وافقت



فبادر بحجز فرختك من الأن
فمبدئياً مين قال انا جيييييييييييييييييييييي

يوم من حياتك تجمع فيه أحلى الذكريات
وتتعرف على شباب زيهم زيك ... شباب زي الورد
لا يعرفون بعض ... ولكن جمعهم حب وهواية السيارات
http://www.nilemotors.net/Nile/296753-a.html
@@@@@@@@

وتحياتي