حد يقولى ايه العربيه الغريبه دى اللى فى موكب الرئيس

**A.Lotfy** · 02-07-2012 01:45 PM

يانهار اسود ........... ايه كل العربيات دي اللي في موكب حسني
والكورنيش فاضي من الناحيتين

**أبو_يوسف** · 02-07-2012 02:04 PM

المشاركة الأصلية كتبت بواسطة a.lotfy

يانهار اسود ........... ايه كل العربيات دي اللي في موكب حسني
والكورنيش فاضي من الناحيتين

وعلى ما كنت اسمع انه مش بيكون راكب في العربية اللي بيبقى باين عليها انها العربية الرئيسية للتمويه
يعني العربية اللي حواليها الموتسيكلات مش شرط يكون راكب فيها..

**sha2e** · 02-07-2012 02:14 PM

عبد الناصر اول ما مسك كان بيمشي فى الشوارع بعربيه مفتوحه وكان بيطلع بره القطر يحي الناس
والسادات اول ما مسك كان نفس الموضوع
ومبارك نفسه اول ما مسك رئيس كان بيسلم على الناس عادي وكان موكبه اقل من 10 عربيات

العبره مش بالبدايه

هكتفي بالصوره دي

على اليمين موكب الرئيس الجديد وعلى اليسار مستشفى المعادي العسكري الي فيها الرئيس السابق

**Angel_wolf** · 02-07-2012 03:43 PM

على فكرة انا كنت على الطريق الدائرى والموكب بتاع الرئيس مرسى معدى الناحية التانية والله العظيم ماحسينا بيه الطريق وراة وقدامة فاضى بالكتير 10 متر اكتر ودة طبعا انا مكنتش مصدقة اساسا غير كدة لما لقيت الموتوسكلات قلت يلا تعد كام مرسيدس اس وكام جيب وكام بوكس انا اتفاجئت من العدد القليل اوى اوى اوى والله العظيم انا بتكلم جد العدد قليل اوى انا بقول كدة علشان انا فى الاكادمية البحرية فى شيراتون المطار وطريقى صلاح سالم محدش شاف لما موكب هيكون هيعدى العساكر من اول ارض المعارض لحد كويرى المطار وعادى بقى محاضرات تروح عليك عادى ومالة الريس بيعدى والله مرة كان امتحان هيفوت مننا لولا ستر ربنا وكنا نازلين بدرى فالحمد لله عدينا ولحقنا الامتحان والله العظيم ان احترمت الرئيس الجديد لما شوفت الموكب بتاعة

**s7ba** · 25-04-2015 07:19 AM

على فكره دى اهم حاجه فى الموكب كله ولها وظائف متعدده

منها التشويش على جميع الشبكات

التشويش على جميع اجهزه التحكم من بعد

التشويش على اى قاعده ينطلق منها اى قذيفه موجه للموكب

من الاخر من غير دى ممكن اى حد يضرب قذيفه من على بعد على الموكب ووقتها الموكب

يكون بلح عرفتم العربيه دى وظيفتها ايه

وما خفى كان اعظم

**أبو آسر** · 25-04-2015 10:31 PM

عارف إن الموضوع قديم
بس طالما الموضوع اترفع النهاردة فلي تعليق على موضوع الموكب من واقع شاهدته بعيني محدش حكالي عنه
في يوم كنت راكن على جنب قريب من طريق السويس جنب بطاطس آند زلابيا بناكل زلابيا أنا والأولاد :)
خلصت ولسة بتحرك بالعربية لقيت موتوسيكل شرطة لسة معدي فشافني بتحرك فلف وشه ورا وقعد يشاورلي إني أقف ومتحركش فوقفت وأنا مستغرب ليه عمل كده فرفعلي ايده بيشكرني
مفيش ثواني لقيت موكب الرئيس معدي عبارة عن 5 سيارات فقط على ما أذكر تقريبا كان مروح بيته في التجمع الخامس لأن الوقت كان بالليل ، ولا شفت مرور متعطل ولا عساكر مترشقة على الطريق ولا حد حس أصلا إن في رئيس كان معدي !
الله يرحمها أيام

**أبو آسر** · 26-04-2015 02:00 AM

المشاركة الأصلية كتبت بواسطة أبو آسر

عارف إن الموضوع قديم
بس طالما الموضوع اترفع النهاردة فلي تعليق على موضوع الموكب من واقع شاهدته بعيني محدش حكالي عنه
في يوم كنت راكن على جنب قريب من طريق السويس جنب بطاطس آند زلابيا بناكل زلابيا أنا والأولاد :)
خلصت ولسة بتحرك بالعربية لقيت موتوسيكل شرطة لسة معدي فشافني بتحرك فلف وشه ورا وقعد يشاورلي إني أقف ومتحركش فوقفت وأنا مستغرب ليه عمل كده فرفعلي ايده بيشكرني
مفيش ثواني لقيت موكب الرئيس معدي عبارة عن 5 سيارات فقط على ما أذكر تقريبا كان مروح بيته في التجمع الخامس لأن الوقت كان بالليل ، ولا شفت مرور متعطل ولا عساكر مترشقة على الطريق ولا حد حس أصلا إن في رئيس كان معدي !
الله يرحمها أيام

آسف نسيت أذكر إن الموقف ده حصل في عهد مرسي