ياجماعه انا فى حيره بقالى فتره وعايز اشترى عربيه اتوماتك فى اسرع وقت فى حدود 60 الف فوق وتحت 5000 ومحتار بين كذا نوع
لانسر 2008 فول ابشنز
ميجان 2006 فول
بروتون بيرسونا او جين تو 2010
ياريت حد يساعدنى فى الاختيار من اهل الخبره
ياجماعه انا فى حيره بقالى فتره وعايز اشترى عربيه اتوماتك فى اسرع وقت فى حدود 60 الف فوق وتحت 5000 ومحتار بين كذا نوع
لانسر 2008 فول ابشنز
ميجان 2006 فول
بروتون بيرسونا او جين تو 2010
ياريت حد يساعدنى فى الاختيار من اهل الخبره
كراي شخصي
لانســر ....
اقتباس:
المشاركة الأصلية كتبت بواسطة s o p h o s
+111
لانسر
شكرا لكل اللى رد بس واضح من الردود ان الاختيار لانسر بدون ذكر اسباب
اسمحوا لى اوضح اسباب حيرتى انا
اللانسر طبعا هيبقى سهل البيع وقطع الغيار بس هتنازل عن الرفاهيه والاوبشنز اللى موجوده فى الباقى
بالنسبه للميجان والبيرسونا بيتفقوا فى الاوبشنز والتكنولوجيا الموجوده فيهم بسر الاختلاف هيبقى فى سنة الموديل يعنى واحده 2006 والتانيه 2010
وبالنسبه للاسعا الموجوده هى كالتالى
بيرسونا 2010 حوالى 63 الف
ميجان 2006 حوالى 60 الف
لانسر 2008 بحوالى 70 الف
ياريت حد يخرجنى من الحيره دى لانى كنت مسافر ومعرفشى سوق العربيات هنا عامل ازاى ولا اماكن الصيانه
لو هتقدر على مصاريف الميجان يبقى تكسب طبعا الانسر والجين تو العربية ده فعلا ملهاش حل بمعنى كلمة ملهاش حل خد العربية ده كده وسافر بيها مشوار طويل زى شرم الشيخ كده مثلا وانت تعرف يعنى ايه الميجان
@ gym1974
ماهى المشكله انى مش عارف ايه المصاريف دى ناس تقول قطع غيار غاليه وناس تقول لأ دى فى المعقول
وبعدين انا كان معايا مازدا 3 وكانت قطع الغيار اغلى بس فى الراحه كانت كويسه جدا وكمان قطع الغيار غاليه اه بس مش بتبوظ بسرعه يعنى فرق السعر بيتعوض فى العمر الافتراضى
جمع اصوات الجين 2 مع البيرسونا :d
بص الميجاان ان شاء الله و مش حتندم و فى موااضيع مثبتة ف الرينو عن اسعاااار قطع الغيار لقيتها منااسبة توكل على الله :) و اهم حاااجة بعد اما تستقر على عربية تطلع على التوكيل التوكيل التوكيل و يكشف عليها و يديك التقرير و ان شاء الله ترتااح معاها .
نصيحة ستروين سي 4 ومش هتندم وكل حاجة عنها موجود في قسم ستروين .. بجد هتشتري عربية هتنساها .. وسيبك من اللي يقولك سعر اعادة بيع والكلام ده .. ولا قطع غيار .. العربية سعرها زيرو 164 الف دي الهاي لاين .. وعشان تجيب لانسر هاي لاين زيرو هتجيبها بنفس السعر .. وسعر اعادة بيعهم مستعملين احد نفس الموديل .. مع العلم ان الاعتمادية و الثبات والعمر والكماليات في صالح الستروين .. العربية الوحيدة في مصر اللي ماسكة سعر وده الغريب هي التويوتا كورولا 2002 - 2007 .... وده عشان سوقنا غريب شوية .. فكر في الستروين ومش هتندم .. مفيهاش غلطة
ابعد عن الميجان خالص عشان الكمبيوتر بتاعها كتير الاعطال ولما بيعطل العربيه بتقف ومبتتحركش وتمنه ب ربع تمن العربيه
وليا ناس كتير مجربين
اللانسر ياباني متقارنهاش ب بروتون خالص بأي شكل من الاشكال
انصحك لو خايف من قطع الغيار انزل اسأل علي كل عربية وانت تعرف ايه الرخيص وايه الغالي لاني لو قولتلك ان اللانسر اغلي قطع غيار فيهم مش هتصدقني
ولو عايز بريستيج واحسن خامات وتقفيل متتنازلش عن الميجان خصوصاً لو بانوراما .. بس حالة لانها متعبة واللانسر عادية جداً ومنتشرة بغباء ومع اي حد دلوقتي يعني مش هتحس بتميز
واختياري للجين 2 عشان احسن اداء وموديل حديث وسعر قطع غيار ارخصهم بس اقلهم .. ولو عايز تدخل عربيات تاني انصحك تشوف الامبريزا 2006 .. قطع غيارها اغلي بس احلي واحسن اداء وكمان معمرة جداً