سير كاتينه الكورولا والياريس مش بيتغيروا علشان جنزير
تغييرهم فقط لما تسمع صوت دربكه ممكن يكون حصلهم حاجه ساعتها
عرض للطباعة
ياجماعه ابوس ايديكم انا عملت مواضيع كتير فى خصوص البنزين دا اعملوا سيرش فى مواضيعى القديمه هتلاقوا كلام كتير عن البنزين
ال 92 نفس نقاوه ال 80 وال 95 واتكلمت كتير واثبت الحوار دا
رقم الاوكتان 92 او 95 او 100 حتى دا اضافات على مركب البنزين لمنع الانفجار المبكر ( الكركره يعنى ) فى حاله المواتير الجديده اوكتان عالى لو ماتور قديم اوكتان منخفض
وكون ان زميل لينا ينزل كميه الشوائب دى من الفلتر فانا بقول انه يمكن يكون كتير بيمشى والتانك فاضى فحصل معاه كدا لانه سحب وساخه من اخر التنك
خلاصه الكلام شكل كدا الفلتر مش بينغير الا لما يصرخ ويقول غيرونى وانا بازن الله هروح بكره لميكانيكى يفكهولى اصلى بصراحه الجو حر ومش عايز اشتغل بايدى المره دى هههههههههه
تحياتى لكم ..... م\ عاصم جاد
الكورولا تقريبا من ساعت ما اتعملت وهيا جنزير الى شوفته كله كان جنزير من اول 81 والياريس جنزير
شكرا ليك انا كنت فاهم ان الكورولا سير و اليارس بس هي اللي جنزير
و انا عندي كرولا 97 سير
دورت ولقيت تقريبا الكورولا لغايه 97 سير و من 98 الي 2012 جنزير
اليارس و الايكو جنزير
ده لينك من موقع تويوتا لاغلب الموديلات
Toyota Help Faq#
لا طبعا يا باشمهندس عاصم بيتغير فلتر البنزين
هو حسب كلام الكتالوج وكتيب الصيانات في التوكيل انهم بيغيروه على 40 الف
لكن انت ممكن لو بتحط بنزين نضيف ومش بتستنى لحد مالعربية التانك يفضى ممكن يقعد معاك اكتر من كدة
لكنه بيتغير طبعا مافيش كلام
وهو فعلا صعب جدا في الفك بتاعه انت محتاج يكون معاك واحد وكل واحد في ايده حديدة كبيرة وشاكوش
تسند الحديدة على الطبة في اتجاه الفتح واللى معاك يكون ساند الحديدة بحيث ماتتحركش العكس
وخبط بالشاكوش عشان تدي قوة للف الطبة
هي فكرتها انها بتلف فابتفتح بس طبعا محكمة الاغلاق عشان كدة ممكن تقعد في الموضوع ده اكتر من ساعة كاملة بتحاول فيها انا برضوا العمال وهما بيفكو الفلتر افتكر قعدو كتير جدا
بالنسبة لتغيير الفلتر فانا شخصيا مع ازمة البنزين الاخيرة فيوز طرمبة البنزين اتحرق والعربية بطلت
كذلك العربية كانت بتتاخر في الدوارة ومكتومة جدا !!
فغيرت فلتر البنزين وعايز اقول لحضرتك اني مغيره على 40 الف ومنزل هباب اسود !! اكني كنت بمون سواد مش بنزين وطبعا العربية اختلفت للاحسن 180 درجة بعد تغييره !!
لكن في نفس الوقت انا كنت بستنى لحد مالتانك يخلص وامون فاعتقد ان كتر الرواسب هي اللى بهدلت الدنيا عندي بزيادة
ده شكل فلتر البنزين وهو طالع من عندي مع العلم اني دائما بمون 92 ومش من اي بنزينة كمان بحاول استنضف البنزينة !! وسعات بمون 95
ومع ذلك شوف الفلتر طالع عامل ازاي وبعد 40.000 الف كيلو فقط !! ؟
مع العلم اني اول ماطلعته من العربية كان بينزل سواد !!!!!!!!
http://img840.imageshack.us/img840/650/26042012631.jpg
غيره ياباشمهندس عاصم هتحس العربية فاقت ومافيش فلتر مش بيتغير !!
ماهو من كتر الرواسب الفلتر ده بيفقد قدرته على الفلترة فلازم مع مرور الوقت والزمن يتغير
انا عمرى ما بفضى التنك على الاخر وبعدين لما افضى ككدا هفكه واشوف يستاهل تغيير ولا لا يمكن الحال مختلف معاك
وبكرر بنزين 80 ننفس بنزين 95 فى النقاوه .........ز تحياتى لك
انا معاك ان اكيد الحال مختلف عندي بس فيه وجهة نظر تانية بتقول
انك لما تبقى دايما بتمون اول مالعربية مثلا توصل للربع ومش بتستنى توصل لاخر التانك نهائيا كدة تمام الرواسب في الاخر
لكن لما تبقى اساسا متعود انك كل مرة تفضي التانك على الاخر وبعدين تمون !! فانت كدة علطول بتفضي التانك وترجع تمونه فمافيش وجود للرواسب اساسا !! ؟
الصورة الأخيرة دي من العوامة وليس الفلتر نفسه
الفلتر بيبقى حته صغيرة في اخر طرمبة البنزين وبيبقوا داخلين جوه العوامة اللي في الصورة دي
وبيبقوا معشقين في بعض الفلتر والطرمبة علشان كده لما تغير الفلتر بتغير العوامة
وعلشان كده انا في ظني ان الفلتر بيتغير لما الطرمبة تبوظ لأن الفلتر لما هيبوظ اكيد هيبوظ الطرمبة لأنه هيعدي لها شوائب