ماهو افضل سائل صابون لغسيل العربيه والى بيضيف حمايه ونعومه للسطح الخارجى .. لان معروف ان سائل الصابون بتاع الصحون مضر للبويه
عرض للطباعة
ماهو افضل سائل صابون لغسيل العربيه والى بيضيف حمايه ونعومه للسطح الخارجى .. لان معروف ان سائل الصابون بتاع الصحون مضر للبويه
formula 1 Wash & Wax ب25 جنيه ممتاز
Rapido منتج مصري من اسكندرية ازازة بيضا غطاها احمر ب 5 جنيه تقريبا وبرضه كويس جدا
Rapido كويس جداً وسعره تقريباً 6 جنيه ويكفى 6 : 8 مرات غسيل
ولما بتزنق بغسل بشاور جيل :) وبيقضى الغرض وزياده
اللهِ يا حسام يا أخويا
في عندك شامبو الماني ب 37 جنية
وفي عندك كمان شامبو
بس عاوز نصيحة مني كأخ ... وفـر فلوسك
وهات بريل بلســـــــم الابيض . أذا عاوز تحافظ على عربيتك
@@@@@@@@@@@@@
وبـــــــصحــــــة العـــــــربيـة الجديـــــــدة
الله ينور على المعلومات الجميله دى بس اعتقد لو سائل مخصوص حيكون افضل لانى كنت جايب نوبيرا 2001 زيرو وكنت مهتم بيها وبغسلها دايما بنفسى بس ببريل عادى لحد ما واحد قالى البريل غلط على البويه قولت له ليه؟؟ قالى بياكل الطبقه الامعه الى فوق الدهان الى هيا الورنيش وبيعمل زى دواير كده تحسها وتشوفها فى الشمس بعد الغسيل فكان الغرض هو مابعد الغسيل وان السائل المطلوب يعمل زى عازل بسيط حمايه للبويه
تحياتى
انا سعات بستعمل جاز مع المياه بينضف و يدي لمعة جميله
حبيب قلبي يا حسام باشا.
الدواير دي ياباشا نتيجت المسح بفوطة وسخة وفيها ذرات تراب صغيرة تحس ولا ترى
والمفروض تمسح العربية مش بشكل دائري ولكن بشكل طولي علشان لا تظهر الدوائر
والخرابيش ، ولو سمعت كلام الناس هيقولولك كتر الغسيل غلط على العربية. بتخليها تصدي عمرك شفت عربية بقالها عشرين سنة مصدية. غير عربيات الاسكندرية او السويس بسبب الرطوبة مش الغسيل
والي يقلك ابعد عن الميه والي يقلك بلاش صابون وشوية شوية هتلاقي ناس بتغسل عرابيتهم ببانزين او جاز .... رغم انها مواد مذيبة لطبقة الورنيش .... بالذات مع الشمس
اهم حاجة متغسلش العربية نهائي وهيا سخنه او في الشمس
استخدم فوطة نظيفة
اغسل الجزء العلوي. وانتهي منه ثم اغسل الجزء السفلي من السيارة العتب والرفارف والاكصدمات والدليات خليهم اخر حاجة
بامكانك ترك الصابون على السيارة وابدء بالمسح دون استخدام اسلوب الشطف طالما مفيش طينة ووحلى وافرزات عصافير. وامسح السيارة بوطة ناشفة مباشرة دون استخدام ماء لان الصابون فيه طبقة شمع تعطي لمعه للسيارة
والماء كلوو كلوور بيجير السيارة
حاول انك متستخدمش الخرطوم المية ورش رش رش كانك بتسقي شجر ولا بتملى بانيوووو ويكون معاك جردل واسفنجة كبيرة وطرية ونضيفة ومتخليش اي بواب ولا سايس يمسحهالك نهائي. والعربية هتبقى زي الفل انشاء الله وتحياتي ليك يا غالي