الموضوع: تقرير SEAT Ibiza Mk1

السلام عليكم
النهارده هاعملكو تقرير عن ابيزا الجيل الاول

هاتكلم الاول علي اداء العربية
بداية وزن العربية ال 1.2 سي سي 900 كجم
و 1.5 وزنها 925 كجم

التسارع بتاع ال 1200 0-100 16.4 (انا جربت ال 1200 اكتر من مرة و وكان اقل من كده في حدود ال 13 ثانية بس انا كاتب الرقم من المانيول)


ال 1500 الكربراتير التسارع بتاعها 0-100 12.6

ال 1500 انجكشن sxi التسارع بتاعها 0-100 10 ثواني ( الموتور ده جامد جدا و بيسد مع عربيات كتير و انا سواقتي رياضية شوية ف وقت الجري بيسد معايا)


ثبات العربية اديلو 7 من 10 و ده بسبب نظام العفش ورا سوستة بالعرض بيسموها ورقة و يمكن لاني سوقت عربيات تانيه احسن منها
بس انا في الفترة الاخيرة زودت سوستة و وطيت العربية ف بقت ناشفة من ورا و بتحك في كل المطبات بس الثبات اتحسن حاجة بسيطة
اعتقد لو جنوط 15 مع كاوتش 195 او 205 هايفق اكتر (الجنوط عندي كانت 14 و الكاوتش 185)

الفرامل بقي دي اللي قرفتني جدا اول ما جبت العربية كانت ممتازة جدا لحد ما غيرت التيل حسيت انها قلت شوية لان التيل مضروب ( اكتر الريفيوز بره بيقولو ان الفرامل كويسة جدا)
و بعدين غيرت الماستر العمومي و بعديها حسيت ان الفرامل مارجعتش زي الاول (اعتقد بسسب قطع الغيار الصيني اللي بقت ماليه البلد حاجة تشل)
و لحد دلوقتي مش راضي عن الفرامل و كان في في دماغي تعديلات للفرامل هاتكلم عليها بعدبن


شاسية العربية كويس العربية اساسا بينزل عليها موتور 1700 و برة في ناس مسقطة مواتير اكبر


[IMG] By mahmoud135 at 2012-06-30[/IMG]



شكل العربية بالنسبالي حلو جدا بالنسبة لعربية موديل 84
اللي مصصم شكل العربية هوا Giorgetto Giugiaro و ده اللي صمم الجولف


[IMG] By mahmoud135 at 2012-06-27[/IMG]



و دي ال sxi


[IMG] Uploaded with ImageShack.us[/IMG]



دي جولف طبعا


[IMG] Uploaded with ImageShack.us[/IMG]
الانتريور بتاع العربية شيك جدا التابلو جلد و العدادات واضحة جدا و الاضاءة بتاعت العدادات شبة العربيات الحديثة من ورا العداد و المؤشر نفسه هوا اللي منور
[IMG] By mahmoud135 at 2012-06-30[/IMG]


[IMG] By mahmoud135 at 2012-06-30[/IMG]


العربية واسعة من جوه بالنسبة لحجم العربية الصغير ( اوسع من ال 128 مثلا)
الشنطة صغيرة شوية




نيجي بقي للتعديل , العربية مالهاش حظ خالص في التعديل في مصر
المواتير المتاحة قدامك هيا 1700 105 حصان و ده مش موجود في مصر و حتا لو موجود محدش هاغير موتور عشان 5 حصان ( ال 1500 100 حصان)
يبقي نعمل ايه
لما دروت في مواقع و منتديات اجنبية و صلت لحاجات غريبة الناس بتتكلم في مواتير الفيات زي ال كوبية ال 16 فالف تيربو و لانشيا دلتا انتجرال و حاجات زي كده
عندنا المرور ما بيسمحش انك سقط موتور غير نفس المارك غير لو هاتفتح مخك في المرور

المساعدين و السوست اللي قدام هاتلاقيلهم حاجات رياضية ولكن بصعوبة
ورا بقي اللي مقدرتش افهم قوي هما بيعملو ايه بس ليها تعديل


الفرامل

ورا بتتغير الصرة و الطنابير ب بتاعت الاونو ال1400 تيربو
قدام بتتغير ب بتاعت الكوبية 284 D
او بتاعت اللانشيا دلتا 305 D
و الماستر الرئيسي بيتغير ببتاع الجولف 1 ال جي تي اي 22 مم

لو في حد ليه استفسار عن اي حاجة يسأل
و يا رب الموضوع يعجبكو

المشاركة الأصلية كتبت بواسطة bunsh_fox

تسلم وجزاك الله كل خير ..

جزانا و اياكم