الكاوتش عندى جديد وباين فيه مسامير كتير وانا بغسل اعالجها بإيه
السلام عليكم ورحمة الله وبركاته
--
ياجماعة انا شارى الكاوتش جديد مبقاليش كام شهر ولا سافرت ولا عملت حاجة مشى كله جوا البلد
كنت بغسل العربية بنفسى من كام يوم ولاحظت فيه حصو كتير وايضاً مسامير كتير
تفتكروا من حقى احزن على العدد الى شوفته ولا دى سنة الحياة مع الكاوتش يعنى لازم المسامير دى كلها تدخل فى الفترة الصغيرة دى ؟؟
المهم ياجماعة لإنى ان شاء الله من اول السبت الجاى هبدأ اسافر بالعربية مشاوير طويلة نوعاً ما
اسيب المسامير الى شوفتها دى عادى ونسبة التسريب قليلة لإن الكاوتش جديد وقبل ما اسافر ابقى ازودها وخلاص ؟؟؟
ولا اشيل المسامير دى ؟؟ لو شلتها بقى ارجوكم يعنى اعالجها بإيه ؟؟ فى ناس قالت لى استخدم اللحام عشان الخوابير دا أسرع طريقة لتقصير عمر الكاوتش
ارجو سرعة الاجابة حول كيفية معالجة المسامير فى الكاوتش علماً بإنه جديد نوفى :(
