الى حصل بقا يا رجالة النهارده انى نزلت علشان اخلص موضوع التجنيد
كنت عامل هنا موضوع عن كيفية التاجيل بالنسبة للولد الوحيد
ومن هنا بدات الرحلة
بعد ما كنت استفدت من خبرات الشباب معانا هنا الاول فى المنتدى
و روحت الاول القسم الى انا تابع لييه (اول المنصورة) و قالى الحجات المطلوبة منى
-شهادة ميلاد كمبيوتر لك
,و للوالد , و الوالدة , و الاخوة كلهم
-شهادة الجواز او قسيمة الجواز للوالد و للوالده
-قيد عائلى
-بطاقة 6 جند
- صور بطاقة
- صور شخصية
و توجهت بعد كده على السجل المدنى
المهم روحت علشان اطلع شهادات الكمبيوتر دى طلعتها كلها
و شهادة الميلاد الكمبيوتر بـ7 جنيه
و قسيمة الجواز الوالد كمبيوتر بـ16 جنيه
المهم بقا نيجى لقيد العائلة ........... اعطيت الورق للموضف الى هناك و يا ريتنى ما اديتهولة:N_no[1]:
تخيل بقا ايه الى حصل
طلع اسمى غير مطابق لاسم الوالد
:waaaht::waaaht::waaaht::waaaht::waaaht::waaaht:
ههههههههههههههههههههههههه هههههههه
شوف ازاى بعد العمر ده كله طلع اسمى مش زى اسمه اقول ايه بس:stink[1]::stink[1]:
و اروح لهنا و هنا و اطلع للضباط الكبار و الضغيريين ابداا انت مش انت
هههههههههههه
كنت عاوز اشغلهم عبد الباسط حموده و انا مش عارفنى انا مش انا
:guitarplay1::guitarplay1:
طب ايه العمل يا عم الحاج تطلع على سجل مدنى تانى(غير الى انا كنت فيه) و تعمل طلب تصحيح اسم
قالى السجل المدنى الناحية التانية
نزلت لفيت و طلعت و اروح هنا و اسال ده يوقلى اول الشارع اروح اول الشارع يقولى لا ارجع تانى
لحد الحمد لله ما واحد شاورلى عليه و قالى هناك اهوه:S_thum1[1]:
نروح نعمل طلب تصحيح يقولى طب عاوزين شوية حاجات كده و كتبهالى فى ورقة و الله راجل محترم
كان عاوز بقا ايه
-اصل شهادة ميلاد ليا كمبيوتر
-اصل شهادة ميلاد كمبيوتر للوالد
-صورة قسيمة جواز الوالد كمبيوتر
-صورة لشهادات ميلاد الاخوه كلهم
-صور شخصية
-صور بطاقة
-فيش و تشبيه
و عاوزين فيش و تشبيه اول ما عرفت انه هعاوز الفيش قولت بس يبقا هتعك حبر و قرف بقا و التخلف ده و هنقعد نمسح ايدينا بالجاز
المهم روحت القسم الى تابع ليه الاقيه بيقولى لا هنا مش هنا بنعمل فيش الجيش فقط ازاى يا عم الحاج هو كده :|
اقوله طب اعمل الفيش فين الاقيه بيقول فى شرطة المرافق ههههههههههه انا سمعت الكلمة دى و فتحت بوقى ييجى دقيقه كده اقوله فين يقولى شرطة المرافق اقوله ازاى يعنى برضه هو كده :@:@:@
روحت لفيت تانى و قعدت اسال الناس على المرافق ده فين يا عم يقولى جمب المطافى
اقوله مطافى ايه (على اساس انه فيه كذا حته فيها مطافى ) يقولى المطافى بتاعة الحريق
:waaaht::waaaht::waaaht:
بالمنظر ده و الحر بتاع النهارده كان ممكن يحصلى حاجه
المهم مشيت بلاد تشيلنى و بلاد تحطنى :penguin4::penguin4:
انى الاقى المرافق ده لحد ما لقيت المرافق الى جمب المطافى روحت ركنت العربيه هناك لقيتهم بيرشوا مية
بس اوعى تكون فاكر بيرشوا مياه كده عادى لا ابسلوتلى:N_no[1]:
بيرشوا الشارع بعربيات المطافى مقولكش كفااااااااااائة و الله
و كان فيه صف عربيات راكنه قام هوب غاسلهم كلهم مرة واحده برشة واحده بس:Bravo::Bravo:
ولا تقولى مغسلة ولا دراى كلين و الكلام الفاضى ده هى رشة واحده العربيه بتبرق بعدها :):):)
:Copy of makeup:
المهم نرجع تانى لموضوعنا روحت للمرافق دول بقولكهم و انا حاسس انهم هيضحكوا عليا اكيد:B4_592:
و بتكلم بصوت واطى هو هنا بيتعمل فيش و تشبيه
لقيته بيقولى اه فى عند اخر بوابة:eyecancer:
قولت سبحانك يا رب هو فيه كده القسم مفيهوش فيش و المرافق هى الى فيها فيش طب ازاااااى ؟؟
:L_bhuhhh[1]::L_bhuhhh[1]:
الغرفة بتاعت الفيش ده تقريباا 3 متر فى 3 متر يا دوب جهاز كمبيوتر و كرسىين انت و الراجل تقعدوا عليه
استنيت دورى فى الحر برا حد ما جه دورى:angry35:
و دخلت للراجل قولت اكيد هيفعصلى ايدى حبر بقا و جهزت علبة مناديل معايا:no2:
ببص لقيت سبحان الله جهاز رفع بصمات كمبيوتر
:S_thum1[1]::S_thum1[1]:
قولت ياااااااااااه احمد لله احمدك يا رب مصر اتقدمت تحيا الثورة يا جدع
:36_1_34[1]:
بقول لراجل خلاص معتدش فيه النظام القديش و الحبر و الجاز و العك ده
-قالى اه خلاص معدش حد بيعترف بيه لا هنا ولا بره فى السفر
قولتله ما كان من الاول :10D5C8w1107::10D5C8w1107:
المهم عملت البصمات و كان مطلوب منك البطاقة و صورة للبطاقة و 15 جنيه
و قالى تعالى بكره بقا علشان تستلم الفيش
بكرة ده الى هو الجمعه قالى يبقا خلاص السبت بقا و عليك خير
يتبع يوم السبت ان شاء الله
ادعولى الموضوع يمشى عدل
:inlove: