عرض للطباعة
فى هندسه الزقازيق 2002 وانا فى اولى كهربا قبل التخصص كان بيدينا ماده اسمها material
سالنا سؤال مش هنساه لان من المرات النادره اللى رديت فيها
ايه الفرق بين مرسيدس وال 28؟
وكل واحد كان بيطجن اى حاجه
الا العبد لله قلتله المرسيدس عربيه محمله فى كل حاجه
قال قربت قوى
الفرق هو ال material بتاعت كل جزء ياحضرات
بنفس اسلوبه القتم ده
كانت ايام حلوه وكان كتابه رخييييص مقارنه بالحيتان التانيين
http://a6.sphotos.ak.fbcdn.net/hphot...49411322_n.jpg
مرضيتش اصورلكم الباقى لان خطى زباله اصلا
ههههههههههه خطك زباله يا مزاجنجي ههههههههههههههه
كل العباقره كده على فكره :10D5C8w1107:اقتباس:
المشاركة الأصلية كتبت بواسطة ahmad--ezzat
مش متاكد ان الماده دى تقريبا شيلتها الترم الاول واترفعت رافه الترم التانى لان كان معايا مادتين تانيين :N_no[1]:
هههه عادي كلنا شلناااا
بس انا كنت متالق فى الشيل دهاقتباس:
المشاركة الأصلية كتبت بواسطة ahmad--ezzat
كل سنه مادتين وانجح فى ال2 القدام وهكذا لمده 4 سنين
http://a7.sphotos.ak.fbcdn.net/hphot...01548656_n.jpg
واضح انك كنتتتتتتتتتتتت دحاح ههههههههههههه
الكتابه دى مش اى كتابه انا ف هندسه وعارف شغل تسجيل النفس ده :d
الحمد لله والله ان ربنا كرمنا بالراجل ده حاسس ان شخص عادى زى حالاتنا كده ومتواضع ربنا يقويه ع اللى جاى
هههههههههههههههههههه
معرفش معنى تسجيل النفس ده بصراحه ؟اقتباس:
المشاركة الأصلية كتبت بواسطة m.belal
وحياتك كنت ابعد مايكون عن الدح بس كنت بحب اكتب اى حاجه تعجبنى علشان الاقى حاجه اقراها اخر السنه
مثلا انا كاتب تمن الكتاب وانه بياخد غياب كل محاضره وايه الفرق بين المرسيدس وال 28 والحاجات اللى مش علينا تحت !!!
على فكره الراجل ده كان بييجى فى معاده بالدقيقه ومبيدخلش حد بعده وبياخد غياب فى المحاضره وكان ملتزم جدا
احلى حاجه بقى لما كان بيسرح فى السياسه كانت بتبقى ساعه الحظ لنا
كان بيقول ايه فى السياسة
مكنش بيخاف من حسنى وكان دايما بيهاجمه وبيهاجم فسادهاقتباس:
المشاركة الأصلية كتبت بواسطة a.saad
ودايما كان بيقول النظام ضعيف جدا بس الناس تهتف ضده وهم خارجين من الاستاد بعد اى ماتش كوره وساعتها كل البلد هتنضملهم والنظام كله هيقع
الموضوع ده هيبقى حاجه حلوه تحكيها لاحفادك يا باشا ان رئيس الجمهوريه كان بيدرسلك فى الجامعة بس استعد بقى و صور ال ١٢٨ و المرسيدس القديمه علشان اكيد احفادك هيسألوك دول عباره عن ايه و كان شكلهم عامل ازاى؟
حلوة الحتة دي :)))))))))))
وقت الجولة الأولى في الإنتخابات و كنت وقتها مختار أبو الفتوح
قابلت واحد عند كشك بعد صلاة الجمعة و كان شكله محترم جداً
المهم كان صاحب الكشك بيشتم و يلعن في الأخوان
ليه يا معلم؟
كانوا عايزين يعلقوا يافطة محمد مرسي بالعافية و أنا بحب حمدين أصلاً
قلتله عندك حق..عملوا إيه تاني يزعلوك (وقتها اللي كان بيختار حمدين مكنتش بسيبه) قاللي قتلوا واحد في المكان الفلاني عشان نفس السبب...قلتله بس مسمعناش بكده خالص و لو الموضوع حقيقة مكنش الإعلام عتقهم
المهم هو كان مصر على إن الواقعة حقيقية
المهم الشاب اللي كان بيشاركنا الحوار قاللي حاجة معرفتش أرد عليها خالص ..بل إنها خلتني أكثر حنقاً على محمد مرسي:
قاللي إن الكتاب اللي بيبيعه في الكلية ب 300 جنيه و إن قلبه مش على الطلبة
:))))))))))))))
وأحنا شفنا بنفسنا الكلام دهاقتباس:
المشاركة الأصلية كتبت بواسطة mazagngi2010
نظام وقع فى 18 يوم
300 جنيه !!!والله زى مابقلكم ولسه مكتوب سعر الكتاب من وقتها (25 نظرى وعملى) شعب بيعشق الفتى
بس كانت امتحاناته غلسه وكلها اختيارى حوالى 150 سؤال اختيارى (اختر ادق اجابه ) !!!
على فكره مرسي كان ساعاتها عنده مرسيدس تمساحه (تمانينات)اخضر زيتى بس كانت نضيفه بصراحه
موضوع جميل !! قد كدة كان الريّس عنده بصيرة؟!
ايه ده انت مين
دا انت دفعتي علي كدا انا كمان كنت في اولي كهربا سنه 2002 قبل ماتخصص باور
بعتت لك على الخاصاقتباس:
المشاركة الأصلية كتبت بواسطة assaf
عموما انا على رشاد اللى كان بيحجز البنش الاخير دايما وبيقول كفايه يادكتووووووووور بس انا دخلت اتصالات
طب سؤال بقى
هو قسم كهريا زيكو
ولا فلزات
زلا ميكانيكا انتاج
ولا ايه بالظبط لحسن الفتى كتر
هى مادته دى كانت متقسمه نصين
سكاشن مقرفه فى معامل انتاج
والمحاضرات بتاعته عن الفلزات والمواد خصوصا الموصله للكهربا واشباه الموصلات وكان رئيس القسم ده
ده اللى انا فاكره
وحرس الجامعة كانوا سايبينه يقول كده !!!اقتباس:
المشاركة الأصلية كتبت بواسطة mazagngi2010
انت حضرته أيام العز والمرسيدس، انا حضرته قبلك باربع أو خمس سنين كان لسه معاه بيجو 504.اقتباس:
المشاركة الأصلية كتبت بواسطة mazagngi2010
كتابه فعلا كان رخيص ومكانش بيجبر حد يشتريه ومكانش حد بيفكر يصوره لأن تمن التصوير قريب من تمن الكتاب.
شكرا للموضوع ورغم اني انتخبت ابو الفتوح اولا وانتخبت مرسي لدفع الضرر
لكن معني كلامك انه كان شخص محترم وقليل اللي يعمل كدة
وخريجين الكليات العملية يعرفو الكلام ده كويس جدا وقد ايه اسماء الطلبة اللي كانت بتشتري الكتاب بتتسجل
بس غريبة انك شايل ورق دراسة من 10 سنين
ده انت صبور قوي :-)
اقتباس:
المشاركة الأصلية كتبت بواسطة Karim_Monir
بالضبط كده نفس التسلسل معايا .. مع الفارق إني لم أنتخب أصلا .. لكن لو كنت انتخبت كنت هانتخب أبو الفتوح .. وبعد كدة مرسي برضه دفعا للضرر .. لكن بالفعل أعتقد إنه بيثبت إنه راجل محترم كل يوم بيعدي وبيكسب ناس أكتر .. وده أكيد في مصلحة البلد بإذن الله ... دا احنا كان عندنا دكاترة مش بتدخل الطلاب اللى لسة ماشتروش كتبهم للمحاضرة معاهم كشف محدث باستمرار للناس اللى اشترت
على فكرة أنا لا زلت لغاية دلوقتي عندي كل المحاضرات اللى كتبتها من سنة أولى يعني بالضبط كدة داخل على 18 سنة أهه خلاص ولا زلت كل فترة أطلعها أبص عليها بصة وأرجعها تاني :hlopaet_prv:
بصراحة موضوع جميل جدا الف شكر لصاحب الموضوع