السلام عليكم
.
مش عارف ليه ياشباب
بحس إني مختلف عن الناس .. بس بشكل مبالغ فيه
طبعا فيه خلافات بين الأفراد
لكن المشكلة
غني مش قادر أتأقلم مع الدماغات إلي حواليا
وقريت مرة إن عدم القدرة على التأقلم مع المجتمع المحيط....ده مرض نفسي
وليكن
مريض نفسي .. مريض نفسي
المهم بقا
خلاصة الموضوع
مش قادر أفهم
ليه الإصرار المبالغ فيه من 99.999999% من البشر على الروتينية الصرفة
يعني لازم تعمل زي الناس مابتعمل
وإلا تكون مختلف..ومختلف معناها إنك مش طبيعي .. ومش طبيعي يعني دماغك فيها حاجة..ودماغك فيها حاجة يعني بتعمل حاجات تانية...... وتلاقي 100 إسطورة حواليك
مثلا
مابقاش يعدي إسبوع عليا
غير لما أي حد أعرفه..أو حتى ماعرفوش
يفتح معايا موضوع الجواز..ويتكلم بإستفاضة وكأنه أعلم أهل الأرض بفوايد الجواز
لدرجة الملل الموضوع بيتكرر
من البيت ..أهي دي مقبولة
لكن من ناس أعرفها .. وناس ماعرفهاش .. وناس من زباين الصيدلية
والميكانيكي
والعفشجي
نفس السؤال" إتجوزت ولا لسه يادكتور ؟"
أقوله لسه
يفتحولي الموضوع بقا... والجواز عفة .. ولما تبص لإبنك دي عندك بالدنيا bla bla bla blaaaa
السخيف بقا النهاردة
عامل خرسانة إسمه مجدي
كان شغال بالصدفة جمب الصيدلية
لقيته داخل يرغي معايا
مجدي ده ..زماااااااااااااااااااااا اااااااااان من ييجي 15 سنة .. لما كنت أنزل البلد اجازة
كان ساكن جمب بيت عمي..وكنا بنلعب سوا
ولكم تتخيلو عقلية فلاح شغال في الخرسانة .. وماكملش بعد 5 ابتدائي
يرغي
يرغي
الجواز ... وسنين الجواز إلخ
مشي شوية .. روحت أنا فاكك من الصيدلية قبل مايرجع يرغي تاني
وروحت البيت أتشطف وأتغدى
رجع .. كانت البنت لوحدها
بيقولها
"" هو الدكتور مش عاوز يتجوز ليه ؟؟""
"" يعني إنتي قاعدة معاه طول النهار.. مش عارفة تلفي عليه وتخليه يتجوزك ""
عبوهوم كلهم
أديها سابت الشغل
ولاحول ولاقوة إلا بالله
===
انا زي ماقلت
المخروبة معروضة للبيع
أول ماخلص منها
هسيب ام الأرياف دي
اوووووووووووووووووووووووو وووووف