الموضوع: (((((تسقيط ماتور زيرو لعربيتك )))(((دراسة)))))

الفكرة دي ممكنة لو معايا عربية و حافظها و الموتور في منه زيرو
بس نحسبها ماديا

مثلا اوكتافيا 2000 مثلا
تمنها حيبقي كام 50000 ج
حاجيب موتور زيرو (من برة لان مفيش في مصر) تفتكر تمنه حيقف بكام
حوالي 35000ج
الحل و التركيب و التظبيط و الذي منه 2000
يبقي حوالي 85000ج
تمن واحدة موديل 2005 او 2006 او 2007 كمان
يبقي استفدت إيه
ولا حاجة . . . لا استني
انت نسيت بهدلة المرور و اثبات الموتور الجديد و و ورقه و تقرير اللجنة الفنية

و بعدين ملحوظة مهمة : الموتور حيبقي جامد علي بودي العربية
بمعني انه لو أغراك علي الجري العربية مش حتستحمل قوة الموتور

الفكرة لو قابلة للتطبيق كانول طبقوها برة لكن صعب
زمان قوي كان العربيات بتبني بفكر مختلف و تعيش عشرات السنين و بالتالي تغيير الموتور ممكن يبقي كويس ، انما الآن العمر الافتراضي لأي عربية لا يتعدي العمر الافتراضي لموتورها

لو التجديد موتور بس مكنش الواحد غلب

:-))))

و مين مش نفسه يعمل كده عشان يحافظ على زوبة حبيبته بس ما كانش حد غلب ...
و مين هيركب الموتور و يضمن انه متركب صح و كمان فعلا فيه حاجات كيتر غير الموتور ... يعني حضرتك قصدك الواحد يصنع عربيته على ايديه....لو كان ده قصد حضرتك فانا باشجع الرأي ده اهو نشجع الصناعة المحلية :-)

مين اللى قال ان بره مفيش عربيات قديمة لأ فيه و فيه كتير كمان ابسط مثال فى المانيا البيتلز موديل 79 بس فيه حاجه لازم تعرفوها ان عندهم لازم يكشفوا على العربيه ككل فى المرور مش محرك و بس تانى حاجة فى حاجه اسمها din no و ده بينفع اذا وا حد حب يشترى سيارة قديمة مستعملة بيروح يكشف على الرقم فى المرور و يعرف اذا حصل حادثة و هل بيتعمل لها صيانة دورية و بعدين الناس بره هم اللى بيعملوا صيانة لعربياتهم بنفسهم و نادر اوى ان واحد يودى عربيته لميكانيكى علشان كده نادر لما يحصل مشاكل فى العربية علشان بتبقى متصلحه بضمير حتى لو عربية مر على انتاجها 30 سنة

المشاركة الأصلية كتبت بواسطة shoudy2005

مين اللى قال ان بره مفيش عربيات قديمة لأ فيه و فيه كتير كمان ابسط مثال فى المانيا البيتلز موديل 79 بس فيه حاجه لازم تعرفوها ان عندهم لازم يكشفوا على العربيه ككل فى المرور مش محرك و بس تانى حاجة فى حاجه اسمها din no و ده بينفع اذا وا حد حب يشترى سيارة قديمة مستعملة بيروح يكشف على الرقم فى المرور و يعرف اذا حصل حادثة و هل بيتعمل لها صيانة دورية و بعدين الناس بره هم اللى بيعملوا صيانة لعربياتهم بنفسهم و نادر اوى ان واحد يودى عربيته لميكانيكى علشان كده نادر لما يحصل مشاكل فى العربية علشان بتبقى متصلحه بضمير حتى لو عربية مر على انتاجها 30 سنة

ايوه طبعاُ بره فيه عربيات قديمه .. و كتير كمان .. و بيسقطوا مواتير و بيظبطوا العربيات و بيعملوا ميتنجز و كلابز (نوادي) و اخر حلاوه بره .. بس بره فيه اختيار انه يركب القديم او الجديد .. اللي يعجبه ..
بالنسبه لقطع الغيار و الفحص و الكلام ده مظبوط زي ما انت ما قلت . و زيد علي كده كمان ان لو قطعه الغيار مالهاش شهاده TUV مابيقبلوش بيها ... يعني حتي قطعه الغيار لازم تكون اصليه ..و بالنسبه للموديلات القديمه بره فيه كتير و اكتر مما الناس تتخيل .. ده فيه حتي بي امات موديل 67 و بيتلز موديلات سبعينات و عربيات كتير تانيه ...