الاستاذ اللي بيقول القشقاي صغيرة من الداخل ... مين قال الكلام دا ... "قُل خير او ..."
مبدئياً نيسان قشقاي واخدة تقييم ممتاز في المواقع الاجنبية من ناحية الوسع والراحة والثبات ومتعة القيادة ونعومة العفشة
وليا ناس معرفة جربوها وعندي دليل بالصور بس للأسف الصور فيها حقوق مخالفة
للتأكد من صحة كلامي يرجى مشاهدة الفيديو ..
nissan qashqai - which? Car review - youtube
ألفيديو دا بيوضع وسع العربية وثباتها ونعومتها مع الحفر والمطبات
والموقع دا دليل على كلامي ..
nissan qashqai hatchback review | carbuyer
اعتقد المياه تكدب الغطاس ودول فيديو وموقع للتأكد من صحة كلامي
بيقولو ان العربية مافيهاش اي مشكلة غير بس ان الشنطة بتاعتها تعتبر صغيرة نسبياً بالنسبة لمنافسيها زي الاسبورتاج وال ix35
وللعلم القشقاي افضل منهم كلهم لأن الاسبورتاج نازلة بمحرك 1600 سي سي ودا محرك ضعيف بالنسبة لوزن العربية الغبي
والعربية اللي نازلة بمحرك 2000 سي سي سعرها في حدود 370 الف جنيه وحضرتك ممكن تبحث في الموضوع دا
واعتقد ان بالسعر دا تقدر تجيب bmw
واستهلاك البنزين عالي جداً جداً وكذلك ال ix35 على عكس القشقاي
وللعلم موديل 2013 مش مفتقر للمواصفات ولا حاجة دا في جميع كماليات الامان والمالتي
ارجو من اللي محتاج مساعدة يشوف الفيديو والموقع وشكراً
وللعلم انا قريب نازل اجيب القشقاي مع اني فكرت كتير في اوبل الالماني بس القشقاي مريحة اكتر وتحمسك انك تركبها على طول
ومريحة في السفر بطريقة لا تعقل وكذلك توكيلها من افضل التوكيلات