مشكله سخونة العجل

**koko0100844486** · 28-06-2012 10:26 PM

يا جماعه العجل الامامى بيسخن مع اى مشوار والورانى لأ والعربية تقيله على الاولانى والتانى وحاسس انها مخنوقه ومش زى الاول رحت للميكانيكى فك العجل وقلى خلاص انا ظبطهم ومفهمش حاجة وغيرت تيل بالمره علشان كان بايظ وربط العجل وروحت البيت دلوقت نفس المشكله سخونة فى العجل الامامى فقط وتقل العربية على الغيارات الاولى ده يبقى ايه

**sakr_skoda** · 28-06-2012 10:34 PM

وصلت حمد الله على السلامة انا رئى قولته هولك ودى عن تجربه شخصية فى عربيتى ولاكن ننتظر اراء الزملاء وانشاء الله حنخليك تصلح عربيتك بنفسك....

**sakr_skoda** · 28-06-2012 11:18 PM

المشاركة الأصلية كتبت بواسطة land_cruiser

جرب تحط نيتروجين بدل الهواء

ايه علاقة النيتروجين بالموضوع؟؟؟؟؟؟؟؟؟!!!!!!!!!!!!!!!! !!

**mshmshm3** · 29-06-2012 12:05 AM

المشاركة الأصلية كتبت بواسطة me_medoo

باشا انا عاوزك ترفع العربية بالكوريك ... ولف العجلة اقدماني لو لقيتو تقيل يبقى يا محتاج يتشحم رمان البلي ... يا التيل قافش على الطنابير والله أعلم ... ويارب تنحل المشكلة بأقل التكاليف واقل الخسائر ... وإن شاء الله بسيطة إن شاء الله ...

+11111111111

**aboomar22** · 29-06-2012 12:38 AM

بس ياباشا هى عجلة واحدة اللى بتسخن ولا الاتنين لو عجلة واحدة اما بلى عجل تالف او خرطوم زيت الباكم مسدود او ماستر فرامل العجل تالف بيقفل ومبيفتحش تانى لو العجلتين مع بعض يبقى ماستر الفرامل العمومى

**kaza** · 29-06-2012 12:42 AM

[QUOTE=me_medoo;3874404578] باشا انا عاوزك ترفع العربية بالكوريك ... ولف العجلة اقدماني لو لقيتو تقيل يبقى يا محتاج يتشحم رمان البلي ... يا التيل قافش على الطنابير والله أعلم ... ويارب تنحل المشكلة بأقل التكاليف واقل الخسائر ... وإن شاء الله بسيطة إن شاء الله ... [/QUOTE

الحاقا للكلام الجميل دة وانت رافع العربية وبتحاول تلف العجل الامامي والفرامل مش قافشة يبقي الميكانيكي كان عمل شغل كبالن سابق وربط علي بلي العجل جامد لدرجة انه مخلاش خلوص للبلي علشان يسهل الحركة وبالتالي شيك علي عزم رباط صامولة الكوبلن اما لو كان سليم بص علي التيل لو قافش خد هواء من الفرامل الامامية وشوف لو استمر قفش العجل يبقي خراطيم الزيت للفرامل مسدودة بتسمح بدخول الزيت للمساتر الفرعية لكن مابترجعش الزيت تاني بعد الفرملة والعيب دة بينتج من عدم تغيير زيت الباكم بانتظام كل سنتين وبالتالي بيتكون رواسب كربون وبقايا جلد مساتر وخراطيم وتتراكم في ثنايا الخرطوم وتبداء في الانسداد زي شرايين القلب والكوليسترول ..شوف وطمنا وان شاء الله تتحل وانا متابع معاك

**AhMeD MeTwAlY** · 29-06-2012 04:38 AM

المشاركة الأصلية كتبت بواسطة me_medoo

باشا انا عاوزك ترفع العربية بالكوريك ... ولف العجلة اقدماني لو لقيتو تقيل يبقى يا محتاج يتشحم رمان البلي ... يا التيل قافش على الطنابير والله أعلم ... ويارب تنحل المشكلة بأقل التكاليف واقل الخسائر ... وإن شاء الله بسيطة إن شاء الله ...

+1
ويا ريت تراجع الموضوع دا
http://www.nilemotors.net/Nile/272268-a.html
AhMeD MeTwAlY

**sakr_skoda** · 29-06-2012 09:22 AM

المشاركة الأصلية كتبت بواسطة ahmed metwaly

+1
ويا ريت تراجع الموضوع دا
http://www.nilemotors.net/nile/272268-a.html
ahmed metwaly

على فكرة ياخ احمد موضوعك دا موضوع هايل جدا جدا وفيه مناقشات مفيدة بس مش عارف المواضيع الجميله دى بتتقفل ليه ياريت المهندس /احمد سيد منسق القسم يحاول يعيد لينا المواضيع المفيدة دى للحياه مرة تانيه....*

-

الموضوع: مشكله سخونة العجل

LinkBack

أدوات الموضوع

عرض

-

-

-

المواضيع المتشابهه

عندي مشكله في سخونة الكابوت ؟

مشكله سخونة العجل

مشكله فى بلى العجل

سخونة العجل الامامي في الفيرنا

سخونة جنوط العجل بدرجة شديدة

الكلمات الدلالية لهذا الموضوع

المفضلات

المفضلات

ضوابط المشاركة