محدش بيتكلم عن الجيتز لييه؟؟؟

**m10_10** · 19-06-2007 11:54 PM

ايه يا اهل الهيونداي

كل المواضيع كده عن الفيرنا...

انا محتاج يا جماعه معلومات عن الجيتز لاني من عشاق السيارات الهاتش باك

انا خبرتي ضعيفه في العربيات بس انا حاسس انها عربية جميله

انا بفكر اشتري عربية جديدة بس خبرتي زيروووووو

ياريت تساعدوني يا رجاله عشان انا برضة مهتم اوي انها تكون عربية تستحمل مشواري ( ساكن في 6 اكتوبر وشغلي فمصر الجديدة )
كفايه انها تستحمل المحور وبلاوية وتكون موفرة في البنزين وقطع الغيار تكون معقولة

يارب حد يفيدني ؟؟؟

**mohamed yousry** · 20-06-2007 05:16 PM

هى عربية حلوة جدا....عندى احسن من الفرنا وكمان من الماتركس.... موتورها قوى على حجمها ورياضية جدا ..لكن ملهاش سوق عشان العربيات فى بلدك بتتقاس بالشبر(الحجم الداخلى وحجم الشنط).... وبالتالى ملهاش صيانة او قطع غيار غير فى التوكيل.... انتشار وسعر اعادة بيع سىء طبعا.....

**bassam nagy** · 20-06-2007 06:04 PM

العربية حلوة وعملية جدا وزى ماقال الاخ محمد

موتورها قوى على حجمها ورياضية جدا ... وبالتالى ملهاش صيانة او قطع غيار غير فى التوكيل...

**m10_10** · 21-06-2007 08:36 AM

طب جميل قوي يا جماعه

يعني انا لو حبيت اجيبها وطبعا مش بفكر اغيرها هاتبقى كوية بالنسبالي ؟؟؟

هاتكون ان شاء الله اول عربية في حياتي وانا لسه مطلع رخصة اصلا قريب وسواقتي معقوله جدا

بالنسبالي هل هاتكون موفرة من ناحية قطع الغيار واستهلاك البنزبن ؟؟ ولا تنصحوني بأية ؟؟؟

**bassam nagy** · 21-06-2007 04:08 PM

توكل على اللة قطع غيار الهيونداى معقولة وكويسة وعربية جميلة

**mohamed yousry** · 21-06-2007 04:58 PM

توكل على اللة قطع غيار الهيونداى معقولة وكويسة وعربية جميلة

بس لو جبت الفرنا هتكون اوفر لأنك ممكن تشترى قطع غيار من برة التوكيل وهتكون رخيصة عن التوكيل وبردة اصلية لكن الجيتز لازم التوكيل.....بس طبعا الجيتز احسن من الفرنا.......

**fahd_628** · 21-06-2007 07:00 PM

توكل على الله يا باشا و الف مبرووووك مقدما

**m10_10** · 22-06-2007 03:37 AM

الف شكر يا رجاله عالردود والاهتمام
بجد المنتدي هنا رائع جدا والكل عايز يخدم

بس انا لسه في حيرة...
ان شاء الله ربنا يقدم اللي فية الخير...

فية واحد صاحبي نصحني بيقولي هات حاجه صغيرة مستعمل وطالما انت مابتتعبش العربية يبقى هاتمشيك وبعدين لما تتعود وتبقى اكثر خبرة ابقى هات الجديد...

**KiNgMaX** · 22-06-2007 03:58 AM

فية واحد صاحبي نصحني بيقولي هات حاجه صغيرة مستعمل وطالما انت مابتتعبش العربية يبقى هاتمشيك وبعدين لما تتعود وتبقى اكثر خبرة ابقى هات الجديد...

كلام صاحبك صح اول عربية ليك يفضل تكون مستعمل ويا سلام بقى لو نوع ماتخسرش فيه لما تيجى تبيعه وده لسببين الاول ان اول عربية لازم تتخبط منك شوية لحد ما تتعود وبالتالى لو كانت مستعملة مش هتزعل عليها
وتانى سبب وده فى رأى هو الاهم ان الواحد لما يجيب عربية اول مرة بيبقى نفسه فى عربية والسلام ولو حتى تكون ايه وبيقول لنفسه يا سلام لو عندى عربية حتى صفيحة على اربع عجلات وبالتالى بيقدم تنازلات وبيكون اختياره غير دقيق ناتج عن التفكير الغير سليم والاستعجال فتقع فى عربية غير مناسبة ليك وتكون دفعت فيها دم قلبك وهتلاقى تفكيرك أتغير وتقول ياريت
يارب اكون قدرت افيدك