لا مستحيل اجيب بى امم قطع غيارها نار ولا تقارن اصلا بجولف 4 ..
و لو العربية دى حالتها طلعت تمام فعلا بعد الفحص انا هتوكل على الله لانها حالة ممتازة
لا مستحيل اجيب بى امم قطع غيارها نار ولا تقارن اصلا بجولف 4 ..
و لو العربية دى حالتها طلعت تمام فعلا بعد الفحص انا هتوكل على الله لانها حالة ممتازة
بصراحه السعر ده لو دماغى فى الجولف ممكن يجيبلى جولف 4 موتور 2000 سى سى مش 1400 سى سى .. وتكون نظيفه ومعدله كمان كل حاجه من الاداء ل Body kit ل جنوط نظيفه
يا شباب .. قطع غيار البى ام غالية طحن و بعيده عن قدرتى جدا ..
قطع غيار جولف 4 سألت عليها طلعت فى المعقول و موجوده الحمد لله ..
وانا عارف ان السعر زياده شوية بس انا برضو بشترى حالة ممتازة ..
ده غير انى مش عاوز اجيب عربية متسقطلها مواتير علشان بقلق من الحوار ده ..
انا بحب العربية على وضعها ..
ده غير ان العربية ال 2000 سى سى منها هتسحب بنزين منى بغباء .. وكمان محتاجة عفشة خاصة
و محتاجة دواعم و طنابير و فتيس و تيل فرامل و مساعدين و كبالن من نوع خاص ..
يعنى من الاخر احسن حاجة بالنسبالى ان العربية تكون على وضعها وملعبش فى اساسيات العربية
لو هسقطلها جوز اكصدامات على سبويلر على شدة السقف على زينون فوق و تحت مع تعديل فوانيس امامى
يبقا كده العربية شكرا جزيلا بقت من انضف الجولفات اللى موجوده ..
علشان كده انا عاوز اشتريها على وضعها و لو عاوز العب فيها يبقا اللعب ده قدام عينى مش من ورايا
مظبوط الكلام ولا ايه ؟؟؟؟
كلامك مظبوط ياباشا وانا برضه من النوع اللى احب اعدل الحاجه بنفسى بس انا كلامى كان على أساس السعر انه غالى بالنسبه لجولف 1400 سى سى عموما انا وبعض الاعضاء قلنالك رأينا .. تشتريها او مش تشتريها دى حاجه ترجعلك :)